জীৱনলৈ বেয়া সময় আহিবই, গীতাত থকা শ্ৰীকৃষ্ণৰ কি কি বাণীয়ে দিয়ে দুঃসময়ৰ পৰা উঠি অহাৰ শক্তি?

শ্ৰীকৃষ্ণই গীতাৰ মাধ্যমেৰে জীৱনৰ বহু উপদেশ দি গৈছে৷ হাজাৰ হাজাৰ বছৰ পূৰ্বে শ্ৰীকৃষ্ণই এই উপদেশসমূহ দিলেও সেইসমূহৰ আজিও আমাৰ জীৱনত সমানেই মাহাত্ম্য আছে৷ মহাভাৰতৰ কুৰুক্ষেত্ৰৰ যুদ্ধৰ পূৰ্বে নিজৰ আপোনজনৰ ওপৰত অস্ত্ৰচালনা কৰিবলৈ অস্বীকাৰ কৰিছিল অৰ্জুনে৷ মানসিক দ্বন্দ্বত ভুগি অস্ত্ৰ পৰিত্যাগ কৰে তৃতীয় পাণ্ডৱে৷ তেতিয়াই অৰ্জুনক যি উপদেশ দিছিল শ্ৰীকৃষ্ণই৷ সেয়াই গীতাৰ বাণী নামেৰে পৰিচিত৷

গীতাৰ বাণী সঠিকভাৱে মানি চলিব পাৰিলে জীৱনত সাফল্য লাভ কৰিব পাৰি৷ আৰু এই ধৰণৰ প্ৰতিকূলতাৰ সৈতে যুঁজ কৰাৰ শক্তি অৰ্জন কৰা সম্ভৱ হয়৷ গীতাই আমাৰ জীৱদ্দশা আৰু তাৰ পাছৰ অৱস্থাৰ বাবেও সমানভাৱে কাৰ্যকৰী৷ গীতাৰ দৰ্শনে আমাৰ জীৱনক সঠিকভাৱে চালনা কৰে৷ গীতাত ধৰ্ম, কৰ্ম আৰু প্ৰেম সম্পৰ্কে উপদেশ দিয়া হৈছে৷

গীতাত শ্ৰীকৃষ্ণই কৈছে যে জীৱন কেতিয়াও একে নাথাকে৷ জীৱনত যেনেকৈ ভাল সময় আহে, তেতিয়াও বেয়া সময় আহে৷ কেনেকৈ কঠিন সময়ৰ মোকাবিলা কৰিব লাগে সেই পৰামৰ্শও গীতাত দিছে শ্ৰীকৃষ্ণই৷ জানি থওক কি কৈছে গীতাই?

গীতাত থকা শ্ৰীকৃষ্ণৰ বাণী

সময় কেতিয়াও একেই নাথাকে৷ জীৱনত ভাল সময় আহিলেও তাৰ কিছু সময় পাছতেই বেয়া সময়ো অৱশ্যেই আহে৷ যি ব্যক্তিয়ে অকাৰণতে কন্দাকটা কৰে তেওঁলোকৰ হাহাকাৰে অন্যৰ চকুলৈকো পানী আনি দিয়ে৷ কিন্তু তাৰ পৰা দুখৰ পৰিত্ৰাণৰ শক্তি পোৱা নাযায়৷

যি ব্যক্তিয়ে কেতিয়াও সাফল্যত উচ্ছ্বাসিত নহয় আৰু ব্যৰ্থতাৰ দুঃখতো ভাঙি নপৰে, তেওঁলোক হৈছে সকলোতকৈ ধীৰ স্থিৰ আৰু বুদ্ধিমান ব্যক্তি৷ যি ব্যক্তিয়ে নিজৰ অহংকাৰত ডুবি থাকে, তেওঁলোকে কেতি.আও সাফল্য লাভ নকৰে৷ সেয়ে সাফল্য পালে অহংকাৰ নকৰিব৷ কাইলৈ ব্যৰ্থতা আহিবই পাৰে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ