১০৮ কুইণ্টল ফুলৰ লগতে এইবাৰো কেদাৰনাথ মন্দিৰৰ শোভা বৰ্ধন অসমৰ ১৪ টা জাপিৰ
কেদাৰনাথ মন্দিৰৰ সাজ-সজ্জা এইবাৰো বিশেষ, পূৰ্বৰ কেইবাবাৰৰ দৰে এইবাৰো মন্দিৰৰ সৌন্দৰ্যত সংযোজিত হল অসমৰ জাপি। ১০৮ কুইণ্টল ফুলৰ লগতে মুঠ ১৪ টা জাপিৰে সজাই তোলা হৈছে মন্দিৰৰ তোৰণ।
আজি শুকুৰবাৰে কেদাৰনাথ ধামৰ দুৱাৰ মুকলি কৰা হয়। দুৱাৰ খোলাৰ লগে লগে ভক্তসকলে মন্দিৰৰ ভিতৰত জ্বলি থকা চিৰন্তন শিখা দেখা সৌভাগ্য প্ৰাপ্ত কৰে। ইয়াৰ পিছতে ৰুদ্ৰাভিষেক, শিৱস্তক, শিৱ তাণ্ডৱ স্তোত্ৰ আৰু কেদাৰাষ্টকৰ মন্ত্ৰ উচ্চাৰণ কৰা হয়।
প্ৰথমে মন্দিৰত উপস্থিত হৈছিল কৰ্ণাটকৰ বীৰশৈৱ লিংগায়ত সম্প্ৰদায়ৰ প্ৰধান ৰাৱাল ভীমশংকৰ। ইয়াৰ পিছত ৬ মাহ পূৰ্বে বাবাক আগবঢ়োৱা ভীষ্ম শৃংগাৰ আঁতৰাই দিয়া হয়।
এইবাৰ মুঠ ৫৪ বিধ ১০৮ কুইণ্টল ফুলেৰে সজাই তোলা হৈছে মন্দিৰ। লগতে শোভা বৰ্ধনত স্থান পাইছে অসমীয়াৰ মান জাপি। ফুলৰ ভিতৰত আছে নেপাল, থাইলেণ্ড, শ্ৰীলংকাৰ দৰে বিভিন্ন দেশৰ পৰা অনা গোলাপ আৰু নাৰ্জী ফুল।
আজিৰ প্ৰথম দিনাই প্ৰায় ১০ হাজাৰ লোক দৰ্শনৰ বাবে আহে মন্দিৰলৈ। ভক্তসকলে এতিয়া আগন্তুক ৬ মাহৰ বাবে দৰ্শন কৰিব পাৰিব কেদাৰনাথ মন্দিৰ।
জুনৰ পৰা আগষ্টৰ ভিতৰত যদি বতৰ ভাল হৈ থাকে, তেন্তে এইবাৰ ২৫ লাখৰো অধিক লোক কেদাৰনাথ ধামত উপস্থিত হোৱাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
