মহানগৰীত চাঞ্চল্যকৰ ঘটনা, ভাড়াঘৰত উদ্ধাৰ CRPF জোৱানৰ নিথৰ দেহ, পত্নীৰ অবৈধ প্ৰেমৰ সন্দেহ
মহানগৰীৰ কাহিলিপাৰাত সংঘটিত হৈছে এক হত্যাকাণ্ডৰ ঘটনা। অবৈধ প্ৰেমৰ বাবে স্বামীক হত্যা কৰাৰ সন্দেহ। ভাড়াঘৰৰ ভিতৰত উদ্ধাৰ CRPF জোৱানগৰাকীৰ নিথৰ দেহ।
প্ৰেমজনিত কাৰণত CRPF জোৱান দিটুমণি হালৈক হত্যাৰ সন্দেহ দিটুমণিৰ পৰিয়ালৰ। মণিপুৰৰ 175 CRPF বেটেলিয়ানত কৰ্মৰত আছিল দিটুমণি হালৈ। বিয়াৰ পিছৰে পৰা স্বামী-স্ত্ৰীৰ মাজত কাজিয়া পেচাল আদি লাগি আহিছিল।
মৃত্যু হোৱা দিটুমণিৰ প্ৰকৃত ঘৰ টিহুত। আনহাতে পত্নী হীৰামণি হালৈৰ ঘৰ সৰ্থেবাৰীত। বিবাহৰ পাছত গুৱাহাটীৰ কাহিলিপাৰাৰ আদৰ্শপুৰ পথৰ এটা ভাড়াঘৰত বা কৰি সংসাৰ কৰিছিল দিটুমণি আৰু হীৰামণিয়ে। সেই ভাড়াঘৰতে সংগঠিত হৈছে এই ঘটনা।
পৰিয়ালৰ সন্দেহ এয়া দেখদেখকৈ হত্যাকাণ্ড। পত্নীয়েই প্ৰেমিকৰ সৈতে মিলি হত্যা কৰিছে দিটুমণিক। দুয়োৰে সংসাৰত আছিল দুটা সন্তানো।
ঘটনাৰ খবৰ লাভৰ পাছতে ঘটনাস্থলীত উপস্থিত আৰক্ষী। আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে। লগতে ঘটনা সন্দৰ্ভতো তদন্ত আৰম্ভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
