দুদিনমান পূৰ্বে ওমানত সাগৰৰ পাৰত অৱসৰ বিনোদন কৰিবলৈ গৈ সাগৰৰ ঢৌত উটি গৈছিল পিতৃসহ দুই সন্তান৷ ডুবাইত কৰ্মৰত উক্ত পৰিয়ালটো আছিল মহাৰাষ্ট্ৰৰ৷ সাগৰৰ ঢৌৱে তেওঁলোকক উটুৱাই নিয়া দৃশ্য সামাজিক মাধ্যমত ভাইৰেল হৈ পৰিছিল৷ সেই ঘটনাৰ চাঞ্চল্যৰ মাৰ নৌযাওঁতেই পুনৰ তদ্ৰূপ এক ঘটনা সংবাদ মাধ্যমত প্ৰকাশ পাইছে৷
অৱশ্যে প্ৰকাশিত এই ঘটনাটো ওমানৰ নহয়৷ ঘটনাটো ইউৰোপৰ গ্ৰীচত সংঘটিত হৈছে৷
ঘটনাৰ বিৱৰণীৰ মতে মেচিডোনিয়াৰ বাসিন্দা ইভান নামৰ ৩০ বছৰীয়া যুৱকজনে বন্ধুৰ সৈতে গ্ৰীচৰ কেছাণ্ড্ৰা বীচ্চত অৱসৰ বিনোদনৰ বাবে গৈছিল৷ সাগৰৰ পাৰত অৱসৰী মূহূৰ্ত কটাই থকা সময়তে যুৱকজনক সাগৰৰ প্ৰকাণ্ড ঢৌৱে উটুৱাই নিয়ে৷
লগতে পঢ়ক পানীপুৰী খাই নেকি? সাৱধান হওক, পানীপুৰী খালে আক্ৰান্ত হ’ব ৰোগত!
ডেইলী ষ্টাৰৰ বাতৰি অনুসৰি ইভানে তেওঁৰ বন্ধুৰ সৈতে গ্ৰীচৰ কেছাণ্ড্ৰা বীচ্চত সাগৰৰ ঢৌ উপভোগ কৰি থকাৰ সময়তে হঠাতে ঢৌৱে উটুৱাই নিয়ে৷ যুৱকজনৰ উদ্ধাৰ বাবে অভিযানকাৰী দলে অভিযান চলাই যদিও তেওঁৰ সন্ধান লাভ নকৰিলে৷
ইয়াৰ পাছতে উপকূলৰক্ষী বাহিনীয়ে এৰ্লাম বজাই যুৱকজন সাগৰত সন্ধানহীন হোৱা বুলি ঘোষণা কৰে৷ এই ঘোষণাৰ পাছতে যুৱকজনৰ বন্ধুকেইজনে তেওঁক মৃত্যু হোৱা বুলি ধৰি লয়৷
কিন্তু যুৱকজন সন্ধানহীন হোৱাৰ প্ৰায় ১৮ ঘণ্টাৰ পাছতে এই ঘটনাৰ এক টুইষ্ট আহে৷ সাগৰৰ ঢৌত উটি গৈ সন্ধানহীন হোৱা যুৱকজনে সুশৰীৰে অৰ্থাৎ জীৱন্ত অৱস্থাত সাগৰৰ পাৰত উপস্থিত হয়৷
লগতে পঢ়ক সঁচা হৈছে বাবা ভাংগাৰ ভৱিষ্যদ্বাণী! সোনকালে ধ্বংস হ’ব বিনন্দীয়া পৃথিৱী!
সাগৰৰ ঢৌত উটি যোৱা ১৮ ঘণ্টাৰ পাছত যুৱকজনে জীৱন্ত অৱস্থাত পাৰত উপস্থিত হোৱাত সকলোৱে আচৰিত হৈছে৷ আচলতে এটা ফুটবলে ডুৱন্ত যুৱকজনৰ জীৱন ৰক্ষা কৰে৷ যুৱকজনে প্ৰকাশ কৰা মতে সাগৰৰ পানীত ডুবিবলৈ ধৰোতে কৰবাৰ পৰা এটা ফুটবল উটি আহি তেওঁৰ ওচৰত পাইহি আৰু ফুটবলটোক ধৰি ধৰি সাঁতুৰি তেওঁ সাগৰৰ পাৰত উপস্থিত হয়৷
সংবাদ মাধ্যমত প্ৰকাশ পোৱা মতে উক্ত ফুটবলটো ১০ দিন পূৰ্বে ১১ বছৰীয়া ট্ৰাইফন আৰু ৬ বছৰীয়া থানোছ নামৰ ভাতৃদ্বয়ে সাগৰৰ পাৰত খেলি থাকোঁতে হেৰুৱাইছিল। গ্ৰীচৰ লেমনোছ দ্বীপৰ এভগেটিছ বীচ্চত শিশু দুটিয়ে ফুটবলটো খেলি আছিল। এই সময়ছোৱাত হঠাতে এই ফুটবলটো সাগৰৰ ঢৌৱে উটুৱাই লৈ গৈছিল।
উল্লেখ্য যে ইভানে উটি সাগৰৰ পাৰ আৰু ফুটবলটোক উটুৱাই নিয়া সাগৰৰ পাৰৰ মাজৰৰ দূৰত্ব হৈছে প্ৰায় ৮০ মাইল৷ ৮০ মাইল দূৰৈত সাগৰত উটি যোৱা এটা ফুটবলে মাজ সাগৰত এজন ডুৱন্ত মানুহৰ জীৱন ৰক্ষা কৰিলে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
