ভাৰতত উপস্থিত হ’ল শ্বেখ হাছিনা৷ সূত্ৰৰ খবৰ অনুসৰি তেওঁ ঢাকাৰ পৰা আগৰতলালৈ আহি আগৰতলাৰ পৰা ভাৰতীয় সেনাৰ বিশেষ বিমানেৰে দিল্লীলৈ ৰাওনা হৈছে৷ প্ৰধানমন্ত্ৰী পদৰ পৰা ইস্তাফা দিয়েই দেশ এৰিছে বংগবন্ধু হাছিনাই৷ বাংলাদেশ এতিয়া তোলপাড়৷ এইবাৰ কাঢ়া নিৰাপত্তা ব্যৱস্থা ভাৰতে গঢ়ি তুলিছে ভাৰত-বাংলাদেশ সীমান্তত৷ উত্তৰ পূৰ্বাঞ্চলৰ সীমান্তলৈকো সতৰ্কবাতা দিয়া হৈছে৷ হাই এলাৰ্ট জাৰি কৰা হৈছে সমগ্ৰ ভাৰত-বাংলাদেশ সীমান্তত৷
শ্বেখ হাছিনাই আগৰতলাত ভৰি দিয়াৰ পাছতেই তেওঁ দিল্লীলৈ যোৱাৰ যাৱতীয় ব্যৱস্থা কৰি দিছে বিএছএফে৷ ভাৰতীয় সেনা থাকিলেও মুখ্য দায়িত্ব কিন্তু বিএছএফেই গ্ৰহণ কৰিছে৷ আন্দোলনকাৰীয়ে যাতে কোনো উপায়েৰে ভাৰতৰ মাটিত ভৰি থৱ নোৱাৰে তাৰবাবে সতৰ্ক এতিয়া বৰ্ডাৰ চিকিউৰিটি ফৰ্ছ৷ ভাৰতৰ বিদেশমন্ত্ৰীয়ে ঘটনাক লৈ এতিয়াও কোনোধৰণৰ মন্তব্য কৰা নাই৷ কাৰণ এই বিষয়টো বাংলাদেশৰ আভ্যন্তৰীণ বিষয়৷ সেয়ে ভাৰতীয় বিদেশ মন্ত্ৰণালয়ে এতিয়াও কোনো মন্তব্য কৰা নাই৷ বাংলাদেশৰ প্ৰধানমন্ত্ৰী পলোৱাৰ পাছতেই বাংলাদেশৰ গাতে লাগি থকা ভাৰতৰ অংশ অসম, পশ্চিমবংগ, ত্ৰিপুৰাৰ ওপৰত প্ৰভাৱ পৰিব বুলি ইষ্টাৰ্ণ কমাণ্ডোসহ বিএছএফে সম্পূৰ্ণৰূপে সীমান্ত নিজৰ কাঢ়া নজৰত ৰাখিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
