বস্তাৰ ভিতৰত উদ্ধাৰ হোৱা মালিগাঁৱৰ ৰঘুবেন্দ্ৰ কুমাৰ গুপ্তা ঘটনাৰ অভিযুক্ত জালত, সমুখলৈ আহিল সমস্ত ঘটনা
মালিগাঁৱৰ বস্তাৰ ভিতৰত উদ্ধাৰ হোৱা উত্তৰ প্ৰদেশৰ ৰঘুৰ হত্যাকাণ্ডৰ ঘটনাৰ কেইবাজনো অভিযুক্ত আৰক্ষীৰ জালত। মংগলদৈৰ পৰা আটক কৰে গকুল ফুকন নামৰ এজনক। ইয়াৰ উপৰিও ৰাজা দেৱৰয় নামৰ এজনৰ লগতে আন দুজন আটক আৰক্ষীৰ। ৰাজাৰ সৈতে মিলি ৰঘু ওৰফে ৰঘুবেন্দ্ৰ কুমাৰ গুপ্তাক হত্যা কৰাৰ অভিযোগত গ্ৰেপ্তাৰ গকুল ফুকন।
মহানগৰীৰ মালীগাঁৱত ভয়ংকৰ হত্যাকাণ্ড। মৃতদেহ কাটি কাটি বস্তাত ভৰাই পেলাই থৈ গৈছিল হত্যাকাৰীয়ে। অৰ্ধগলীত মৃতদেহৰ পৰা উৎকট গোন্ধ ওলোৱাতহে উদ্ধাৰ হৈছিল মৃতদেহ । ঘটনা সন্দৰ্ভত ৪ জনক আটক জালুকবাৰী আৰক্ষীৰ ।
শুকুৰবাৰে পুৱা বস্তাত ভৰাই থোৱা অৱস্থাত উদ্ধাৰ হোৱা এটা মৃতদেহে বাৰুকৈয়ে জোকাৰি যায় সমগ্ৰ গুৱাহাটী মহানগৰী ৷ বিশাল হাউছিং কমপ্লেক্সৰ পিছফালে থকা আৱৰ্জনাৰ দমত উদ্ধাৰ হৈছিল মৃতদেহটো। অত্যাধিক দুৰ্গন্ধ ওলোৱাত সন্দেহ হয় স্থানীয় লোকৰ ৷ লগে লগেই আৰক্ষীক খবৰ দিয়াত উপস্থিত হৈ জালুকবাৰী আৰক্ষীয়ে উদ্ধাৰ কৰে বস্তাত ভৰাই থোৱা মৃতদেহটো।
ক্ষত বিক্ষত হৈ বস্তাত ভৰাই থোৱা অৱস্থাত পৰি থকা ৰঘূবেন্দ্ৰ কুমাৰ গুপ্তাৰ মৃতদেহ। ৰঘূবেন্দ্ৰ ওৰফে ৰঘূৰ ঘৰ উত্তৰ প্ৰদেশত। কৰ্মসূত্ৰে গুৱাহাটীৰ পল্টন বজাৰৰ ছলাপাৰাত বাস কৰে ৰঘুৱে। পল্টন বজাৰৰ Transporter আছিল ৰঘূবেন্দ্ৰ ৷
সেই সূত্ৰেই কামাখ্যা আৰু পল্টন বজাৰ ষ্টেচনত সঘনাই অহা যোৱা চলে ৰঘূবেন্দ্ৰৰ ৷ ৮ জুলাইৰ সন্ধ্যাও একেদৰেই পাৰ্চেল দিবৰ বাবে ৰঘূ গৈছিল কামাখ্যা ষ্টেচনলৈ ৷ সেই দৃশ্যও বন্দী হৈছিল কামাখ্যা ষ্টেচনৰ CCTV কেমেৰাত । সেইদিনাই সন্ধিয়া প্ৰায় ৭.৩০ মান বজাৰ পৰা নিশা ১০ বজালৈ বন্ধ আছিল ৰঘূৰ ম’বাইল ফোন ।
তাৰ পাছৰ পৰাই নিৰুদ্দেশ হৈ আছিল ৰঘূবেন্দ্ৰ কুমাৰ গুপ্তা তথা ৰঘু ৷ কিন্তু শুকুৰবাৰে পুৱা কামাখ্যা ষ্টেচনৰ পিছফালে থকা আৱৰ্জনাৰ দমৰ পৰা উলংগ কৰি কাটি বস্তাত ভৰাই থোৱা অৱস্থাত উদ্ধাৰ হয় transporter ৰঘূবীৰৰ মৃতদেহ ৷ দাঁত উভালি , চকু উলিয়াই চিনিব নোৱাৰা কৰা হৈছিল ৰঘূবীৰক । তাৰোপৰি কাটি পেলোৱা হৈছিল দাঢ়ি-চুলিয়ো।
সেই দিনাউ মৃতদেহৰ কাষতে উদ্ধাৰ হৈছিল এটা ম’বাইল ফোন ৷ যিটো ম’বাইল ফোনৰ বেককভাৰত এগৰাকী যুৱতী আৰু এগৰাকী মহিলাৰ ফটো সন্নিৱিষ্ট হৈ আছিল৷ অৱশ্যে সেই ম’বাইল মৃত ৰঘুবীৰৰ নাছিল ৷ কিন্তু সেই মোবাইলেই ঘটনাৰ অভিযুক্তৰ কাষলৈ নিয়ে আৰক্ষীক।
সোধপোচ এতিয়াও অব্যাহত আছে। কিন্তু কি কাৰণত ইমান নৃশংস ভাৱে হত্যাকাণ্ড সংঘটিত কৰিলে সেই তথ্য তদন্তৰ খাতিৰত ৰাজহুৱা কৰা নাই আৰক্ষীয়ে ৷ অৱশ্যে বহুলোকৰ সন্দেহ উত্তৰ প্ৰদেশত গৰ্ভৱতী পত্নী আৰু কন্যা থকা ৰঘুৰ ধৃত দুই যুৱতী মহিলা, যুৱতীৰ সৈতে সম্পৰ্ক আছিল ৰঘূবীৰৰ ৷ যাৰৰ ফলতেই হয়তু এই ভয়ংকৰ হত্যাকাণ্ড সংঘটিত হয়। ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
