অসম লাইভ২৪ঃ ‘দেশৰ সকলোতকৈ ডাঙৰ প্ৰতাৰক হৈছে ইছকন৷ গোশালাৰ গৰু তেওঁলোকেই কছাইখানাত বিক্ৰি কৰে’ ইছকনৰ বিৰুদ্ধে এই মন্তব্য কৰি দেশজুৰি চৰ্চাত মেনকা গান্ধী৷ মেনকা গান্ধীৰ এই মন্তব্য ভাইৰেল হৈ থকাৰ সময়তে ইছকনে মেনকা গান্ধীৰ বিৰুদ্ধে লৈছে বিশেষ পদক্ষেপ৷ ইছকনৰ তৰফৰ পৰা ১০০ কোটি টকাৰ মানহানী গোচৰ তৰা হৈছে মেনকা গান্ধীৰ বিৰুদ্ধে৷
https://x.com/zoo_bear/status/1706685644309942372?s=20
বুধবাৰৰ পৰা মেনকা গান্ধীৰ এই মন্তব্য এক্স হেণ্ডেলত ভাইৰেল হৈ আছে৷ শুকুৰবাৰে ইছকনৰ তৰফৰ পৰা বিতৰ্কিত মন্তব্যটোক লৈ মেনকাৰ বিৰুদ্ধে মানহানিৰ গোচৰ তৰা হৈছে৷ ইতিমধ্যে বিজেপি সাংসদগৰাকীক ১০০ টকাৰ মানহানিৰ নটিছ পঠিয়াইছে ইছকনে৷ ধৰ্মীয় এই সংস্থাটোৱে জনোৱমতে মেনকা গান্ধীৰ এই মন্তব্য সম্পূৰ্ণ ভিত্তিহীন৷ ইছকনৰ তৰফৰ পৰা তেওঁলোকে জনোৱামতে, ‘শুকুৰবাৰে আমি মেনকা গান্ধীলৈ ১০০ কোটি টকাৰ মানহানিৰ নটিছ পঠিয়াইছো৷ ইছকনৰ বিৰুদ্ধে তেঁও ভিত্তিহীন মন্তব্য কৰিছে৷ বিশ্বব্যাপী ইছকনৰ ভক্ত আছে৷ বিশ্বৰ সকলো ভক্তকেই এই মন্তব্যই ব্যথিত কৰিছে৷ মানহানিকৰ এই অপবাদৰ বাবেই আমি তেওঁলৈ নটিছ পঠিয়াইছো৷ ইছকনৰ বিৰুদ্ধে এনে ভুৱা প্ৰচাৰ ভাল কথা হোৱা নাই৷ আমি ন্যায়ৰ বাবে যুঁজ দিমেই৷’
প্ৰাক্তন কেন্দ্ৰীয় মন্ত্ৰী মেনকা গান্ধী এগৰাকী পশুপ্ৰেমী৷ পশুহত্যাৰ বিৰুদ্ধে তেওঁ বহুসময়ত মন্তব্য কৰি আহিছে৷ মেনকাৰ ভিডিঅ’টোত তেওঁ স্পষ্টকৈ কৈছে, ‘দেশৰ ভিতৰত সকলোতকৈ বেছি প্ৰতাৰক হৈছে ইছকন৷ তেওঁলোকে গোশালা নিৰ্মাণৰ নামত চৰকাৰৰ পৰা ৰাজসাহাৰ্য্য লৈ আহিছে৷ মই অন্ধ্ৰপ্ৰদেশৰ ইছকনৰ অনন্তপুৰ গোশালা পৰিদৰ্শন কৰি এই মন্তব্য কৰিছো৷ তাত যিমান গৰু দেখিছো সকলো গাই৷ তাৰ মাজৰ যিসমূহ গাইয়ে গাখীৰ নিদিয়ে সেইসমূহক তেওঁলোকে বিক্ৰী কৰি দিয়ে৷ কছাইৰ হাতত এই গাইসমূহ বিক্ৰি কৰি দিয়ে ইছকনে৷ আৰু এইসকলেই ৰাস্তাত হৰে ৰাম হৰে কৃষ্ণ গাই ফুৰে৷’ ইছকনে মেনকাৰ এই অভিযোগ সম্পূৰ্ণ ভিত্তিহীন বুলি দাবী কৰিছে৷ ইছকন ভক্ত মেনকাই কিয় এনে মন্তব্য কৰিলে আচৰিত হৈছো বুলিও ইছকনৰ তৰফৰ পৰা বিবৃতি দিয়া হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
