ক’ত ভুল হৈছিল ভাৰতৰ, ছিজনীত পৰাজায়ৰ ৩ টা মুখ্য কাৰণ…
ভাৰত আৰু অষ্ট্ৰেলিয়াৰ মাজৰ বৰ্ডাৰ-গাভাস্কাৰ ট্ৰফী ২০২৪-২৫ৰ পঞ্চম আৰু শেষ টেষ্ট ছিডনীত অনুষ্ঠিত হয়। খেলখনত কেংগাৰু দলে ভাৰতক ৬ উইকেটত পৰাস্ত কৰে। এই জয়ৰ জৰিয়তে আয়োজক অষ্ট্ৰেলিয়াই ৩-১ ত বৰ্ডাৰ-গাভাস্কাৰ ট্ৰফী দখল কৰি ২০২৫ চনৰ বিশ্ব টেষ্ট চেম্পিয়নশ্বিপৰ ফাইনেলত স্থান নিশ্চিত কৰে।
পাছে ছিডনীত টিম ইণ্ডিয়াৰ পৰাজয়ৰ তিনিটা ডাঙৰ কাৰণ কি কি-
১- বেটিং ফ্লপ শ্ব’
কেৱল ছিডনী টেষ্টতে নহয় বৰ্ডাৰ-গাভাস্কাৰ ট্ৰফীৰ পাঁচোখন টেষ্টতেই টিম ইণ্ডিয়াই দুৰ্বল বেটিং প্ৰদৰ্শন কৰে। ছিডনী টেষ্টত টিম ইণ্ডিয়াই দুয়োটা ইনিংছতে ২০০ ৰানৰ সীমা অতিক্ৰম কৰিব নোৱাৰে। প্ৰথম ইনিংছত ভাৰতীয় বেটছমেনে ১৮৫/১০ ৰান সংগ্ৰহ কৰে। তাৰ পিছত দ্বিতীয় ইনিংছত টিম ইণ্ডিয়াই মাত্ৰ ১৫৭/১০ ৰানলৈ হ্ৰাস পায়। দুৰ্বল বেটিঙৰ বাবে ভাৰতে অষ্ট্ৰেলিয়াৰ হৈ মাত্ৰ ১৬২ ৰানৰ লক্ষ্য নিৰ্ধাৰণ কৰিছিল, যিটো তেওঁলোকে ৪টা উইকেট হেৰুৱাই অৰ্জন কৰে।
২- যশপ্ৰীত বুমৰাহৰ আঘাত
ছিডনী টেষ্টত ৰোহিত শৰ্মাক বাদ দি অধিনায়ক পদত অধিষ্ঠিত হয় যশপ্ৰীত বুমৰাহ। ছিডনী টেষ্টৰ সময়ত বুমৰাহ আঘাতপ্ৰাপ্ত হয়। অষ্ট্ৰেলিয়াৰ প্ৰথম ইনিংছৰ সময়ত বেক স্পাজমৰ বাবে বুমৰাহ খেলপথাৰৰ বাহিৰলৈ ওলাই যায়। প্ৰথম ইনিংছত তেওঁ মাত্ৰ ১০ অভাৰহে বলিং কৰে। ইয়াৰ পিছত বুমৰাহ বলিঙৰ বাবে পুনপ খেলপথাৰলৈ যাব নোৱাৰে।
৩- ভুল দল নিৰ্বাচন
ছিডনী টেষ্টৰ বাবে ভুল দল নিৰ্বাচন তথা বাচনি টিম ইণ্ডিয়াৰ পৰাজয়ৰ আন এক কাৰণ। য’ত অষ্ট্ৰেলিয়াই মাত্ৰ এজন স্পিনাৰ খেলাইছিল, তাত টিম ইণ্ডিয়াৰ প্লেইং এঘাৰত দুজন স্পিনাৰক স্থান দিছিল। খেলপথাৰ অনুসৰি দলটোত চাৰিজন বেগী বলাৰৰ বাবে স্থান আছিল যদিও টিম ইণ্ডিয়াই মাত্ৰ তিনিজন মূল বেগী বলাৰ লৈ খেলপথাৰত নামে। ছিডনী টেষ্টত ভাৰতে ৰবীন্দ্ৰ জাডেজাক অল ৰাউণ্ডাৰ ৱাশ্বিংটন সুন্দৰক স্পিন কৰাৰ সুযোগ দিয়ে। মেচখনত যদি চাৰিজন বেগী বলাৰ থাকিলহেঁতেন তেন্তে বুমৰাহৰ ওপৰত বিশেষ বোজা নাথাকিলহেঁতেন আৰু তেওঁ আঘাতৰ পৰা হাত সাৰিব পাৰিলেহেঁতেন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
