আপুনি ‘পানী পুৰী’ অথবা ‘পুছকা’ খাই ভাল পাই নেকি? যদি খাই ভাল পাই তেনে এতিয়াৰে পৰা সাৱধান হওক৷ পানীপুৰীৰ পৰা মাৰাত্মক ৰোগ আপোনাৰ শৰীৰলৈ সংক্ৰমিত হ’ব পাৰে৷
গ্ৰীষ্মকালত মানুহৰ শৰীৰত বিভিন্ন ৰোগে আক্ৰমণ কৰে৷ এই পানীপুৰী খোৱাৰ ফলতে আপোনাৰ শৰীৰৰলৈ টাইফয়ড, মেলেৰিয়া, ভাইৰেল জ্বৰৰ বীজাণু সংক্ৰমণ ঘটিব পাৰে৷
দক্ষিণৰ ৰাজ্য তেলেংগানাত বিধ্বংসী ৰূপ ধাৰণ কৰা টাইফয়ড পানীপুৰীৰ পৰাই সংক্ৰমিত হোৱা বুলি ৰাজ্যখনৰ এগৰাকী শীৰ্ষ স্বাস্থ্য বিষয়াই সদৰী কৰিছে৷ ডাঃ জি শ্ৰীনিৱাস ৰাও নামৰ স্বাস্থ্য বিষয়াগৰাকীৰ মতে ৰাজ্যখনত বৃদ্ধি পোৱা টাইফয়ড ৰোগীৰ বাবে পানীপুৰীয়েই দায়ী৷
লগতে পঢ়ক পুৰুষ-মহিলাই যৌন ক্ষমতা বৃদ্ধি কৰিবলৈ কি কি খাদ্য খোৱা উচিত?
উল্লেখ্য যে ৰাজ্যখনত যোৱা মে’ মাহৰ পৰাই টাইফয়ড ৰোগীৰ সংখ্যা অভাৱনীয় হাৰত বৃদ্ধি পাই আহিছে৷ ৰাজ্যখনৰ স্বাস্থ্য বিভাগৰ তথ্য মতে যোৱা মে’ মাহত ২৭০০ গৰাকী আৰু জুন মাহত ২,৭৫২ গৰাকী লোক টাইফয়ড ৰোগত আক্ৰান্ত হৈছে৷
টাইফয়ড জ্বৰ, মেলেৰিয়া, ডায়েৰিয়া, ভাইৰেল জ্বৰৰ প্ৰধান কাৰণেই হৈছে দূষিত পানী, অপৰিস্কাৰ খাদ্য সেৱন। তেলেংগানাত চলিত বৰ্ষত ডায়েৰিয়াত ৬০০০তকৈ অধিক লোক আক্ৰান্ত হৈছে।
তেওঁ বাৰিষাৰ সময়ত লোকসকলক পথৰ দাঁতিৰ খাদ্য বিশেষকৈ পানী পুৰী খোৱাৰ পৰা বিৰত থাকিবলৈ উপদেশ দি ডাঃ ৰাৱে একয় যে পানী পুৰী বিক্ৰী কৰা দোকানীসকলে পৰিষ্কাৰ পৰিচ্ছন্নতাৰ ওপৰত ধ্যান দিয়াটো উচিত। তেওঁলোকে কেৱল পৰিষ্কাৰ পানীহে ব্যৱহাৰ কৰিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
