প্ৰথমটো বানে ৰাজ্যৰ কে’বাখনো জিলাক ত্ৰাহিমুহি নিলে৷ বিশেষকৈ মধ্য অসম আৰু বৰাক উপত্যকাৰ বহুকেইখন জিলাক বানে বিধ্বস্ত কৰি থৈ গ’ল প্ৰথমটো বানে৷
বানপানীয়ে কালৰূপ ধৰাৰ সময়তে শাসকীয় দলৰ এগৰাকী বিধায়কৰ ভিডিঅ’ ভাইৰেল হৈছিল৷ ভিডিই’টোত দেখা গৈছিল যে বানপানী পৰিদৰ্শন কৰিবলৈ যোৱা বিধায়কগৰাকীয়ে দামী জোতা পিন্ধি যোৱাৰ বাবে এজন সাংবাদিকৰ পিঠিত উঠি নাওত উঠিছে৷
সামাজিক মাধ্যমত ভিডিঅ’টো ভাইৰেল হোৱাৰ লগে লগে শাসকীয় বিধায়কগৰাকীক সামাজিক আৰু সংবাদ মাধ্যমত তীব্ৰ কৰ্কথনা আৰু সমালোচনাৰ সন্মুখীন হ’ল৷ বানাক্ৰান্তই বানত ককবকাই থকাৰ সময়তে শাসকীয় বিধায়কে বিলাস ভ্ৰমণ কৰাৰ বুলিও সমালোচিত হয়৷
লগতে পঢ়ক টেক্সাছৰ শিশু হত্যাকাণ্ড : সঁচাই ট্ৰেন্সজেণ্ডাৰ আছিল নেকি আক্ৰমণকাৰী?
কিন্তু ইয়াৰ বিপৰীতে সামাজিক মাধ্যমত এগৰাকী উপায়ুক্তৰ কৰ্তব্যনিষ্ঠাই বিশেষভাৱে চৰ্চা লাভ কৰা দেখা গৈছে৷ সামাজিক মাধ্যমত ভাইৰেল হৈ পৰা IAS বিষয়াগৰাকী হৈছে কাছাৰ জিলাৰ উপায়ুক্ত কীৰ্তি জলি৷ বান দুৰ্যোগৰ সময়ত ব্যতিক্ৰমী ৰূপত দেখা পোৱা কাছাৰৰ উপায়ুক্ত কীৰ্তি জলিয়ে ৰাজ্যবাসীৰ পৰা গদগদ প্ৰশংসা লাভ কৰাৰ লগতে কৰ্তব্যনিষ্ঠাৰ উকৃষ্ট নিৰ্দশন প্ৰতিষ্ঠা কৰা বুলিও চৰ্চা লাভ কৰিছে।
উপায়ুক্তগৰাকীয়ে বান বিধ্বস্ত জিলাখনত নাওত উঠি, বোকা–পানী গচকি বানপীড়িত সিটোৰ পিছত ইটো এলেকাৰ বুজ লোৱাৰ লগতে বনাক্ৰান্তক সাক্ষাৎ কৰি নিজেই পৰিস্থিতি পৰিদৰ্শন কৰি আহিছে৷
কাছাৰৰ জিলা উপায়ুক্ত কীৰ্তি জলিয়ে এইদৰে বোকা পানী গচকি বানপীড়িত এলেকা ভ্ৰমণ কৰাৰ দৃশ্য প্ৰতিদিনে ভাইৰেল হৈ পৰিছে ছচিয়েল মিডিয়াত। এগৰাকী সাধাৰণ লোকৰ দৰেই বোকা পানী গচকি বান বিধ্বস্ত লোকসকলৰ পৰিস্থিতিৰ বুজ লৈছে কীৰ্তি জলিয়ে।
লগতে পঢ়ক স্বাধীনতাৰ পিছত প্ৰথমবাৰ হাইস্কুল লাভ অসমৰ চাহ বাগিচাৰ
একাংশ লোকে নীৰৱে নিজৰ কাম কৰি যায়। বহু চৰকাৰী বিষয়া আছে যিসকলে পদ মৰ্যাদাৰ অহংকাৰত গদগদ হৈ নাথাকি নিজৰ কাৰ্য মনে মনে সম্পাদন কৰে, উপায়ুক্ত কীৰ্তিও সেই শ্ৰেণী জনদৰদী বিষয়া বুলি এতিয়া সৰ্বত্ৰে চৰ্চিত হৈছে।
উপায়ুক্তগৰাকীৰ এই কৰ্তব্য নিষ্ঠা দেখি বিভিন্নজনে ফেচবুকৰ একাউণ্টত কাছাৰৰ জিলা উপায়ুক্ত কীৰ্তি জলিক Salute Madam লিখে পোষ্ট কৰা গৈছে। এনেদৰে কাছাৰ জিলাৰ উপায়ুক্ত কীৰ্তি জলিয়ে জনতাৰ হৃদয়ত স্থান লাভ কৰিবলৈ সক্ষম হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
