পৃথিৱীয়ে এইবাৰ আমাৰ শক্তি দেখিব…! ইৰান ধ্বং/সৰ নক্সা তৈয়াৰ কৰিছে ইহুদি ৰাষ্ট্রই?

এফালে পাৰস্য উপসাগৰৰ কোলাত থকা ছিয়া মুলুকক এশিকন দিয়া আৰু অন্যহাতে সমগ্ৰ বিশ্বৰ সন্মুখত নিজৰ শক্তি প্ৰদৰ্শন কৰ৷ ইৰানৰ ওপৰত আক্ৰমণ চলোৱাৰ মাজতেই এটা কাঁড়েৰে দুটা চিকাৰ কৰিব খুজিছে ইহুদি ৰাষ্ট্ৰ ইজৰাইলে৷ যিয়ে পশ্চিম এছিয়াৰ পৰিস্থিতিক জটিল কৰিব বুলিয়েই ধাৰণা কৰিছে আন্তৰ্জাতিক ৰাজনৈতিক আৰু কূটনৈতিক বিশেষজ্ঞসকলে৷

চলিত বছৰৰ ১ অক্টোবৰত তেল আভিভক বেলেষ্টিক ক্ষেপণাস্ত্ৰৰে টাৰ্গেট কৰিছে তেহৰানক৷ তাৰপাছৰে পৰাই ইৰানক প্ৰত্যাঘাত কৰাৰ ধমকি দিছে ইহুদি প্ৰধানমন্ত্ৰী বেঞ্জামিন নেতানিয়াহুক৷ তেহৰানৰ পৰমাণু কেন্দ্ৰ নে ফৌজি ঘাঁটি ক’ত আক্ৰমণ হ’ব? সেই বিষয়টোক লৈ আৰম্ভ হৈছে জল্পনা৷

এই পৰিস্থিতিতেই ভাইৰেল হৈছে ইজৰাইলী প্ৰতিৰক্ষামন্ত্ৰী ইয়োভ গেলেণ্টৰ এটা ভিডিঅ’৷ তাতেই তেওঁ ইহুদি যুদ্ধবিমানৰ পাইলটসকলৰ সৈতে কথা পতা দেখা গৈছে৷ কেৱল সেয়াই নহয় ইজৰাইলী ডিফেন্স ফৰ্ছৰ এয়াৰফৰ্ছৰ যুদ্ধাসকলক চৰকাৰৰ অৱস্থান সম্পৰ্কে স্পষ্টকৈ জনাইছে তেওঁ৷

চলিত বছৰৰ ২৩ অক্টোবৰ আইডিএফৰ হাতজেৰিম বায়ুসেনা ছাউনিলৈ যায় গেলেণ্ট৷ তাতেই তেওঁ কয়, ‘আমি ইৰানৰ ওপৰত আক্ৰমণ চলালে ইজৰাইল কি সেই কথা বুজিব পাৰিব৷ এই কথা মূৰত ৰাখি যুদ্ধৰ বাবে প্ৰস্তুত হওক৷’ ইয়াৰ পাছতেই সামাজিকমাধ্যমত বায়ুসেনা ছাউনি পৰিদৰ্শনৰ এটা ভিডিঅ’ পোষ্ট কৰিছে ইহুদি প্ৰতিৰক্ষামন্ত্ৰী৷

এয়াৰফৰ্ছৰ যোদ্ধাসকলৰ সৈতে কথা পতাৰ সময়ত তেওঁ বাৰে বাৰে এটা কথাতেই জোৰ দিছে৷ তেওঁ কৈছে, ‘ইৰানৰ আক্ৰমণৰ পাছত প্ৰত্যেকেই আমাৰ শক্তি কি জানিব পাৰিব৷ ইজৰাইলৰ ক্ষতি কৰিলে যি চৰম মূল্য দিব লাগিব এয়া শত্ৰুসকলক আমি বুজাই দিম৷’ এক্স হেণ্ডেলত লিখিছে গেলেণ্টে৷

হিব্ৰু ভাষাত পোষ্ট কৰিছে নেতানিয়াহু মন্ত্ৰীসভাৰ এজন সদস্যই৷ তাতেই আইডিএফৰ এয়াৰফৰ্ছৰ যোদ্ধাসকলক প্ৰশংসাৰে ভৰাই দিছে৷ গেলেণ্টে লিখিছে,‘ব্যক্তিবিশেষ হওক বা কোনো এটা ফৌজী দল বা স্কোয়াড্ৰণ৷ আপোনালোকৰ ক্ষমতাৰ ওপৰত আমাৰ প্ৰবল আস্থা আছে৷’

ইয়াৰপাছতেই হামাছ প্ৰধান ইয়াহিয়া ছিনৱাৰৰ প্ৰসংগ তুলিছে ইজৰাইলী প্ৰতিৰক্ষামন্ত্ৰীয়ে৷ গাজাত যি ফোৰ্ছ নিয়োগ কৰি  গাজা শেষ কৰা হৈছিল সেই সন্দৰ্ভত গেলেণ্টে কয়, ‘এবছৰ পূৰ্বে গাজাত কোনো এজনে আমাৰ হাতত পৰাস্ত হ’ব বুলি ধাৰণাই কৰা নাছিল৷ আজি তেওঁলোকৰ বাবে সপোন দেখিবলৈকে ঠাই নাই৷ নাই কোনো ছিনিওৰ৷ আইডিএফৰ বাবেই এয়া সম্ভৱ হৈছে৷’

উল্লেখ্য যে বিগত ছমাহত দুবাৰ ইহুদিৰ ভূমিত ডাঙৰ আক্ৰমণ চলাইছে ছিয়া ফৌজে৷ ইয়াৰ মাজত ১অক্টোবৰত আক্ৰমণ আছিল ভয়ংকৰ৷ সেই দিনটোত ইজৰাইলক লক্ষ্য কৰি প্ৰায় ২০০টা বেলিষ্টিক ক্ষেপণাস্ত্ৰ এৰিছিল ইৰানে৷ যাৰ অধিকাংশকেই মাজ আকাশত ধ্বংস কৰিছিল আইডিএফে৷ ফলত জীৱনহানি তেনেকৈ হোৱা নাছিল৷

তেহৰাণক ইয়াৰ জবাব দিবলৈ আকাশীপথেৰেই আক্ৰমণ কৰাৰ সিদ্ধান্ত ইজৰাইলৰ৷ এই ক্ষেত্ৰত আইডিএফৰ আমেৰিকাই তৈয়াৰ কৰা এফ ১৬, এফ ৩৫ৰ দৰে যুদ্ধবিমানসমূহ ব্যৱহাৰৰ প্ৰৱল সম্ভাৱনা আছে৷ সূত্ৰৰ খবৰ অনুসৰি এই ইছ্যুত আমেৰিকাৰ প্ৰেছিডেণ্ট জ’ বাইডেন আৰু ভাইছ প্ৰেছিডেণ্ট কমলা হেৰিছৰ সৈতে ফোনত কথাও পাতিছে ইহুদি প্ৰধানমন্ত্ৰী নেতানিয়াহুৱে৷ তেল আভিভত ইৰানৰ পৰমাণু কেন্দ্ৰত আক্ৰমণ কৰক সেয়া বিচৰা নাই আমেৰিকাই৷ ফলত আই ডি এফৰ টাৰ্গেট ছিয়া ফৌজৰ ডাঙৰ ডাঘৰ ছাউনীসমূহেই হ’ব বুলি ধাৰণা কৰা হৈছে৷

সাম্ভাব্য এই আক্ৰমণৰ প্ৰস্তুতি সংক্ৰান্তিয় গোপন নথি ইতিমধ্যেই সামাজিকমাধ্যমত ফাঁচ হৈছে৷ যি তৈয়াৰ কৰিছিল আমেৰিকাৰ এক সংস্থা নেশ্ব্যনেল জিঅ’স্পেকিয়েল ইনটেলিজেন্স এজেন্সিয়ে৷ ৱাছিংটনৰ গুপ্তচৰ উপগ্ৰহৰ পৰা পঠিওৱা ছবি বিশ্লেষণ কৰি সেই নথি তৈয়াৰ কৰা হৈছিল বুলি জনা গৈছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ