ডাবল মাৰ্ডাৰত ব্যৱহৃত দা উদ্ধাৰৰ লগতে গ্ৰেপ্তাৰ দা ব্যৱসায়ীও, সামাজিক মাধ্যমত ইউজাৰকাৰীৰ প্ৰশ্ন ফ্ৰীজ বেপাৰী আৰু সত্যনাৰায়ণ পূজা কৰা পুৰোহিতক গ্ৰেপ্তাৰ কৰা হ’বনে?

অসম লাইভ২৪ঃ
মহানগৰীৰ দুটাকৈ লোমহৰ্ষক হত্যাকাণ্ডত ব্যৱহাৰ কৰা দাখন অৱশেষত লাভ কৰিলে আৰক্ষীয়ে৷
বোন্দাজানত আৰক্ষীয়ে তিনি অভিযুক্তক লগত লৈ চলোৱা অভিযানত উদ্ধাৰ হয় হত্যাকাণ্ডত ব্যৱহৃত দা৷
হত্যাকাৰী বন্দনা কলিতাক এই দা’খন বিক্ৰী কৰা ইমৰান আলী ওৰফে ছট্টু নামৰ এজন লোককো গ্ৰেপ্তাৰ কৰিছে আৰক্ষীয়ে।
প্ৰকাশিত তথ্য অনুসৰি বন্দনাক দা’খন ৩২০ টকাত বিক্ৰী কৰিছিল ইমৰান আলীয়ে।
দা খনেৰেই বন্দনা কলিতা আৰু আন দুজন অভিযুক্তই অৰূপজ্যোতি দে’ আৰু শংকৰী দে’ৰ মৃতদেহ টুকুৰা টুকুৰকৈ কাটিছিল৷
কটা অংশসমূহ পেলাই থৈ আহিছিল মেঘালয়ৰ দ’ খাৱৈত।
বিগত বৰ্ষৰ জুলাই আৰু আগষ্ট মাহত বন্দনা কলিতাই দুই বন্ধু ধনটি ডেকা আৰু অৰূপ দাসৰ সহযোগত সংঘটিত কৰিছিল দুটাকৈ নৃশংস হত্যাকাণ্ড।
২৬ জুলাইত প্ৰথমে শাহুৱেক শংকৰী দে’ক হত্যা কৰাৰ পিছত ১৭ আগষ্টত বন্দনাই হত্যা কৰিছিল স্বামী অৰূপজ্যোতি দে’ক।
ইতিমধ্যে আৰক্ষীয়ে অভিযান চলাই মেঘালয়ৰ ডাউকীৰ সমীপৰ খাৱৈৰ পৰা উদ্ধাৰ কৰিছে দুয়োজনৰ মৃতদেহৰ অংশ৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ