ছবছৰীয়া এটা সম্পৰ্ক পূৰ্ণ হ’ল। পৰিয়ালৰ সদস্য আৰু বন্ধু-বান্ধৱীৰ উপস্থিতিত দুই সমকামী নাৰী তামিলনাডুৰ সুবিক্ষা সুব্ৰমণীয়ে বাংলাদেশৰ টিনা বিবাহপাশত আবদ্ধ হয়। যোৱা বুধবাৰে চেন্নাইত সমলিংগ দম্পতীয়ে বিবাহপাশত আবদ্ধ হয়। তামিল ব্ৰাহ্মণ পৰিয়ালৰ কন্যা সুবিক্ষ আৰু ৰক্ষণশীল বাংলাদেশী পৰিয়ালৰ কন্যা টিনাৰ বিবাহ অনুষ্ঠান তামিল ব্ৰাহ্মণ ৰীতি-নীতি অনুসৰি সম্পূৰ্ণ হয়।
ছয় বছৰীয়া সমলিংগ সম্পৰ্কটোক প্ৰথমাৱস্থাত দুয়োৰে পৰিয়ালে স্বীকাৰ কৰি ল’বলৈ আপত্তি কৰিছিল যদিও পিছলৈ পৰিয়ালে দুই সমলিংগ নাৰীৰ বিবাহৰ বাবে সন্মতি প্ৰদান কৰে৷ ইয়াৰ পাছতে সমলিংগ দম্পতীয়ে দুয়োটা পৰিয়ালৰ সন্মতি সাপেক্ষে বিবাহপাশত আবদ্ধ হয়।
বিবাহৰ পাছত ২৯ বছৰীয়া সুবিক্ষাই কয়, ‘‘বছৰ বছৰ ধৰি কঠোৰ পৰিশ্ৰমৰ অন্তত এই দিনটো দেখি বৰ ভাল লাগিছে। দুয়োটা পৰিয়ালৰ সন্মতি সাপেক্ষে সকলো ৰীতি-নীতি পালন কৰি বিয়া হোৱাটো আমাৰ সপোন আছিল। অৱশেষত সেই সপোন বাস্তৱায়িত হ’ল।”
লগতে পঢ়ক নিৱনুৱাৰ বাবে সুখবৰ, SAILত কেইবা শতাধিক পদ খালী, শীঘ্ৰেই কৰক আবেদন…
সুবিক্ষাৰ মাতৃ পূৰ্ণপুষ্কলা সুব্ৰমণীয়ে সংবাদ মাধ্যমৰ আগত কয় যে তেওঁলোকৰ ছোৱালীজনীৰ সমকামী সম্পৰ্ক সমাজত প্ৰচাৰ হ’লে নিন্দাৰ ধুমুহা আহিব বুলি ভাবি প্ৰথমতে বৰ ভয় খাইছিল। কিন্তু সুবিক্ষাই সিহঁতক ভালদৰে বুজাই দিয়াৰ পিছত সেই উদ্বিগ্নতা নোহোৱা হৈ গ’ল। সিহঁতে বুজি পালে যে ছোৱালীজনীৰ মংগলটোৱেই আচল কথা। সমাজৰ চকুৰ মিঠাইৰ কথা চিন্তা কৰাটো সম্পূৰ্ণ অৰ্থহীন। সুবিক্ষৰ মাক-দেউতাকে মনোবিজ্ঞানী এজনৰ ওচৰলৈও গৈ কাউনছেলিঙৰ দ্বাৰা তেওঁলোকৰ মানসিকতা সলনি কৰে বুলিও উল্লেখ কৰে।
ইফালে ৩৫ বছৰীয়া টিনা ইয়াৰ পূৰ্বেও বিবাহপাশত আৱদ্ধ হৈছিল। ১৯ বছৰ বয়সত টিনাৰ মাক-দেউতাকে গম পাইছিল যে টিনা সমকামী। তেওঁলোকে ভাবিছিল যে ছোৱালীজনী মানসিক ৰোগত আক্ৰান্ত হৈছে। সেয়ে টিনাক এজন পুৰুষৰ সৈতে বলপূৰ্বকভাৱে বিয়া দিয়া হৈছিল। কিন্তু কেইবছৰমানৰ পাছত সেই বিবাহ ভাঙি যায়।
২০১৮ চনত উচ্চতম ন্যায়ালয়ে সমলিংগ সম্পৰ্কক অপৰাধমুক্ত কৰাৰ পিছত ভাৰতত এতিয়াও সমলিংগীয় বিবাহক বৈধতা প্ৰদান কৰা হোৱা নাই। সেয়ে তেওঁলোকৰ বিবাহ চৰকাৰী পঞ্জীত পঞ্জীয়ন নহ’লেও এই দুগৰাকী নাৰীৰ বিবাহে পাৰিবাৰিক স্বীকৃতি লাভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
