হিজবুল্লাহৰ নতুন মুৰব্বীকো নিধন, হাছান নছৰল্লাহৰ নিহতৰ পাছত মাথো কেইদিনমান পূৰ্বে নেতা হৈছিল ছাইফুদ্দিন
ইজৰাইলৰ পৰা আহিছে এক ডাঙৰ খবৰ। হিজবুল্লাহৰ নতুন মুৰব্বী হোৱা ছাইফুদ্দিনকো হত্যা কৰা হৈছে। ইজৰাইলৰ সংবাদ মাধ্যমে এই ডাঙৰ দাবী কৰিছে। শেহতীয়াকৈ ইজৰাইলে হিজবুল্লাহৰ মুৰব্বী হাছান নাছৰল্লাক হত্যা কৰিছিল, তাৰ পিছতে হিজবুল্লাহৰ কমাণ্ড গ্ৰহণ কৰিছিল ছাইফুদ্দিনে।
ইজৰাইলৰ সংবাদ মাধ্যমৰ মতে, হিজবুল্লাহৰ জ্যেষ্ঠ নেতাসকলৰ বৈঠকৰ সময়তে সেই বৈঠক হোৱা বাংকাৰটোত আক্ৰমণ কৰা হৈছিল। হিজবুল্লাহৰ নতুন মুৰব্বী তথা হাছান নছৰল্লাহৰ ভাতৃ হাশ্বেম ছাইফুদ্দিন সেই বাংকাৰতে আছিল। তাতেই নিহত হয় নতুন মুৰব্বী ছাইফুদ্দিন। অৱশ্যে এতিয়াও আনুষ্ঠানিকভাৱে নিশ্চিত হোৱা নাই এই খবৰ।
উল্লেখ্য যে, ইজৰাইলে ২৭ ছেপ্টেম্বৰত হিজবুল্লাহৰ মুৰব্বী হাছান নাছৰল্লাক হত্যা কৰিছিল। লেবাননৰ ৰাজধানী বেইৰুটৰ ভিতৰত ৫০ ফুটৰ ভিতৰত নিৰ্মিত বাংকাৰত নাছৰল্লাহ আছিল। ইজৰাইলে ভূগৰ্ভস্থ বিস্ফোৰণ ঘটোৱা ক্ষেপণাস্ত্ৰৰে আক্ৰমণ কৰিছিল এনে পৰিস্থিতিত বাংকাৰত বহি থকা নছৰল্লাহ আৰু তেওঁৰ গেংৰ সদস্যসকলে যথেষ্ট লোকচানৰ সন্মুখীন হৈছিল। এই আক্ৰমণত গধুৰ গোলাবাৰুদ ব্যৱহাৰ কৰা হৈছিল, যাৰ প্ৰতিধ্বনি ৩০ কিলোমিটাৰ পৰ্যন্ত শুনা গৈছিল।
নছৰল্লাহ হত্যাৰ পিছত এটা ডাঙৰ প্ৰশ্নৰ উত্থাপিত হৈছিল যে হিজবুল্লাহৰ পৰৱৰ্তী নেতা কোন হ’ব। শেষত নছৰাল্লাহৰ ভাতৃ হাচেম ছাইফুদ্দিনক হিজবুল্লাহৰ নতুন মুৰব্বী হিচাপে নিযুক্তি দিয়া হয়। ২০১৭ চনত আমেৰিকাৰ বিদেশ মন্ত্ৰালয়ে ছাইফুদ্দিনক সন্ত্ৰাসবাদী বুলি ঘোষণা কৰিছিল আৰু তেওঁক মষ্ট ৱাণ্টেড ঘোষণা কৰিছিল। ইয়াৰ পূৰ্বেও ছাইফুদ্দিনে ইজৰাইলক ভাবুকি দি আহিছিল।
দাবী কৰা হৈছিল যে নছৰল্লাহক হত্যা কৰাৰ সময়ত ছাইফুদ্দিন আক্ৰমণৰ পৰা ৰক্ষা পৰিছিল। ছাইফুদ্দিনৰ আছিল নছৰল্লাহৰ ভাতৃ। নব্বৈৰ দশকত ইৰাণত পঢ়া-শুনা সমাপ্ত কৰাৰ পিছত তেওঁক পুনৰ বেইৰুটলৈ মাতি অনা হয়। ছাইফুদ্দিনৰ ভাতৃ আব্দুল্লাও তেহৰাণত হিজবুল্লাহৰ দূত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
