বিৰাট ক’হলি এই প্ৰজন্মৰ শ্ৰেষ্ঠ ক্ৰিকেটাৰ হিচাপে প্ৰায়সংখ্যকেই দাবী কৰে৷ তেওঁৰ ষ্টাইল, ক্ৰিকেটৰ ক্ষেত্ৰত দেখুওৱা পাৰদৰ্শিতাৰ বাবেই তেওঁ বহুতৰে মনত ঠাই দখল কৰি আছে৷ শেহতীয়াকৈ বিগত কেইটামাহ ধৰি ক’হলি লণ্ডনলৈ একেবাৰে যাবগৈ বুলি এক চৰ্চা চলি আছে৷ কোহলীয়ে লণ্ডনক ভাল পায় বুলি তেওঁ নিজেও বহুবাৰ কৈ আহিছে৷ কিন্তু একেবাৰেই লণ্ডনৰ নাগৰিকত্ব ল’ব নেকি বিৰাটে সেই বিষয়ক লৈহে চলি আছে চৰ্চা৷
কিংবদন্তি ক্ৰিকেটাৰগৰাকীয়ে প্ৰায়ে পৰিয়ালৰ সৈতে লণ্ডন ভ্ৰমণ কৰে আৰু তাতেই ঘৰ ক্ৰয় কৰা বুলি জানিব পৰা গৈছে। দীৰ্ঘদিন ধৰি ক্ৰিকেটত নিজৰ কেৰিয়াৰ ঊৰ্ধমূখী কৰাৰ পিছত কোহলীয়ে ভাৰতক চিৰদিনৰ বাবে এৰি যোৱাৰ চৰ্চা আকৌ এবাৰ তুংগত উঠিছে৷ কোহলীয়ে দেশ এৰা সন্দৰ্ভত এইবাৰ মুখ খুলিছে ক’হলীৰ কন্যাক চোৱাচিতা কৰা এগৰাকী মহিলাৰ পৰা৷
বিৰাটে লণ্ডনলৈ যোৱাৰ পৰিকল্পনা কৰিছে
ভামিকাৰ এগৰাকী কেয়াৰটেকাৰে জনাইছে যে বিৰাট আৰু তেওঁৰ পত্নী অনুষ্কা শৰ্মাই লণ্ডনলৈ যোৱাৰ পৰিকল্পনা কৰিছে৷ তেওঁ ভাৰত এৰি সোনকালেই লণ্ডনলৈ যাব পাৰে৷ অৱশ্যে বৰ্তমান ক’হলিয়ে ক্ৰিকেটৰ বাহিৰেও বেছিভাগ সময় পৰিয়ালৰ সৈতে কটাব খুজিছে৷ ক’হলীৰ বয়স এতিয়া ৩৬ বছৰ৷ তেওঁৰ ফিটনেছক প্ৰতি লক্ষ্য ৰাখি ক’ব পাৰি যে ক্ৰিকেট কেৰিয়াৰ এতিয়াও শেষ হোৱা নাই বিৰাটৰ৷ অৱশ্যে বিৰাট কেতিয়া লণ্ডনত সম্পূৰ্ণৰূপে যাব সেই কথাহে এতিয়াও জানিব পৰা হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
