আপুনি বীট খায় ভাল পায়নে? যদি খায় ভাল পায় তেন্তে ভাল কথা৷ কাৰণ বীটৰুট হৈছে আটাইতকৈ স্বাস্থ্যকৰ পাচলিবোৰৰ এটা৷ ই পুষ্টিৰে সমৃদ্ধ আৰু স্বাস্থ্যৰ লাভালাভেৰে ভৰপূৰ।
শেহতীয়া গৱেষণা অনুসৰি দৈনিক এগিলাচ বীটৰ ৰস খালে হৃদৰোগৰ পৰা উপশম পাব পাৰি৷ গৱেষকসকলে ১১৪ জন স্বাস্থ্যৱান স্বেচ্ছাসেৱকৰ ওপৰত এই সম্পৰ্কে এক অধ্যয়ন কৰিছিল৷ ৭৪ জন লোকক তেওঁলোকৰ ৰক্তনলীত অস্থায়ীভাৱে প্ৰদাহ বৃদ্ধি কৰিবলৈ টাইফইড ভেকছিন দিয়া হৈছিল৷ আৰু অন্যান্য লোকসকলক স্থানীয় প্ৰদাহ অধ্যয়ন কৰিবলৈ তেওঁলোকৰ ছালত এটা সৰু ফোঁহা সৃষ্টি কৰিবলৈ ক্ৰীম দিয়া হৈছিল।
স্বেচ্ছাসেৱকসকলে সাত দিনৰ বাবে পুৱা দৈনিক ১৪০ মিলি বীটৰ ৰস খাইছিল। তেওঁলোকৰ আধাই নাইট্ৰেটত উচ্চ পৰিমাণৰ ৰস খাইছিল, আনহাতে বাকী অৰ্ধাংশে নাইট্ৰেট আঁতৰাই বীটৰ ৰস খাইছিল। নাইট্ৰেট সমৃদ্ধ ৰস খোৱা গোটবোৰৰ তেজ, প্ৰস্ৰাৱ আৰু লেলাৱতিত নাইট্ৰিক অক্সাইডৰ পৰিমাণ অধিক আছিল।
লগতে পঢ়ক ভাৰতৰ প্ৰথমখন একক বিবাহ সম্পন্ন, নিৰ্ধাৰিত দিনৰ পূৰ্বেই কিয় সম্পন্ন হ’ল বিবাহ?
গৱেষকসকলে এইটোও জানিব পাৰিছিল যে যিসকল লোকক সৰু ফোঁহা সৃষ্টি কৰিবলৈ ক্ৰীম দিয়া হৈছিল আৰু নাইট্ৰেট সমৃদ্ধ ৰস খাইছিল, তেওঁলোকৰ ফোঁহাবোৰ অধিক সোনকালে নিৰ্মূল হৈছিল। ফোঁহাবোৰৰ পৰা তৰলৰ নমুনাত প্ৰদাহজনক বগা কোষৰ সংখ্যাও তিনি দিনৰ পিছত কম আছিল।
উল্লেখযোগ্য নাইট্ৰিক অক্সাইড প্ৰাকৃতিকভাৱে শৰীৰত উৎপন্ন হয় আৰু সুস্বাস্থ্যৰ বাবে ই অতি অত্যাৱশ্যকীয়। ই ৰক্তচাপ নিয়ন্ত্ৰণ কৰাত সহায় কৰে আৰু শৰীৰত প্ৰদাহ-প্ৰতিৰোধত প্ৰভাৱ পেলায়।
হৃদৰোগত আক্ৰান্ত লোকসকলৰ নাইট্ৰিক অক্সাইডৰ পৰিমাণ কম হয়। বীটৰুট নাইট্ৰেটত সমৃদ্ধ গৱেষকসকলৰ অনুসৰি নাইট্ৰিক অক্সাইডৰ বৰ্ধিত স্তৰে পুনৰুদ্ধাৰৰ গতি বৃদ্ধি কৰাত সহায় কৰে৷ গতিকে আজিৰে পৰা বীটৰুট খাবলৈ আৰম্ভ কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
