যদি সকলো ঠিকে থাকে আৰু ট্ৰাম্প ৰাষ্ট্ৰপতি হয়, তেন্তে উপৰাষ্ট্ৰপতি হ’ব ভাৰতৰ জোৱাঁই
আমেৰিকাৰ ৰাষ্ট্ৰপতি নিৰ্বাচন ২০২৪ৰ প্ৰতিদ্বন্দ্বিতা আকৰ্ষণীয় হৈ পৰিছে। যদি সকলো ঠিকে থাকে, তেন্তে ভাৰতৰ জীয়াৰী কমলা হেৰিছৰ পিছত ভাৰতৰ জোঁৱাই জে ডি ভেন্স আমেৰিকাৰ উপ-ৰাষ্ট্ৰপতি হ’ব পাৰে। ড’নাল্ড ট্ৰাম্পে জে ডি ভেন্সক নিজৰ ৰানিং মেট অৰ্থাৎ ৰিপাব্লিকান পাৰ্টিৰ উপ-ৰাষ্ট্ৰপতি পদৰ প্ৰাৰ্থী হিচাপে বাছনি কৰিছে।
ড’নাল্ড ট্ৰাম্পে আমেৰিকাৰ চিনেটৰ জে ডি ভেন্সক নিজৰ ৰানিং মেট কৰি সকলোকে আচৰিত কৰি তুলিছে। ইয়াৰ পূৰ্বে ভাৰতৰে আন এগৰাকী লোকৰ নাম এই ক্ষেত্ৰত বিশেষ চৰ্চাত আছিল। বিবেক ৰামাস্বামীৰ কথা চৰ্চা হৈছিল যদিও শেষত জে ডি ভ্যান্সৰ নাম ঘোষণাৰ পিছত বিবেক ৰামাস্বামীৰ আশাত আঘাত লাগে।
ট্ৰাম্পৰ এই সিদ্ধান্তৰ লগে লগে ৰিপাব্লিকান নেতা জে ডি ভেন্সৰ মান আৰু বৃদ্ধি পালে। উল্লেখ্য যে, বছৰ বছৰ ধৰি ড’নাল্ড ট্ৰাম্পক সমালোচনা কৰি আহিছিল জে ডি ভ্যান্সে। কিন্তু এতিয়া তেওঁ ট্ৰাম্পৰ জনপ্ৰিয়তাবাদী এজেণ্ডা গ্ৰহণ কৰিছে। এইদৰে ট্ৰাম্পৰ সমালোচক এতিয়া তেওঁৰ মিত্ৰ হৈ পৰিছে।
ড’নাল্ড ট্ৰাম্পে তেওঁৰ ট্ৰুথ ছ’চিয়েল প্লেটফৰ্মত কয়, ‘দীঘলীয়া বিবেচনা আৰু আন বহু প্ৰতিভাৱান লোকৰ প্ৰতি লক্ষ্য ৰাখি মই সিদ্ধান্ত লৈছো যে আমেৰিকাৰ উপ-ৰাষ্ট্ৰপতিৰ পদত অধিষ্ঠিত হ’বলৈ আটাইতকৈ উপযুক্ত ব্যক্তিজন হ’ল অহাইঅ’ ষ্টেটৰ জে ডি ভ্যান্স।
ট্ৰাম্পৰ এই নিৰ্বাচন ৰিপাব্লিকান ৰাষ্ট্ৰীয় অধিৱেশনৰ প্ৰথম দিনটোত আৰু পেনচিলভেনিয়াত অনুষ্ঠিত হোৱা সমাৱেশত মাৰাত্মক আক্ৰমণৰ পৰা ৰক্ষা পোৱাৰ মাত্ৰ দুদিন পিছতেই ঘটিছে। এতিয়া যদি ড’নাল্ড ট্ৰাম্পে আমেৰিকাৰ ৰাষ্ট্ৰপতি নিৰ্বাচনত জয়ী হয় তেন্তে জে ডি ভেন্স উপ-ৰাষ্ট্ৰপতি হ’ব।
যদিসকলো ঠিকে তেন্তে কমলা হেৰিছৰ পিছত ভাৰতৰ জোঁৱাই জে ডি ভেন্স উপ-ৰাষ্ট্ৰপতি হ’ব। জে ডি ভ্যান্সৰ পত্নী ভাৰতীয় মূলৰ আমেৰিকান নাগৰিক। জে ডি ভ্যান্সৰ পত্নীৰ নাম উষা ভ্যান্স, অন্ধ্ৰপ্ৰদেশৰ বংশোদ্ভৱ। জেডিয়ে তেওঁৰ সফলতাৰ কৃতিত্ব উছা ভ্যান্সক দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ