উত্তৰ পূৱৰ এখন ৰাজ্যৰ ভয়ংকৰ তথ্য- ৮০০ৰো অধিক আক্ৰান্ত, ৪৭ জন নিহত
উত্তৰ পূৱৰ এখন ৰাজ্যৰ পৰা পোহৰলৈ আহিছে এক বিস্ফোৰক তথ্য। মুঠ ৮০০ গৰাকী ছাত্ৰ-ছাত্ৰী আক্ৰান্ত ধৰা পৰিছে এইছড ৰোগত। ইয়াৰে ইতিমধ্যে প্ৰাণ হেৰুৱালে ৪৭ গৰাকী ছাত্ৰ-ছাত্ৰীয়ে। এতিয়াও শতাধিক আক্ৰান্ত। এই ৰাজ্যখন হৈছে ত্ৰিপুৰা ৰাজ্য।
নাকোৰ তথ্য অনুসৰি ত্ৰিপুৰাত প্ৰতি বছৰে এইডছ ৰোগী বৃদ্ধি পাই আছে। বিগত কেইবাবছৰ ধৰি ৰাজ্যৰ বিভিন্ন এইডছ কেন্দ্ৰত ৮২৮ গৰাকী ছাত্ৰ-ছাত্ৰীক পঞ্জীয়ন কৰা হৈছিল আৰু তেওঁলোকক বিনামূলীয়াকৈ এণ্টি ৰেট্ৰ’ভাইৰেল চিকিৎসাও প্ৰদান কৰা হৈছিল। ইয়াৰে ৪৭ গৰাকীৰ মৃত্যু হৈছিল।
২০২২-২০২৩ চনত ১৮৪৭ গৰাকী নতুন এইচ আই ভি ৰোগী ধৰা পৰিছিল ইয়াৰে ৬৭ গৰাকীৰ মৃত্যু হয়। ২০২৩-২০২৪ বৰ্ষত এইচ আই ভিৰ ফলত ৪৪ গৰাকীৰ মৃত্যু হোৱাৰ লগতে ১৭৯০ গৰাকী নতুনকৈ আক্ৰান্ত ধৰা পৰিছিল।
ত্ৰিপুৰা ৰাজ্যিক এইডছ কণ্ট্ৰল ছ’চাইটিয়ে ২২০খন বিদ্যালয় আৰু ২৪খন কলেজ আৰু বিশ্ববিদ্যালয়ৰ পৰা ড্ৰাগছ বেজী লোৱা ছাত্ৰ-ছাত্ৰীক চিনাক্ত কৰিছিল। বহু ছাত্ৰ-ছাত্ৰী ড্ৰাগছ আসক্ত ধৰা পৰিছিল। সেই ছাত্ৰ-ছাত্ৰী সকলৰ ভিতৰতেই ধৰা পৰিছে এইডছ আক্ৰান্ত ৰোগী।
প্ৰতিবেদনত উল্লেখ কৰা হৈছে যে ইয়াৰে অধিকাংশ ধনী পৰিয়ালৰ ছাত্ৰ-ছাত্ৰী, যাৰ শৰীৰত এইচ আই ভি পজিটিভ পোৱা গৈছে। কিছু এনে পৰিয়াল আছে য’ত পিতৃ-মাতৃ দুয়োজনেই ভাল চাকৰি কৰি ল’ৰা-ছোৱালীৰ দাবী তৎক্ষণাত পূৰণ কৰে।
ড্ৰাগছ সেৱন কৰা বেছিভাগ লোকেই একেটা চিৰিঞ্জ ব্যৱহাৰ কৰে, যাৰ ফলত তেজৰ সংস্পৰ্শলৈ অহাৰ লগে লগে ভাইৰাছটো দ্ৰুতগতিত বিয়পি পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
