আয়কৰ দফতৰ বা এনফোৰ্ছমেণ্ট ডাইৰেক্টৰেট চমুকৈ ইডিৰ অভিযানত উদ্ধাৰ হৈছে কোটি কোটি নগদ ধন৷ এইধৰণৰ বাতৰি প্ৰায় প্ৰত্যেক দিনেই সংবাদমাধ্যমত প্ৰচাৰ হয়৷ আয় বহিৰ্ভূত নগদ ধন ৰখাৰ অপৰাধত বহুতেই শাস্তিও পাইছে৷ কিন্তু নিত্যদিনৰ প্ৰয়োজন বা বিপদৰ বাবে অধিকাংশ মানুহেই নগদ অৰ্থ লগত ৰাখে৷ সেই প্ৰেক্ষিততেই এই প্ৰশ্ন বহু মানুহৰেই মনলৈ আহে যে কি পৰিমানৰ নগদ অৰ্থ কোনো ব্যক্তিয়ে নিজৰ হাতত ৰাখিব পাৰে?
ঘৰত কিমান পৰিমাণৰ নগদ অৰ্থ ৰাখিলে সমস্যাত পৰিব আপুনি? এই বিষয়টোক লৈ আয়কৰ আইনে কি কয়? আয়কৰ আৰু আইনী বিশেষজ্ঞসকলে জনাইছে যে ঘৰত নগদ অৰ্থ মজুত ৰখাক লৈ আয়কৰ আইনত নিৰ্দিষ্ট কোনো কথা উল্লেখ নাই৷ অৰ্থাৎ সৰ্বোচ্চ এই পৰিমাণৰেই নগদ অৰ্থ কোনো ভাৰতীয়ই ঘৰত ৰাখিব পাৰিব বুলি কোনো নিয়ম নাই৷ কিন্তু মজুত ৰখা নগদ আয়ৰ উৎস আপুনি আয়কৰ দফতৰক জনাব লাগিব৷
আয়কৰ দাখিলৰ সময়ত যদি আপুনি যথাযথভাৱে সকলো দাখিল কৰে কেন্তে আপুনি ঘৰত ধন ৰখাত কোনো সমস্যা নাই৷ কিন্তু ঘৰত ৰখা নগদৰ উৎস যদি আয়কৰক জনোৱা নহয় যদি হিচাপ বহিৰ্ভূত হয়, তেতিয়া আয়কৰ দফতৰৰ প্ৰশ্নৰ মুখত পৰিব পাৰে আপুনি৷ এই সন্দৰ্ভত মনমনীত কৌৰ নামৰ আয়কৰ বিশেষজ্ঞই জনোৱা অনুসৰি, আয়ৰ উৎস যদি আপুনি আয়কৰ দাখিলৰ সময় যথাযথভাৱে জনালে অসুবিধা নাই৷ কি পৰিমাণৰ নগদ আপুনি লগত ৰাখিব পাৰিব সেই লৈ নিৰ্দিষ্ট কোনো তথ্য নাই৷
বেআইনীভাৱে যদি ৰখা হয়, তেতিআ আপুনি আয়কৰ আইন অনুসৰি শাস্তিৰ মুখত পৰে৷ তেওঁ লগতে কয়, ‘সাধাৰণতে নিত্য প্ৰয়োজনীয় খৰচৰ বাবে নগদ ৰখাক লৈ কোনো সমস্যা নাই৷ সমস্যা তেতিয়া হয় যেতিয়া বিপুল পৰিমাণৰ নগদ অৰ্থ সঞ্চিত ৰখা হয়, তেতিয়া মূলত সমস্যা হয়৷ কাৰণ আয় লুকুৱাই বহুতে বেংকত ধন নাৰাখি ঘৰত ধন লুকুৱাই থয়৷ আয়কৰৰ পৰা ৰক্ষা পাবলৈ বহুতে ঘৰত ধন ৰাখে৷ এই কাম কৰিলে শাস্তিৰ মুখত পৰিব পাৰে আপুনি৷ এই সকলো ক্ষেত্ৰত অৰ্থৰ ওপৰত ৭৮ শতাংশ পেনাল্টিও দিয়াৰ বিধান আছে আয়কৰ আইনত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
