অসম লাইভ ২৪ঃ হাজাৰ সপোন বুকুত বান্ধি নতুন জীৱনৰ পাতনি মেলিবলৈ আগবাঢ়িছিল এজন যুৱক৷ ৰভাতলীত উদুলি-মুদুলি পৰিবেশ৷ দৰা-কইনা, দৰাঘৰীয়া-কইনাঘৰীয়া সকলো আনন্দত মতলীয়া৷ আৰম্ভণিৰে পৰা সকলো ঠিকেই আছিল৷ সাত জনমলৈ এটা সম্বন্ধৰে বান্ধ খোৱাৰ পণ ল’বলৈ সাজু হৈছিল মাত্ৰ দৰা-কইনা৷ কিন্তু তেনেতে ঘটিল এটি অথন্তৰ৷ মণ্ডপৰ পৰাই হাতত হেণ্ডকাফ লগাই আৰক্ষীয়ে লৈ গ’ল দৰাক৷ কাৰণ প্ৰেমিকাক ঠগি অন্য এগৰাকীৰে বিয়াত বহাৰ পৰিকল্পনা কৰিছিল দৰাৰূপী ধুৰন্দৰ ৰাহুল কুমাৰ মিশ্ৰাই৷ বিয়া কৰোৱাৰ প্ৰলোভনেৰে প্ৰাক্তন প্ৰেমিকাক শাৰিৰীক অত্যাচাৰ কৰাৰো অভিযোগ আছে ৰাহুল কুমাৰ মিশ্ৰাৰ বিৰুদ্ধে৷ পূৰ্বৰ অভিযোগ তথা প্ৰৱঞ্চনাৰ অভিযোগৰ বাবে আৰক্ষীয়ে গ্ৰেপ্তাৰ কৰে লোকজনক৷ সম্প্ৰতি ৰঙা ঘৰৰ আলহী প্ৰৱঞ্চক প্ৰেমিক ৰাহুল কুমাৰ মিশ্ৰা৷ এই ঘটনা সংঘটিত হৈছে ঝাৰখণ্ডৰ খড়ৰিয়া জিলাত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
