বিয়া বুলি কথা কৈ থাকোতে হঠাতে আহিল এটা পখিলা, পখিলা দেখি হুকহুকাই কান্দিলে দৰাই, ভাইৰেল ভিডিঅ’
সামাজিক মাধ্যমত ভাইৰেল হৈ পৰিছে এটা এনে ভিডিঅ’, যি ভিডিঅ’ দেখি বহুতো লোকে নিজৰ মন্তব্য আগবঢ়াইছে। বিয়াৰ সুখৰ মুহুৰ্তত হঠাতে এটা পখিলা দেখি হুকহুকাই কান্দি পেলালে দৰাই।
ভাইৰেল হৈ পৰা এই ভিডিঅ’ চীনৰ বুলি জানিব পৰা গৈছে। চীনৰ ছাংহাই প্ৰদেশৰ এখন বিয়াৰ পৰা ভাইৰেল হৈছিল ভিডিঅ’ । বিয়া উপলক্ষে দৰাই কথা কৈ থাকোতেই হঠাতে এটা পখিলা আহি পৰে দৰাৰ কাপোৰৰ ওপৰত।
ভিডিঅ’ অনুসৰি, দৰাই বিয়াখনত পৰিয়ালৰ সকলোকে ধন্যবাদ জনাই আছিল। সেই মুহুৰ্ততে মনত কৰে বিগত বৰ্ষত পৰিয়ালৰ মাজৰ পৰা হেৰুওৱা আইতাকক। নাতিৰ বিয়া লৈ বহু আশা কৰিছিল আইতাকে। কিন্তু বেমাৰত পৰি মৃত্যু হয় আইতাকৰ।
সেয়ে দৰাৰূপী নাতিয়ে আইতাক মনত কৰি অতিথিৰ আগত কৈ থাকে, আইতালৈ বহুত মনত পৰে, সেয়ে আইতাক (মনত কৰি) কৈছো তুমি যদি মোক ভালপোৱা তেন্তে মোৰ বিয়াৰ সময়ত পখিলা হৈ আহিবা।
ঠিক সেই সময়তেই কৰবাৰ পৰা এটা পখিলা আহি দৰাৰ কাপোৰৰ ওপৰত পৰে। পখিলা দেখি লগে লগে কান্দি উঠে দৰা। সেই সময়ৰে ভিডিঅ’ বৰ্তমানে সামাজিক মাধ্যমত ভাইৰেল হৈ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
