প্ৰস্ৰাৱ কৰাৰ পিছত যদি চৰকাৰে আপোনাক GST বিচাৰে তেন্তে আপোনাৰ প্ৰতিক্ৰিয়া কি হ’ব? আপুনি নিশ্চয় বিচলিত হৈ পৰিব।
এইদৰে বিচলিত হোৱাৰ পূৰ্বে ৰে’লৱে ষ্টেচন টয়লেটলৈ যোৱাৰ সময়ত ৰেট কাৰ্ডখন পঢ়ক। কাৰণ এতিয়া প্ৰস্ৰাৱ কৰাৰ বাবেও GST লোৱা হৈছে। আগ্ৰা ৰে’লৱে ষ্টেচনত পোহৰলৈ আহিছে এনে এক ঘটনা। য’ত ১২ শতাংশ জি এছ টি যোগ কৰি ৱাশ্বৰুম ব্যৱহাৰৰ বাবে পৰ্যটকৰ পৰা মুঠ ১১২ টকা সংগ্ৰহ কৰা হৈছে।
পৰিষ্কাৰ-পৰিচ্ছন্নতাৰ বাবে ব্যয় কৰাৰ পিছত এতিয়া চৰকাৰে অধিক উপাৰ্জনৰ কথা চিন্তা কৰিছে! সেয়ে আগ্ৰা ৰে’লৱে ষ্টেচনৰ লাউঞ্জত ৱাশ্বৰুম বা প্ৰস্ৰাৱগাৰ ব্যৱহাৰ কৰিলে জিএছটি লোৱা হৈছে। এনে অৱস্থাত ষ্টেচনত ৱাশ্বৰুম আদি ব্যৱহাৰ কৰাৰ আগতে মাচুলৰ বিষয়ে সোধা-পোছা কৰাটো প্ৰয়োজনীয় হৈ পৰিছে।
লগতে পঢ়ক Swiggy Instamartৰ জৰিয়তে কণ্ডম অৰ্ডাৰৰ ক্ষেত্ৰত দেশৰ কোন চহৰ শীর্ষত আছে?
হিন্দী কাকত হিন্দুস্তানত প্ৰকাশিত এক বাতৰি অনুসৰি, আগ্ৰা ভ্ৰমণ কৰিবলৈ দিল্লীৰ পৰা গটমেন এক্সপ্ৰেছ ৰে’লযোগে আগ্ৰা কেণ্ট ৰে’লৱে ষ্টেচনত উপস্থিত হয় দুজন ব্ৰিটিছ নাগৰিক। আগ্ৰা কেণ্ট ৰে’লৱে ষ্টেচনত তেওঁলোক গ্ৰহণ কৰে পৰ্যটক গাইড আই চি শ্ৰীবাস্তৱে। ৰে’লৰ পৰা নামি অহাৰ কিছু সময়ৰ পাছতে দুয়োজন পৰ্যটকে ৱাশ্বৰুমত প্ৰস্ৰাৱ কৰাৰ ইচ্ছা প্ৰকাশ কৰে।
ইয়াৰ পিছত গাইড আই চি শ্ৰীবাস্তৱে তেওঁলোকক ১ নম্বৰ প্লেটফৰ্মত থকা এক্সিকিউটিভ লাউঞ্জলৈ লৈ যায়। পাঁচ মিনিট পিছত যেতিয়া দুয়োজন পৰ্যটক ৱাশ্বৰুমৰ পৰা ওলাই আহিল, তেতিয়া তেওঁলোকক কোৱা হৈছিল যে তেওঁলোকে প্ৰতিজন ব্যক্তিৰ বাবে ১০০ টকা যোগ কৰি জি এছ টি ১২ টকা দিব লাগিব, যাৰ ফলত মুঠ ১১২ টকা ভৰিব লাগিব। লাউঞ্জত বহি থকা কৰ্মচাৰীয়ে দুজন লোকক ২২৪ টকা বিচৰাত গাইডজনে আপত্তি কৰে। বহু বিতৰ্কৰ অন্ততো তেওঁলোকে ২২৪ টকা দিবলৈ বাধ্য হোৱা বুলি কোৱা হৈছে।
উল্লেখ্য যে ইয়াৰ পূৰ্বে ২০১৮ চনত তামিলনাডুৰ ইৰোড জিলাতো একেধৰণৰ ঘটনা পোহৰলৈ আহিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
