হাৰিয়ানাৰ পূৰ্ব মুখ্যমন্ত্ৰী ওম প্ৰকাশ চৌতালাৰ বিয়োগ, কেতিয়াবা ৫ দিন-কেতিয়াবা ১৫ দিনৰ বাবে, সৰ্বমুঠ ৪ বাৰকৈ হৈছিল মুখ্যমন্ত্ৰী
হাৰিয়ানাৰ সবাতোকৈ চৰ্চিত মুখ্যমন্ত্ৰী ওম প্ৰকাশ চৌতালাৰ মৃত্যু। ৮৯ বছৰ বয়সত মৃত্যু হয় নেতাগৰাকীৰ। গুৰুগ্ৰামৰ হাস্পতালত শেষ নিশ্বাস ত্যাগ কৰে ইণ্ডিয়ান নেশ্যনেল লোকদলৰ প্ৰতিষ্ঠাতা গৰাকীয়ে। নেতাগৰাকীৰ মৃত্যুত দেশজুৰি ৰাজনৈতিক মহলত শোকৰ ছাঁ।
জীৱনকালত সৰ্বমুঠ ৪ বাৰকৈ হৈছিল মুখ্যমন্ত্ৰী। অৱশ্যে ইয়াৰে দুবাৰৰ শাসনকালত এবাৰ মাথো ৫ দিনৰ বাবে আৰু এবাৰ মাথো ১৫ দিনৰ বাবে মুখ্যমন্ত্ৰীৰ আসনত অধিস্থিত হৈছিল। মাথো এবাৰহে ৫ বছৰৰ বাবে সম্পূৰ্ণ কাৰ্যকাল লাভ কৰে মুখ্যমন্ত্ৰী হিচাপে।
তেখেতৰ কাৰ্যকাল-
১৯৮৯ চনৰ ২ ডিচেম্বৰৰ পৰা ১৯৯০ চনৰ ২২ মে’লৈ- প্ৰথমবাৰৰ বাবে মুখ্যমন্ত্ৰীৰ আসনত বহে তাকো মাথো ৬ মাহৰ বাবে
১৯৯০ চনৰ ১২ জুলাইৰ পৰা ১৯৯০ চনৰ ১৭ জুলাইলৈকে- দ্বিতীয়বাৰৰ মুখ্যমন্ত্ৰীৰ আসনত বহে ৫ দিনৰ বাবে
১৯৯১ চনৰ ২২ মাৰ্চৰ পৰা ১৯৯১ চনৰ ৬ এপ্ৰিললৈ – তৃতীয়বাৰৰ বাবে মুখ্যমন্ত্ৰীৰ আসনত বহে ১৫ দিনৰ বাবে
১৯৯৯ চনৰ ২৪ জুলাইৰ পৰা ২০০৫ চনৰ ৫ মাৰ্চলৈকে- শেষৰ বাৰতহে লাভ কৰে সম্পূৰ্ণ কাৰ্যকাল
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
