কৃষক মুক্তি সংগ্ৰাম সমিতি আৰু ৭০ সংগঠনৰ ৰাজনৈতিক দল গঠন

অসম লাইভ ২৪ঃ কৃষক মুক্তি সংগ্ৰাম সমিতিয়ে ৭০টা সংগঠনৰ সহযোগত আজি গঠন কৰিলে ৰাজনৈতিক দল। ‘ৰাইজৰ দল’ নামেৰে পৰিচিত হ’ব এই ৰাজনৈতিক দলটো। গুৱাহাটীৰ হোটেল গে’টৱে গ্ৰেণ্ডত ৰাজনৈতিক দল গঠন উপলক্ষে ৭০টা সংগঠন আৰু ৰাইজৰ উপস্থিতিত এক অনুষ্ঠান আয়োজন কৰে। ৰাইজৰ দলৰ উপদেষ্টাৰ দায়িত্বত আছে ড০ হীৰেন গোহাঁই, ড০ নগেন শইকীয়া, জাহ্নু বৰুৱা, উদয়াদিত্য ভৰালী, ড০ আবু চৈয়দ নাছিৰ আহমেদ, পৃথ্বীৰাজ ৰাভা, সঞ্জয় কুমাৰ তাঁতী, হাফিজ ৰছিদ চৌধুৰী, ডাঃ নাৰায়ণ শৰ্মা, ড০ সীতানাথ লহকৰ, জে পি দাস, ঘনশ্যাম নাথ, সত্যেন্দ্ৰ প্ৰসাদ ডেকা, অৰুণ গগৈ আৰু সুমিত্ৰা হাজৰিকা। ৰাজনৈতিক দল গঠনৰ প্ৰস্তুতি সমিতিত অন্তৰ্ভুক্ত হৈ আছে টাই আহোম যুৱ পৰিষদ, আহোম জাতীয় গণ মঞ্চ, অসমীয়া যুৱ মঞ্চ, তিৱা যুৱ পৰিষদ, অনুসূচিত জাতি যুৱ-ছাত্ৰ পৰিষদ, সদৌ অসম অনুসূচিত জাতি ছাত্ৰ সন্থা, আমৰি কাৰ্বি ছাত্ৰ সন্থা, সদৌ মটক যুৱ-ছাত্ৰ পৰিষদ, সংগ্ৰামী যুৱ-ছাত্ৰ পৰিষদ, সদৌ কলিতা ছাত্ৰ সন্থা, অসম প্ৰেমী যুৱ-ছাত্ৰ সমাজ, বৃহত্তৰ অসমীয়া যুৱ মঞ্চ, আহোম সেনা, মদমুক্ত অসম, অগ্ৰণী মহিলা মঞ্চ, সদৌ অসম চাহ জনজাতি ছাত্ৰ সন্থা, অসম জাতীয়তাবাদী যুৱ পৰিষদ, সদৌ অসম মৰিয়া যুৱ-ছাত্ৰ পৰিষদ, অসম বড়ো-কছাৰী জাতীয় পৰিষদ, তেজপুৰৰ ‘কা’ বিৰোধী ঐক্যমঞ্চ, যোৰহাটৰ ‘কা’ বিৰোধী মঞ্চ, সন্মিলিত জনগোষ্ঠীয় সংগ্ৰাম সমিতি, কৃষিভূমি আৰু পৰিৱেশ সংৰক্ষণ সমিতি, গোৰ্খা ছাত্ৰ সন্থা, বৰাকৰ প্ৰতিনিধি, ছাত্ৰ মুক্তি সংগ্ৰাম সমিতি, অসম জাতীয় ঐক্যমঞ্চ, অসম সুৰক্ষা সেনা, সদৌ অসম অন্যান্য পিছপৰা শ্ৰেণী ছাত্ৰ সন্থা, চাহ শ্ৰমিক মুক্তি সংগ্ৰাম সমিতি, সদৌ অসম একত্ৰিত যুৱ পৰিষদ, দুৰ্নীতিবিৰোধী মানৱ অধিকাৰ সুৰক্ষা মঞ্চ, পূৰ্বাঞ্চলীয় খিলঞ্জীয়া পৰিষদ, অনুসূচিত জাতি সংগ্ৰামী যুৱ পৰিষদ, গণ ঐক্য সংগ্ৰাম সমিতি, অসম সংগ্ৰামী যুৱ-ছাত্ৰ সন্থা, সদৌ অসম চাহ জনগোষ্ঠী অধিকাৰ সমিতি, পিপলছ কাউন্সিল ফৰ পীচ এণ্ড ডেভেলপমেণ্ট (অসম), বীৰ লাচিত সেনা, কৃষক মুক্তি সংগ্ৰাম সমিতি, সদৌ অসম গৰিয়া যুৱ-ছাত্ৰ পৰিষদ, সদৌ অসম গাৰো গাঁওবুঢ়া সমাজ, সদৌ অসম মুছলিম যুৱ পৰিষদ আৰু সংখ্যালঘু নাগৰিক সমাজ। নতুন ৰাজনৈতিক দলটোৰ মুখ্য ৰাজ্যিক আহ্বায়কৰ দায়িত্বত আছে অখিল গগৈ, ভাস্কো ডি শইকীয়া, লোহিত গগৈ, মহেন্দ্ৰ দিহিঙীয়া, অলোক নাথ, হুছেইন মঃ শ্বাহজাহান, জিতুল ডেকা, ৰত্নেশ্বৰ দেউৰী, গিৰিশংকৰ গোস্বামী, ৰুবুল দাস। ‘ৰাইজৰ দল’ৰ উদ্যোক্তা সংগঠনসমূহৰ সমন্বয়কৰ দায়িত্বত অলোক নাথ, সম্বিত শৰ্মা, পবীন্দ্ৰ চেতিয়া ফুকন, ৰণ্টু পানীফুকন, দেৱজিৎ দত্ত, ৰাজু বৰা, ধৈৰ্য কোঁৱৰ, অংকুৰণ ফুকন, ধ্ৰুৱজ্যোতি ভৰালী, মনিদীপ মহন, দীপাংকৰ কলিতা। আজি দল গঠনৰ পাছতে ‘ৰাইজৰ দল’ৰ www.raijordal.org নামৰ এটি ৱেবছাইট মুকলি কৰে। ৱেবচাইটৰ জৰিয়তে স্বেচ্ছাসেৱক আৰু সদস্য হিচাপে নাম পঞ্জীয়ন কৰাৰ সুবিধা প্ৰদান কৰিছে । CAAৰ বিৰুদ্ধে পূৰ্বৰ স্থিতিত অটল কৃষক মুক্তি সংগ্ৰাম সমিতিৰ নেতৃত্বত গঠিত ‘ৰাইজৰ দল’। CAAৰ বিৰুদ্ধে ঐক্যবদ্ধ যুঁজ দিবলৈ সংকল্পবদ্ধ ‘ৰাইজৰ দল’। হোটেল গে’টৱে গ্ৰেণ্ডত দল গঠনৰ পূৰ্বে CAA আন্দোলনৰ পঞ্চ ছহিদক শ্ৰদ্ধা জনোৱাৰ লগতে গান্ধী জয়ন্তী উপলক্ষে জাতিৰ পিতা গান্ধীজীলৈ শ্ৰদ্ধা নিৱেদন কৰে সংগঠনসমূহে। তদুপৰি অখিল গগৈৰ মুক্তিৰ দাবীত ধ্বনি দিলে সমবেত সংগঠনসমূহৰ প্ৰতিনিধিয়ে। ‘ৰাইজৰ দল’ গঠনৰ লগে লগে মংগল ধ্বনিৰে মুখৰ হয় হোটেল গে’টৱে গ্ৰেণ্ড। ৰাজ্যত বিশেষ প্ৰভাৱশালী কৃষক মুক্তি সংগ্ৰাম সমিতিয়ে প্ৰত্যক্ষ ৰাজনীতিত প্ৰৱেশ কৰাৰ লগে লগে একপ্ৰকাৰ ৰাজ্যৰ ৰাজনীতিত জোকাৰণিৰ সৃষ্টি হৈছে। ‘ৰাইজৰ দল’ৰ উপদেষ্টা মণ্ডলীত থকা একাংশ আছুৰ নেতৃত্বত গঠিত ৰাজনৈতিক দল এ জে পিৰ উপদেষ্টাৰ তালিকাতো অন্তৰ্ভুক্ত হোৱাত ৰাইজৰ মাজত বিভ্ৰান্তিৰ সৃষ্টি হৈছে। উল্লেখ্য আজি KMSSৰ নেতা অখিল গগৈৰ ওপজা দিন। এই দিনটোতে কৃষক মুক্তিয়ে জন্ম দিলে ‘ৰাইজৰ দল’।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ