ভাৰতৰ এগৰাকী যুৱতীয়ে দেশৰ প্ৰথমখন একক বিবাহ সম্পন্ন কৰিছে৷ গুজৰাটৰ বদোদৰাৰ ২৪ বছৰীয়া যুৱতীগৰাকীয়ে নিৰ্ধাৰিত ১১ জুনতকৈ পূৰ্বেই নিজৰ বিবাহখন সম্পন্ন কৰা বুলি সামাজিক মাধ্যম যোগে প্ৰকাশ কৰিছে৷
উল্লেখ্য যে গুজৰাটৰ বদোদৰাৰ ক্ষমা বিন্দু নামৰ ২৪ বছৰীয়া যুৱতীগৰাকীয়ে কিছুদিন পূৰ্বে নিজৰ সৈতে বিবাহপাশত আৱদ্ধ হ’ব বুলি ঘোষণা কৰি সংবাদ আৰু সামাজিক মাধ্যমৰ চৰ্চালৈ আহিছিল৷
এই খবৰ বিয়পি পৰাৰ লগে লগে বিষয়টোৱে সমগ্ৰ দেশতে বিশেষ চৰ্চা লাভ কৰে আৰু হিন্দু ধৰ্মীয় গুৰু আৰু বিজেপিয়ে ইয়াৰ বিৰোধ কৰাত বিতৰ্কৰো সূচনা হয়৷
লগতে পঢ়ক ৰে’লত যাত্ৰা কৰি ভাল পাই নেকি? হঠাৎ ৰে’লৰ টিকট কেনেকৈ পাব?
ইফালে যুৱতীগৰাকীয়ে অহা ১১ জুনত গুজৰাটৰ এটা মন্দিৰত তেওঁৰ একক বিবাহখন সম্পন্ন হ’ব বুলি ঘোষণা কৰাৰ পিছতে বিজেপিৰ এজন বিধায়কে ইয়াৰ বিৰোধিতা কৰি মন্দিৰত এনে বিবাহ সম্পন্ন কৰিবলৈ দিয়া নহ’ব বুলি হুংকাৰ দিয়ে৷
ইয়াৰ পিছতে ক্ষমা বিন্দুৱে অধিক বিতৰ্কৰ সূত্ৰপাত হোৱাৰ আশংকা কৰি নিৰ্ধাৰিত দিনৰ পূৰ্বেই নিজৰ বিবাহখন সম্পন্ন কৰা বুলি প্ৰকাশ কৰিছে৷ ইতিমধ্যে ক্ষমা বিন্দুৱে তেওঁৰ বিবাহৰ ‘মেহেন্দি’ আৰু ‘হালদি’ অনুষ্ঠানৰ ফ’টোও নিজৰ ইনষ্টাগ্ৰাম একাউণ্টত শ্বেয়াৰ কৰিছে৷
View this post on Instagram
বিন্দুৱে সামাজিক মাধ্যমৰ এটা ভিডিঅ’ বাৰ্তাত নিজৰ বিবাহ সম্পন্ন হোৱা বুলি প্ৰকাশ কৰি মেচেজৰ জৰিয়তে তেওঁক সমৰ্থন কৰা সকলোকে কৃতজ্ঞতা প্ৰকাশ কৰাৰ লগতে ধন্যবাদ জ্ঞাপনো কৰিছে৷ লগতে তেওঁৰ বিবাহ অনুষ্ঠানত উপস্থিত থাকিবলৈ ইচ্ছা কৰা সকলোৰে ওচৰত ক্ষমা ভিক্ষাও কৰিছে৷
লগতে পঢ়ক ৰে’লত কিমান পৰিমাণৰ সামগ্ৰী বিনামূল্যে নিব পাৰি? জানিবলৈ চাওক…
উল্লেখ্য যে নিজৰ সৈতে বিবাহ হ’ব বুলি ঘোষণা কৰি দেশত বিতৰ্কৰ সূচনা কৰি চৰ্চা লাঊ কৰা ক্ষমা বিন্দুৱে হিন্দু ধৰ্মীয় ‘কুসংস্কাৰ ভংগ’ কৰা আৰু ‘প্ৰকৃত প্ৰেম বিচাৰি ভাগৰি’ পৰাৰ বাবেই এই অগতানুগতিক সিদ্ধান্ত লোৱা বুলি প্ৰকাশ কৰিছিল৷
নিজৰ অগতানুগতিক সিদ্ধান্তৰ সন্দৰ্ভত বিশদ বিৱৰণ দি বিন্দুৱে লগতে কৈছিল, ‘‘জীৱনৰ এটা সময়ত মই উপলব্ধি কৰিছিলো যে মই মোৰ নিজৰ ৰাণী হোৱাৰ বাবেই মোক ৰাজকুমাৰৰ প্ৰয়োজন নাই। is why I have decided to marry myself on June 11৷ মই কইনাৰ দৰে সাজ-পোছাক পৰিধান কৰিম, অনুষ্ঠানত অংশ ল’ম, মোৰ বন্ধু-বান্ধৱীয়ে মোৰ বিয়াত উপস্থিত থাকিব আৰু তাৰ পিছত মই দৰাৰ লগত যোৱাৰ পৰিৱৰ্তে মোৰ ঘৰলৈ উভতি আহিম।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
