সোমবাৰে দিল্লী আৰক্ষীয়ে দিল্লীৰ জৱাহৰলাল নেহৰু বিশ্ববিদ্যালয়ৰ হোষ্টেলৰ শিক্ষাৰ্থীক হিংসাত্মক আক্ৰমণৰ ঘটনাৰ সন্দৰ্ভত গোচৰ ৰুজু কৰিছে৷ বিশ্ববিদ্যালয়খনৰ সংশ্লিষ্ট হোষ্টেলটোৰ আৱাসীৰ অভিযোগৰ ভিত্তিত অখিল ভাৰতীয় বিদ্যাৰ্থী পৰিষদৰ সদস্যৰ বিৰুদ্ধে দিল্লী আৰক্ষীয়ে গোচৰ ৰুজু কৰা বুলি প্ৰকাশ কৰিছে৷
‘‘জেএনইউএছইউ, এছএফআই, ডিএছএফ আৰু আইএছএৰ সদস্যসকলে এবিভিপিৰ অচিনাক্ত সদস্যৰ বিৰুদ্ধে সোমবাৰে পুৱা ঘটনাৰ সন্দৰ্ভত অভিযোগ দাখিল কৰিছে৷’’ দিল্লী আৰক্ষীৰ উপ আয়ুক্ত (দক্ষিণ পশ্চিম) মনোজ চিয়ে সংবাদ মাধ্যমৰ আগত কয়৷
ইতিমধ্যে দিল্লী আৰক্ষীয়ে অভিযুক্তসকলৰ বিৰুদ্ধে ভাৰতীয় দণ্ডবিধি আইনৰ ধাৰা ৩২৩, ৩৪১, ৫০৯, ৫০৬ আৰু ৩৪ অধীনত গোচৰ কৰিছে৷ গোচৰ ৰুজু কৰিয়ে দিল্লী আৰক্ষীয়ে অভিযুক্তসকলক চিনাক্ত কৰিবলৈ হিংসাত্মক ঘটনাটোৰ প্ৰমাণিক আৰু বিজ্ঞানসন্মত তথ্য প্ৰমাণসহ ফুটেজ সংগ্ৰহ কৰি থকা বুলিও প্ৰকাশ কৰিছে৷ ঘটনাৰে জড়িতসকল এবিভিপিৰ সদস্য হ’লেও কঠোৰ ব্যৱস্থা গ্ৰহণ কৰিব বুলি দৃঢ়তাৰে ঘোষণা কৰিছে দিল্লী আৰক্ষীয়ে৷
লগতে পঢ়ক কোনজন ছাত্ৰই পৰীক্ষাৰ উত্তৰ বহিত লিখিলে, পুষ্পা…পুষ্পাৰাজ…আপোন কভী লিখেগা নহী ছল্লা!
উল্লেখ্য যে দেওবাৰে সন্ধিয়া সন্দেহজনক অখিল ভাৰতীয় বিদ্যাৰ্থী পৰিষদৰ সদস্যই বিশ্ববিদ্যালয়খনৰ চৌদহত প্ৰৱেশ কৰি কাবেৰী আৱাসত আক্ৰমণ সংঘটিত কৰিছিল৷ আৰক্ষীয়ে প্ৰকাশ কৰা মতে উক্ত আক্ৰমণত ষোল্লগৰাকীকৈ শিক্ষাৰ্থী আঘাতপ্ৰাপ্ত হৈছে৷
অভিযোগ অনুসৰি ৰাষ্ট্ৰীয় স্বয়ং সেৱক সংঘৰ ছাত্ৰ সংগঠন এবিভিপিৰ সদস্যই ৰাম নৱমীত শিক্ষাৰ্থীসকলে আমিষ খাদ্য খোৱাক কেন্দ্ৰ কৰি এই হিংসাত্মক আক্ৰমণ সংঘটিত কৰিছিল৷ ইতিমধ্যে আক্ৰমণকাৰী দলটোৱে কিমান ভয়াৱহ আক্ৰমণ সংঘটিত কৰিছিল তাৰ ভিডিঅ’ সামাজিক মাধ্যমত ভাইৰেল হৈ পৰিছে৷
লগতে পঢ়ক শ্বেতা আগৰৱালাৰ হত্যাকাণ্ড : নৃশংস হত্যাকাণ্ডৰ দুই অভিযুক্তক দোষমুক্ত উচ্চ ন্যায়ালয়ৰ
ইপিনে এটা ভিডিঅ’ত আখতাৰিষ্টা আনছাৰী নামৰ এগৰাকী শিক্ষাৰ্থীৰ মূৰৰ পৰা ৰক্তক্ষৰণ হৈ দেখা গৈছে যদিও কৰ্তৃপক্ষই উক্ত ভিভিড’টো দেওবাৰৰ ঘটনাৰ নহয় বুলি নিশ্চিত কৰিছে৷
ইফালে এবিভিপিৰ সদস্যসকলে এই অভিযোগ নস্যাৎ কৰি দাবী কৰিছে যে তেওঁলোকে আয়োজন কৰা ৰামনৱমী পূজাত বাঁওপন্থী শিক্ষাৰ্থীসকলে বাধা প্ৰদানহে কৰিছিল আৰু ইয়াৰ পিছতে দুয়োপক্ষৰ মাজত সংঘৰ্ষৰ সূত্ৰপাত হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
