অসম লাইভ ২৪ঃ ২০২১-২২ শিক্ষা বৰ্ষৰ পৰা উচ্চতৰ মাধ্যমিক পাঠ্যক্ৰমত হ’ব ব্যাপক সংস্কাৰ? শিক্ষা সংসদৰ উচ্চস্তৰীয় বৈঠকত লোৱা হৈছে এই সিদ্ধান্ত। সেই সিদ্ধান্ত অনুসৰি অসম উচ্চতৰ মাধ্যমিক শিক্ষা সংসদ কৰ্তৃপক্ষই সমগ্ৰ পাঠ্যপুথিৰ পুনৰীক্ষণ আৰু বৰ্ণাশুদ্ধিৰ বাবে ক্ষিপ্ৰতাৰে ল’ব উদ্যোগ। আনহাতে এই শিক্ষা বৰ্ষৰ পৰা নাথাকিব বিকল্প ইংৰাজী (alternative english) বিষয়। বৈঠকত ইয়াৰ পৰিৱৰ্তে আধুনিক ভাৰতীয় ভাষাৰ (mil) এক সন্নিহিত পাঠ্যসূচী যুগুত কৰাৰ প্ৰস্তাৱ গ্ৰহণ কৰে। আনহাতে এতিয়াৰে পৰা শিক্ষাৰ্থীৰ মাতৃভাষাত দক্ষতা বৃদ্ধিৰ লগতে মাতৃভাষাৰ dtpৰ দক্ষতা বৃদ্ধিৰ ওপৰতো গুৰুত্ব আৰোপ কৰা হ’ব। ইয়াৰ লগতে এতিয়াৰে পৰা পাঠ্যক্ৰমত সন্নিৱিষ্ট হ’ব বিহু। বিহুৰ ব্যৱহাৰিক পাঠদানৰ বাবে বিদ্যালয়ৰ পৰিদৰ্শকক দিয়া হ’ব দায়িত্ব । একেদৰে বৃত্তিমূলক পাঠ্যক্ৰমৰ সকলো পাঠ্যপুথি অনুবাদ কৰা হ’ব অসমীয়ালৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
