৫ জুলাইলৈ আৰু মাত্ৰ ৩ দিন বাকী৷ সেয়ে আতংক বাঢ়িছে জাপানত৷ জাপানী বাবা ভাংগা নামেৰে পৰিচিত ভৱিষ্যদ্ৰষ্টা ৰিও তাতছুকিয়ে জনাইছে যে জুলাইৰ আৰম্ভণিতেই ভয়াৱহ ছুনামী আৰু ভূমিকম্পৰ কবলত পৰিব পাৰে জাপানে৷ ৫ জুলাইত এই দুৰ্যোগ ঘটিব বুলি নিজৰ ভৱিষ্যদ্বাণীত জনাইছে তাতছুকিয়ে৷ তেওঁ জনাইছে এই ভূমিকম্প আৰু ছুনামীৰ কাৰণে বিৰাট ক্ষয়ক্ষতিৰ কবলত পৰিব জাপান৷ বিপুল সম্পত্তি ক্ষতিৰ ওপৰিও প্ৰচুৰ প্ৰাণহানিৰো আশংকা কৰিছে তাতছুকিয়ে৷
কি কৈছে ৰিও তাতছুকিৰ গণনাই?
জাপানৰ তোকাৰা দ্বীপত ৫ জুলাইত ডাঙৰ ভূমিকম্প আৰু ছুনামী হব বুলি ভৱিষ্যদ্বাণী কৰিছিল ৰিও তাতছুকিয়ে৷ ইতিমধ্যেই সাম্প্ৰতিক কালত প্ৰায় ৫০০ বাৰ ভূমিকম্পই জোঁকাৰিছে তোকাৰা দ্বীপ৷ সেই কাৰণেই সাধাৰণ মানুহৰ মাজত আতংকও বাঢ়িছে৷ জাপানৰ মেটেৰোলজিকেল এজেন্সিয়ে জনাইছে যে শনিবাৰৰ পৰা অসংখ্য সৰু সৰু কম্পন্ন অনুভূত হৈছে তোকাছুৰাত৷ অৱশ্যে এইকেইটা ভূমিকম্পত কোনো ক্ষয়ক্ষতি হোৱাৰ তথ্য অহা নাই৷ কিন্তু ৫ জুলাইৰ পূৰ্বে বাৰে বাৰে অহা কম্পনে সাধাৰণ মানুহৰ মাজত ভয়ত মাত্ৰা বাঢ়িছে৷ এই ছুনামী ২০১১ত তোহোকুতত অহা ছুনামীতকৈ ভয়ংকৰ হব বুলি দাবী কৰিছে তাতছুকিয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
