পুৰাণ অনুসৰি, ভগৱান বিষ্ণু মৰ্ত্যলোকলৈ আহি চাৰধাম যাত্ৰা কৰে৷ এই চৰধাম হৈছে, বদ্ৰীনাথধাম, দ্বাৰকাধাম, পুৰীধাম আৰু ৰামশ্বৰম৷ প্ৰথমে হিমালয়ৰ শিখৰত অৱস্থিত উত্তৰাখণ্ডৰ বদ্ৰীনাথধামত তেওঁ স্নান কৰে৷ তাৰপাছতেই গুজৰাটৰ দ্বাৰকাধামলৈ গৈ বস্ত্ৰ পৰিধান কৰে৷ ওড়িশাৰ পুৰীধামত ভোজন কৰে শ্ৰীকৃষ্ণই৷ আৰু সকলোৰে শেষত তামিলনাডুৰ ৰামেশ্বৰমলৈ গৈ বিশ্ৰাম লয়৷ এইসমূহৰ মাজত প্ৰতিষ্টো স্থানৰেই অস্তিত্ব আছে৷ কেৱল দ্বাৰকাধামহে পানীৰ তলত ডুব গৈছে৷
দ্বাৰকা আৰু শ্ৰীকৃষ্ণ
পুৰাণ অনুসৰি মথুৰাত অত্যাচাৰী ৰজা কংসক বধ কৰিছিল শ্ৰীকৃষ্ণই৷ সেই কংসৰেই শহুক আছিল মগধৰাজ জৰাসন্ধ৷ কংসবধৰ পাছৰ পৰাই জৰাসন্ধই বাৰে বাৰে মথুৰা আক্ৰমণ কৰিছিল৷ সেই আক্ৰমণৰ পৰা মথুৰাবাসীক ৰক্ষা কৰিবলৈকে সমুদ্ৰৰ মাজত এক নগৰী স্থাপন কৰে শ্ৰীকৃষ্ণই৷ গুজৰাটৰ সমুদ্ৰৰ মাজত অৱস্থিত এই চহৰেই হৈছে দ্বাৰকা নগৰী৷ শ্ৰীকৃষ্ণ গোলোকধামলৈ উভতি যোৱাৰ পাছত দ্বাৰকা চহৰো সমুদ্ৰত ডুব যায়৷ মহাভাৰত অনুসৰি কুৰুক্ষেত্ৰ যুদ্ধৰ বাবে গান্ধাৰীয়ে মূলত কৃষ্ণকেই দায়ী কৰিছিল৷ গান্ধাৰীৰ অভিশাপৰ বাবেই দ্বাৰকা সমুদ্ৰগৰ্ভৰ তলত সোমাই যায়৷ দ্বাৰকা ডুবি যোৱাৰ দৃশ্য নিজ চকুৰে দেখিছিল তৃতীয় পাণ্ডৱ অৰ্জুনে৷
পানীত ডুবা চহৰ দ্বাৰকা
কথিত আছে যে কৃষ্ণই এই নতুন চহৰ প্ৰতিষ্ঠাৰ বাবে সমুদ্ৰৰ কাষত ১২ যোজন মাটি পাইছিল৷ গোমতী নদীৰ তীৰত এই চহৰ নিৰ্মাণ কৰিছিল বিশ্বকৰ্মাই৷ মাত্ৰ দুদিনত এই চহৰ নিৰ্মাণ কৰা হৈছিল৷ প্ৰাসাদ আৰু নগৰবাসীৰ বাবে ঘৰ তৈয়াৰ কৰা হয় এই স্থানত৷ ইফালে মথুৰা ত্যাগ কৰাৰ কাৰণে কৃষ্ণই ভয়াতুৰ নামো সেই সময়তে পাইছিল৷
হিন্দুপুৰাণত দ্বাৰকা
হিন্দুশাস্ত্ৰত দ্বাৰকাক কোৱা হয় কৃষ্ণৰ ৰাজধানী৷ সেয়ে কৃষ্ণৰ আন এক নাম দ্বাৰকাধীশ বা দ্বাৰকেশ্বৰ৷ এয়াই গুজৰাটৰ প্ৰথম ৰাজধানীও৷ পুৰাণত দ্বাৰকাক মোক্ষপুৰী, দ্বাৰকামতি নামেৰেও উল্লেখ কৰা আছে৷
দ্বাৰকাৰ অস্তিত্ব এতিয়াও আছেনে?
প্ৰাচীন দ্বাৰকা চহৰৰ ধ্বংসাৱশেষ এতিয়াও আৰৱ সাগৰৰ বুকুত আছে৷ ভক্ত আৰু পৰ্যটকসকলৰ বাবে দ্বাৰকাৰ স্থলভাগত এটা শ্ৰীকৃষ্ণৰ মন্দিৰ আছে৷ দ্বাৰকাধীশ মন্দিৰৰ প্ৰায় ২২০০ বছৰ আগৰ চালুক্য স্থাপত্যৰ উপস্থিতি এই স্থানত স্পষ্ট৷ এই মন্দিৰ দৰ্শন কৰিবলৈ দেশ বিদেশৰ বহু পৰ্যটক এই চহৰলৈ আহে৷ যদিও এডভেঞ্চাৰপ্ৰেমীসকলে পানীত ডুবা চহৰ চাহ খোজে৷ বহুতেই স্কুবা ডাইভিঙৰ সহায়ত এই চহৰৰ ভগ্নাৱশেষ পৰ্যবেক্ষণ কৰে৷
প্ৰধান চহৰৰ পৰা ইয়াৰ দূৰত্ব প্ৰায় ৩০ কিঃমিঃ৷ এই স্থানৰ কাষতেই আছে ৰুক্মিনী মন্দিৰ, গোমতী ঘাট আৰু সুদামা সেতু আদি৷ শীতকালৰ সময়ত অৰ্থাৎ ডিচেম্বৰৰ পৰা মাৰ্চ মাহ দ্বাৰকা চোৱাৰ বাবে উপযুক্ত সময়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
