এণ্ড্ৰইড ফোনত ব্যৱহাৰকাৰীৰ বৰ্ধিত গোপনীয়তা আৰু সুৰক্ষা নিশ্চিত কৰিবলৈ গুগলে ব্যৱহাৰকাৰীসকলক অসুৰক্ষিত কল ৰেকৰ্ডিং এপ্লিকেচনবোৰ প্ৰতিহত কৰিবলৈ কিছুমান কঠোৰ ব্যৱস্থা প্ৰৱৰ্তন কৰিব। গুগলে শেহতীয়াকৈ ইয়াৰ প্লে ষ্ট’ৰ নীতিত কিছু পৰিৱৰ্তন কৰি অহা ১১ মে’ৰ পৰা ইয়াক কাৰ্যকৰী কৰিব বুলি প্ৰকাশ কৰিছে।
বিভিন্ন অসুৰক্ষিত উৎসৰ পৰা গুগল প্লে’ ষ্টৰত উপলব্ধ হোৱা এণ্ড্ৰইডত কল ৰেকৰ্ডিং এপসমূহক সম্পূৰ্ণৰূপে নিষিদ্ধ কৰাৰ বাবে গুগলে এই পদক্ষেপ গ্ৰহণ কৰিব বুলি প্ৰকাশ কৰিছে। গুগলে এতিয়াৰে পৰা প্লে ষ্ট’ৰত ক’ল ৰেকৰ্ডিঙৰ বাবে এই এপসমূহক এপিআই ব্যৱহাৰ কৰিবলৈ অনুমতি দিয়া নহ’ব বুলিও সদৰী কৰিছে।
লগতে পঢ়ক গ্ৰীষ্ম কালত কি কি আহাৰ খাব? চাওক গ্ৰীষ্মকালীন আহাৰৰ ৰুটিন…
অৱশ্যে, এনে পদক্ষেপ এয়াই প্ৰথম নহয়, ইয়াৰ পূৰ্বেও গুগলে অসুৰক্ষিত উৎসৰ কল ৰেকৰ্ডিং এপসমূহ বন্ধ কৰিবলৈ পদক্ষেপ গ্ৰহণ কৰিছিল৷
বিশ্বৰ সৰ্ববৃহৎ প্ৰযুক্তি প্ৰতিষ্ঠানটোৱে কিছু মাহৰ পূৰ্বৰ পৰাই এনেধৰণৰ অসুৰক্ষিত এণ্ড্ৰইডত কল ৰেকৰ্ডিং বন্ধ কৰিবলৈ জোৰ দি আহিছে।
উল্লেখ্য যে ইয়াৰ পূৰ্বে গুগলে এণ্ড্ৰইড ৬-ত ৰিয়েল-টাইম কল ৰেকৰ্ডিং অৱৰোধ কৰিছিল৷ গুগলে এণ্ড্ৰইড ১০ৰ ইয়াৰ ডিভাইচবোৰত কল ৰেকৰ্ডিং সুবিধাটো সম্পূৰ্ণৰূপে আঁতৰাই দিছিল।
লগতে পঢ়ক ‘কৰ্মচাৰীক চাহ নুখুৱাব, পাৰিলে আপুনিহে কৰ্মচাৰীৰ পৰা চাহ খাওক’ : মুখ্যমন্ত্ৰী হিমন্ত বিশ্ব শৰ্মা
অৱশ্যে, এই ক্ষেত্ৰত এণ্ড্ৰইডৰ কিছুমান সুৰুঙা থাকি গৈছিল আৰু ইয়াৰ ফলত এণ্ড্ৰইড ১০ আৰু তাৰ ওপৰৰ ডিভাইচবোৰত এনে কল ৰেকৰ্ডিং এপসমূহ কাৰ্যক্ষম হৈ আছিল।
বিশ্বৰ বিভিন্ন দেশভেদে কল ৰেকৰ্ডিঙৰ নীতি ভিন্ন হোৱাৰ বাবে এনে হোৱা বুলি ধাৰণা কৰা হৈছে৷ কিন্তু, গুগলে অহা মাহত নতুন পৰিৱৰ্তনবোৰ কাৰ্যকৰী কৰাৰ পিছত এইটো আৰু সম্ভৱ নহ’ব বুলি সদৰী কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
