যোৱা বছৰ অভিনেতা শ্বাহৰুখ খানৰ পুত্ৰ আৰিয়ান খান ড্ৰাগছৰ গোচৰত অভিযুক্ত হৈ সমগ্ৰ দেশতে চৰ্চা কেন্দ্ৰ বিন্দু হৈ পৰিছিল৷ কিছুদিন পূৰ্বে উক্ত ড্ৰাগছৰ গোচৰটোত আৰিয়ান খানে ক্লীন চিট পাইছিল।
ড্ৰাগছ গোচৰত অভিযুক্ত হোৱাৰ পাছতে আৰিয়ান খানৰ জীৱন গতিপথেই সলনি হ’ব বুলিয়েই ধাৰণা কৰা হৈছিল৷ এক স্বাভাৱিক জীৱনৰ গতি কেনেকৈ লাভ কৰিব তাকেলৈও বিশেষ চৰ্চা চলিছিল৷
ইফালে ইয়াৰ পাছতে আৰিয়ান খানে বলিউদ খোজ পেলাব বুলিও চৰ্চা লাভ কৰিছিল৷ কিন্তু তাৰ মাজতে আৰিয়ান খান অন্য এক কাৰণতহে সংবাদ শিৰোণাম দখল কৰিছে৷
লগতে পঢ়ক এগৰাকী কবি তথা শিক্ষকৰ বিৰুদ্ধে নিজৰ ৭ মহীয়া সন্তানৰ মাতৃ তথা পত্নীক হত্যাৰ গুৰুতৰ অভিযোগ!
এগৰাকী পাকিস্তানী অভিনেত্ৰীৰ বাবেই এইবাৰ সংবাদ শিৰোণাম দখল কৰিছে আৰিয়ান খানে৷ পাকিস্তানৰ বিখ্যাত অভিনেত্ৰীৰ সজল আলীয়ে আৰিয়ান খানৰ প্ৰেমত হাবুদাবু খাইছে৷ অৱশ্যে অভিনেত্ৰীগৰাকীয়ে নিজ মুখে সেয়া প্ৰকাশ্যে প্ৰকাশ কৰা নাই যদিও সামাজিক মাধ্যমৰ এক চাইটত সেয়া স্পষ্ট নিৰ্দেশ দিয়া বুলি চৰ্চা চলিছে৷
পাক অভিনেত্ৰীগৰাকীয়ে নিজা ইনষ্টাগ্ৰামৰ একাউণ্টত আৰিয়ান খানৰ এখন ফ’টোত হাৰ্ট ইম’জি দি শ্বেয়াৰ কৰিছে৷ ফ’টোখনৰ লগত সজল আলীয়ে আৰিয়ান পিতৃ শ্বাহৰুখ খানৰ অভিনীত বিখ্যাত গান ‘হাৱাইন’ সংযোগ কৰি দিছে৷
ইয়াৰ পাছতে আৰিয়ান খান আৰু সজল আলীয়ে ধুমুহাৰ গতিত চৰ্চা লাভ কৰিছে৷ আৰিয়ান আৰু সজলৰ মাজত প্ৰেমৰ সম্পৰ্কও আছে নেকি বুলি এতিয়া চৰ্চা চলিছে৷
লগতে পঢ়ক দক্ষিণৰ মোহময়ী অভিনেত্ৰীৰ মৃতদেহ উদ্ধাৰ! কোনে হত্যা কৰিলে অভিনেত্ৰীগৰাকীক?
উল্লেখ্য যে ইয়াৰ পূৰ্বেও সজল খান ভাৰতত চৰ্চা লাভ কৰিছিল৷ ২০১৭ চনত ৰবি উদয়ৱাৰৰ ‘মম’ ছবিৰে বলীউডত আত্মপ্ৰকাশ কৰিছিল সজলে। চিনেমাখনত তেওঁ প্ৰয়াত অভিনেত্ৰী শ্ৰীদেৱীৰ কন্যা আৰ্য্যৰ চৰিত্ৰত অভিনয় কৰিছিল।
ইফালে ২০২০ চনত আবুধাবিত প্ৰেমিক তথা সহ অভিনেতা আহাদ ৰাজা মিৰৰ সৈতে গোপনে বিবাহপাশত আবদ্ধ হৈছিল সজলে। দুয়োজনে একেলগে পাকিস্তানী ধাৰাবাহিক ‘আংগন’ আৰু ‘য়াকিন’ত কাম কৰিছিল।
কিন্তু তেওঁলোকৰ প্ৰেম আৰু সংসাৰ বেছি দিন নিটিকিল৷ দুবছৰো স্থায়ী নহ’ল দুয়োৰে সম্পৰ্ক। অৱশেষত ২০২২ চনত তেওঁলোকৰ বিবাহ বিচ্ছেদ হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
