ভাৰতীয় বহুজাতিক প্ৰতিষ্ঠানসমূহৰ মুখ্যকাৰ্যবাহী বিষয়াসকলে কিমান দৰমহা লাভ কৰে? আপোনাৰ মনলৈ এই প্ৰশ্নটো প্ৰায়ে নিশ্চয় আহে! আজি আমি এই বিষয়ে আপোনালোক জনাব খুজিছো৷
১০ গৰাকী এনে শীৰ্ষ মুখ্য কাৰ্যবাহী বিষয়াই কিমান দৰমহা লাভ কৰিছে তাৰ তথ্য আমি তলত উল্লেখ কৰিছো৷
১. পৱন মুঞ্জল
পৱন মুঞ্জল হিৰো মট’কৰ্পৰ অধ্যক্ষ, পৰিচালন সঞ্চালক আৰু মুখ্য কাৰ্যবাহী বিষয়া। লাইভমিণ্টৰ এক প্ৰতিবেদনত কোৱা হৈছে যে ২০২০ বিত্তীয় বৰ্ষত মঞ্চলে দৰমহা হিচাপে ৮৪.৫৯ কোটি টকা লাভ কৰিছিল।
লগতে পঢ়ক স্বেচ্ছামূলক যৌন কৰ্ম বৈধ : যৌনকৰ্মীৰ বিৰুদ্ধে পদক্ষেপ ল’ব নোৱাৰিব আৰক্ষীয়ে
২. ছালিল পাৰিখ
বেংগালুৰুস্থিত আই টি কোম্পানীটোৰ বাৰ্ষিক প্ৰতিবেদন অনুসৰি ইনফ’ছিছৰ চিইঅ’ ছালিল পাৰিখৰ বাৰ্ষিক দৰমহা ৪৩ শতাংশ বৃদ্ধি পাইছে, আৰু ২০২১-২২ বিত্তীয় বৰ্ষত তেওঁৰ দৰমহাই ৭১ কোটি স্পৰ্শ কৰিছে।
৩. এন চন্দ্ৰশেকৰণ
টাইমছ অফ ইণ্ডিয়াৰ প্ৰতিবেদন অনুসৰি টাটা ছন্সৰ অধ্যক্ষ এন চন্দ্ৰশেেকৰণে ২০২০ বিত্তীয় বৰ্ষত ৫৮ কোটিৰ দৰমহাৰ পেকেজ লাভ কৰিছিল। বিত্তীয় বৰ্ষ ১৯ত এন চন্দ্ৰশেকৰণৰ দৰমহা আছিল ৬৬ কোটি।
৪. ৰাজীৱ বাজাজ
লাইভমিণ্টে প্ৰকাশ কৰা অনুসৰি বাজাজ অটোৰ চিইঅ’ আৰু এমডিয়ে ২০২০ বিত্তীয় বৰ্ষত বাৰ্ষিক ৩৯.৮৬ কোটি দৰমহা লাভ কৰিছিল। ২০০৫ চনৰ পৰা তেওঁ কোম্পানীটোৰ এমডি হিচাপে কাম কৰি আহিছে।
লগতে পঢ়ক বিধায়কৰ বান বিলাসিতা! বান বিধ্বস্ত জিলাৰ উপায়ুক্তৰ অনুকৰণীয় কৰ্তব্য নিষ্ঠা
৫. সুনীল মিট্টাল
সুনীল মিট্টাল ভাৰতী এণ্টাৰপ্ৰাইজৰ প্ৰতিষ্ঠাপক আৰু অধ্যক্ষ। ২০২০ বিত্তীয় বৰ্ষত তেওঁ ৩০.১ কোটি দৰমহা লাভ কৰিছিল। ভাৰতী এণ্টাৰপ্ৰাইজৰ টেলিকম, বীমা আৰু ৰিয়েল এষ্টেটকে ধৰি বহু ব্যৱসায় আছে বুলি ইকনমিক টাইমছৰ এক প্ৰতিবেদনত উল্লেখ কৰা হৈছে৷
৬. এছ এন সুব্ৰহ্মণ্যন
কোভিড-১৯ মহামাৰীৰ মাজতে ৪৩.৯১ শতাংশ স্বেচ্ছামূলক দৰমহা কৰ্তন কৰাৰ পিছত লাৰ্চেন এণ্ড টৌব্ৰ’ৰ মুখ্য কাৰ্যবাহী বিষয়া তথা পৰিচালন সঞ্চালক এছ এন সুব্ৰহ্মণ্যনে ২০১৯-২০ বৰ্ষত দৰমহা হিচাপে ২৭.১৭ কোটি টকা লাভ কৰিছিল।
৭. ৰাজেশ গোপীনাথন
এন চন্দ্ৰশেকৰণে টাটা চন্সৰ অধ্যক্ষৰ পদত যোগদান কৰাৰ পিছতে ২০১৭ চনৰ ফেব্ৰুৱাৰী মাহত ৰাজেশ গোপীনাথনক টাটা কনচালটেন্সি চাৰ্ভিচেছৰ মুখ্য কাৰ্যবাহী বিষয়া হিচাপে নিযুক্তি দিয়া হৈছিল। তেতিয়ালৈকে তেওঁ ২০১৩ চনৰ পৰা কোম্পানীটোৰ চিএফঅ’ হিচাপে কাৰ্যনিৰ্বাহ কৰিছিল। লাইভমিণ্টৰ মতে, ২০২১-২২ বিত্তীয় বৰ্ষত তেওঁ ২৫.৭ কোটি লাভ কৰিছিল।
লগতে পঢ়ক সময়ৰ কি যে পৰিহাস! কোটিপতি নৱজ্যোৎ সিদ্ধু হ’লগৈ জে’লৰ কেৰাণী
৮. মুকেশ আম্বানী
মুকেশ আম্বানী ৰিলায়েন্স ইণ্ডাষ্ট্ৰীজৰ স্বত্বাধিকাৰী আৰু কোম্পানীটোৰ প্ৰায় ৪৪ শতাংশ অংশীদাৰিত্ব আছে। বিজনেছ ষ্টেণ্ডাৰ্ডৰ এক প্ৰতিবেদন অনুসৰি ২০২০ চনত তেওঁৰ ফ্লেগশ্বিপ ফাৰ্মৰ পৰা বাৰ্ষিক দৰমহা ১৫ কোটি টকা।
৯. সিদ্ধাৰ্থ লাল
মানিকণ্ট্ৰ’লৰ বাতৰি অনুসৰি, আইচাৰ মটৰ্ছৰ বছ সিদ্ধাৰ্থ লালৰ দৰমহা ১৯.২১ কোটিলৈ বৃদ্ধি পাইছে৷
১০. সঞ্জীৱ পুৰী
২০১৯ চনৰ মে’ মাহৰ পৰা আইটিচি লিমিটেডৰ অধ্যক্ষ আৰু পৰিচালন সঞ্চালক হিচাপে কাৰ্যনিৰ্বাহ কৰি আহিছে সঞ্জীৱ পুৰীয়ে। বিজনেছ টুডেৰ বাতৰি অনুসৰি ২০২০-২১ চনত তেওঁৰ বাৰ্ষিক পাৰিতোষিক হৈছে ১০.১০ কোটি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
