গুজৰাটৰ দলিত বিধায়ক জিগনেশ মেৱানীয়ে জামিন লাভ কৰিছে৷ সোমবাৰে কোকৰাঝাৰ অতিৰিক্ত মুখ্য ন্যায়িক দণ্ডাধীশৰ আদালতে গুজৰাটৰ দলিত বিধায়কগৰাকীৰ জামিন মঞ্জুৰ কৰিছে।
উল্লেখ্য যে প্ৰধানমন্ত্ৰী নৰেন্দ্ৰ মোদী সম্পৰ্কে দুটাকৈ আপত্তিজনক আৰু অপমানজনক টুইট কৰাৰ অভিযোগত কোকৰাঝাৰ আৰক্ষীয়ে বিধায়ক জিগনেশ মেৱানীক গ্ৰেপ্তাৰ কৰিছিল৷
যোৱা বৃহস্পতিবাৰে অসমৰ কোকৰাঝাৰ আৰক্ষীৰ এটা দলে গুজৰাটৰ পালানপুৰৰ পৰা বিধায়ক মেৱানীক গ্ৰেপ্তাৰ কৰি আনিছিল৷
লগতে পঢ়ক যৌন উৎপীড়নৰ বলি হৈছিল কংগণা ৰাণাৱট, কেতিয়া আৰু কোনে কৰিছিল যৌন নিৰ্যাতন?
বিধায়ক মেৱানীৰ বিৰুদ্ধে কোকৰাঝাৰৰ এগৰাকী বিজেপিৰ নেতাই কোকৰাঝাৰ সদৰ আৰক্ষী থানাত প্ৰধানমন্ত্ৰী নৰেন্দ্ৰ মোদীৰ বিৰদ্ধে আপত্তিজনক তথা অপমানজনক টুইট কৰাৰ অভিযোগ তুলি এজাহাৰ দাখিল কৰিছিল৷
উক্ত গোচৰত গ্ৰেপ্তাৰ হোৱা মেৱানীৰ জামিন আবেদনৰ শুনানি গ্ৰহণ কৰি সোমবাৰে কোকৰাঝাৰ অতিৰিক্ত মুখ্য ন্যায়িক দণ্ডাধীশৰ আদালতে জামিন প্ৰদান কৰিছে৷ আদালতে ৩০ হাজাৰ টকা বণ্ড আৰু পাঁচটা চৰ্তৰ বিনিময়ত জামিন মঞ্জুৰ কৰে।
লগতে পঢ়ক সাংসদ পত্নী আৰু বিধায়ক স্বামীক জে’ললৈ নিক্ষেপ, কিয় জে’ললৈ গ’ল জনপ্ৰতিনিধি দম্পতী?
বিধায়কগৰাকীক আন কোনো গোচৰত অভিযুক্ত নকৰিলে শীঘ্ৰেই মুকলি আকাশৰ তললৈ ওলাই আহিব।
উল্লেখ্য যে গুজৰাটৰ দলিত নেতা জিগনেশ মেৱানী ভাডগম বিধানসভা সমষ্টিৰ বৰ্তমানৰ বিধায়ক৷ মেৱানীয়ে আগন্তুক গুজৰাট বিধানসভা নিৰ্বাচনত কংগ্ৰেছৰ প্ৰাৰ্থী হিচাপে প্ৰতিদ্বন্দ্বিতা কৰাৰ কথা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
