ৰাছিয়াই ইউক্ৰেইনত আক্ৰমণ অব্যাহত ৰখাৰ সময়তে ৰুছ ৰাষ্ট্ৰপতি ভ্লাদিমিৰ পুটিন গুৰুতৰভাৱে অসুস্থ হৈছে৷ অৰ্থাৎ কেৱল ইউক্ৰেইনৰ বিৰুদ্ধেই নহয় ৰুছ ৰাষ্ট্ৰপতিগৰাকীয়ে অতি দুৰাৰোগ্য ৰোগৰ বিৰুদ্ধেও যুদ্ধ কৰি আছে৷
এই বিস্ফোৰক দাবী কৰিছে ব্ৰিটিছ সংবাদ মাধ্যমে৷ কে’বাটাও ব্ৰিটিছ সংবাদ সংস্থাই দাবী কৰিছে যে কিছুমান গুৰুতৰ ৰোগে ৰুছ ৰাষ্ট্ৰপতি ভ্লাদিমিৰ পুটিনৰ শৰীৰ তথা মুখায়ৱ পৰিৱৰ্তন সাধিছে৷ সংবাদ সংস্থাসমূহৰ প্ৰতিবেদনৰ মতে পুটিনৰ ‘অস্থিৰ আচৰণ’ৰ গুৰিটো এই গুৰুতৰ ৰোগসমূহে ক্ৰিয়া কৰি আছে৷
ব্ৰিটিছ সংবাদ সংস্থাসমূহে গুপ্তচৰৰ উদ্ধৃতিৰে পুটিনৰ শেহতীয়া ফ’টো প্ৰকাশ কৰি কৈছে যে ‘পাৰ্কিনছন’ ৰোগৰ ফলত ষ্টেইৰ’ড বৃদ্ধি হৈ পুটিনৰ মুখায়ৱ অস্বাভাৱিকভাৱে ফুলি আহিছে আৰু ইয়াৰ বাবেই পুটিন অতিথিক সাক্ষাৎ কৰাৰ পৰাও দূৰত্ব বৰ্তাই ৰাখিছে৷ আনকি সতীৰ্থৰ সৈতে সাক্ষাতৰ সময়তো ৰাষ্ট্ৰপতি পুটিনে লক্ষণীয় দূৰত্ব বজাই ৰখাও দৃষ্টিগোচৰ হৈ আহিছে৷
লগতে পঢ়ক অতি কমেও ৭৯ গৰাকী শিশু নিহত, আহত ১০০ গৰাকীৰো অধিক শিশু
ইমানেই নহয়, ডেইলী মেইলৰ মতে পুটিনে কৰ্কটত ৰোগতো ভুগি আহিছে আৰু ইয়াৰ চিকিৎসাৰ বিভিন্ন ঔষধ গ্ৰহণৰ ফলত মস্তিষ্কৰ বিকাৰতো ভুগিছে৷ ‘‘যোৱা পাঁচ বছৰত তেওঁ সিদ্ধান্ত গ্ৰহণৰ ক্ষেত্ৰত লক্ষণীয় পৰিৱৰ্তন দেখা গৈছে৷’’ ডেইলী মেইলৰ প্ৰতিবেদনত এইদৰে কোৱা হৈছে৷
আনহাতে, ৰাছিয়াৰ ৰাজনৈতিক বিশেষজ্ঞ তথা ইতিহাসবিধ ভেলেৰী চল’ভাইয়ে দাবী কৰিছিল পুটিনৰ শাৰীৰিক পৰিৱৰ্তনৰ কাৰণ ‘পাৰ্কিনছন আৰু কেঞ্চাৰ ৰোগৰ লক্ষণ৷ তেওঁ লগতে কয় যে ২০২০ চনৰ ফেব্ৰুৱাৰিত পুটিনৰ এক জৰুৰী অস্ত্ৰোপচাৰ সম্পন্ন কৰা হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
