মহান ৰহস্যবাদী আৰু অন্ধ বাবা ভাংগাই কিছুমান অবিশ্বাস্য ভৱিষ্যদ্বাণী কৰি থৈ গৈছে আৰু তাৰে দুটা এই বছৰ বাস্তৱায়িত হৈছে বুলি দাবী কৰা হৈছে। অন্ধ বাবা ভাংগাই ভয়ংকৰ ভৱিষ্যদ্বাণীৰ বাবে নষ্ট্ৰাডামছ নবীৰ দৰেই খ্যাতি লাভ কৰিছে। তেওঁ কৰা ভৱিষ্যদ্বাণীসমূহৰ কিছুমান যেন এতিয়া সমগ্ৰ বিশ্বতে সত্য বুলি প্ৰমাণিত হ’বলৈ ধৰিছে।এই ভৱিষ্যদ্বাণীবোৰ বাবা ভাংগাই মৃত্যুৰ পূৰ্বে বহু বছৰৰ আগতে কৰি থৈ গৈছিল।
ডেইলী ষ্টাৰৰ প্ৰতিবেদন অনুসৰি বাবা ভাংগাই ২০২২ চনৰ বাবে ভৱিষ্যদ্বাণী কৰিছিল যে এছিয়াৰ বহু দেশ আৰু অষ্ট্ৰেলিয়াত বিপজ্জনক বানপানী হ’ব৷ এতিয়া তেওঁৰ এই ভৱিষ্যদ্বাণী সত্য বুলি প্ৰমাণিত হোৱা বুলি দাবী কৰা হৈছে৷ কিয়নো অষ্ট্ৰেলিয়াৰ কিছু অংশত চলিত বৰ্ষৰ আৰম্ভণিতে প্ৰচণ্ড বৰষুণ হৈছিল, যাৰ ফলত প্ৰচণ্ড বানপানীৰ সৃষ্টি হৈছিল। ইফালে অসমতো এইবাৰ বানৰ প্ৰকোপ পূৰ্বতকৈ বৃদ্ধি পোৱা পৰিলক্ষিত হৈছে৷
বাবা ভাংগাই ইয়াৰ লগতে কৈছিল যে খৰাং তথা পানীৰ নাটনিৰ ফলত ইউৰোপৰ বহু চহৰ ক্ষতিগ্ৰস্ত হ’ব। ইউৰোপত এই মুহূৰ্তত বাবা ভাংগাৰ এই ভৱিষ্যদ্বাণী ফলিয়াইছে বুলি কোৱা হৈছে। নিউজ কৰ্পৰ বাতৰি অনুসৰি পৰ্তুগালে নিজৰ নাগৰিকসকলক পানী ব্যৱহাৰত নিয়ন্ত্ৰণ কৰিবলৈ বাধ্য হৈছে আৰু ইটালীয়ে ১৯৫০ চনৰ পিছত এইবাৰ আটাইতকৈ ভয়াৱহ খৰাং পৰিস্থিতিৰ সন্মুখীন হৈছে।
লগতে পঢ়ক এইগৰাকী মহিলাই বৰ্ধিত পেটৰ চৰ্বি দেখুওৱাই কেনেকৈ মাহে ঘটে লাখে লাখে টকা?
২০২২ চনত তেওঁ কৰা ৬ টা ভৱিষ্যদ্বাণীৰ ভিতৰত ২ টা বাস্তৱায়িত হোৱা বুলিও কোৱা হৈছে। একে সময়তে বাবা ভাংগাই কৈছিল যে এই বছৰ চাইবেৰিয়াৰ পৰা অহা এটা নতুন মাৰাত্মক ভাইৰাছ এলিয়েন ফৰিঙৰ আক্ৰমণৰ লগতে আৰু ভাৰ্চুৱেল ৰিয়েলিটি বৃদ্ধি পাব।
স্মৰ্তব্য যে ১৯১১ চনত জন্ম লাভ কৰা বাবা ভাংগাৰ ১৯৯৬ চনত মৃত্যু হৈছিল। তেওঁৰ ভৱিষ্যদ্বাণীবোৰে এতিয়াও প্ৰতি বছৰে সংবাদ শিৰোনাম দখল কৰি থাকে। তেওঁৰ পৰিয়ালটো অতি দৰিদ্ৰ আছিল আৰু তেওঁৰ চকুৰ চিকিৎসাৰ বাবে ধনৰ অভাৱ হৈছিল। এনে অৱস্থাত ভাংগাই নিজৰ দৃষ্টিশক্তি হেৰুওৱায়।
অৱশ্যে অন্ধ হোৱাৰ পিছতো বাবা ভাংগাই বহুতো ভৱিষ্যদ্বাণী কৰি থৈ গৈছিল৷ মৃত্যুৰ পূৰ্বে তেওঁ ভৱিষ্যদ্বাণী কৰিছিল যে ৫০৭৯ চনত এই পৃথিৱীৰ অন্ত পৰিব।
লগতে পঢ়ক অতি বিপজ্জনক জনজাতি! শত্ৰুৰ মাংস ৰান্ধি ভক্ষণ কৰে, লাওখোলা ফালি তাতে খাই খাদ্য!
অৱশ্যে ইয়াৰ আগতেও তেওঁৰ বহু ভৱিষ্যদ্বাণী বাস্তৱত পৰিণত হৈছে বুলি কোৱা হয়। ১৯৮৯ চনতে ভাংগাই কৈছিল যে ২০০১ চনত সন্ত্ৰাসবাদী আক্ৰমণত আমেৰিকাৰ দুটা ‘ষ্টীল বাৰ্ড’ ধ্বংস হ’ব। বহুতে ইয়াৰ সত্যতা হিচাপে ৯/১১ আক্ৰমণৰ কথা উল্লেখ কৰে।
তেওঁৰ আন আন ভৱিষ্যদ্বাণীসমূহৰ ভিতৰত ২০০৪ চনৰ থাইলেণ্ডৰ চুনামী, বাৰাক ওবামাৰ ৰাষ্ট্ৰপতিত্ব, ছোভিয়েট ইউনিয়নৰ পতন আৰু পূব আৰু পশ্চিম জাৰ্মানীৰ পুনৰ একত্ৰীকৰণো আছে বুলি কোৱা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
