অসম লাইভ২৪ঃ প্ৰতি মাহৰ কৃষ্ণপক্ষৰ চতুৰ্দশী তিথিত পালিত হয় মাসিক শিৱৰাত্ৰী। ২০২৩ চনৰ শেষ শিৱৰাত্ৰী পৰিছে ১১ ডিচেম্বৰ অৰ্থাৎ আজি। মহাদেৱৰ প্ৰিয় দিন সোমবাৰেই মাহেকীয়া বিশেষ শিৱৰাত্ৰী পৰাত ইয়াৰ মাহাত্ম্য আৰু বৃদ্ধি হৈছে। এই শিৱৰাত্ৰিত শিৱ শংকৰৰ নামেৰে উপবাস ৰাখিলে তেওঁ আশীৰ্বাদত জীৱনৰ সকলো দুখ কষ্ট দূৰ হয় বুলি প্ৰচলিত বিশ্বাস। শিৱৰাত্ৰীৰ পূণ্য তিথিত কেইটামান কাম কৰিলে অত্যন্ত শুভ বুলি শাস্ত্ৰত উল্লেখ আছে। ইয়াৰ ফলত কোষ্ঠীত গ্ৰহৰ অশুভ দশা থাকিলে সেয়া দূৰ হয়। জানি থওক শিৱৰাত্ৰীত কি কি কাম কৰিলে জীৱনত সুখ, সৌভাগ্য আৰু সমৃদ্ধি লাভ কৰা সম্ভৱ?
সম্পদ লাভৰ উপায়
আজি মাহেকীয়া শিৱৰাত্ৰীত নিশা পানীৰ সৈতে দৈ আৰু মৌ মিহলাই শিৱলিংগৰ অভিষেক কৰক। ইয়াৰ পাছতেই মহাদেৱক ভোগ হিচাপে পায়স আগবঢ়াওক। শিৱৰাত্ৰীত এই কাম কৰিলে সম্পদ বৃদ্ধিৰ পথ মুকলি হয়। সংসাৰত সুখ আৰু সমৃদ্ধি বজায় ৰখাৰ বাবেও এই কাম কৰিব পাৰে।
চাউলেৰে এই কাম কৰক
আপুনি যদি বহুদিন ধৰি মানসিক অথৱা শাৰীৰিক যন্ত্ৰণাৰ মাজেৰে সময় কটাইছে তেন্তে এই শিৱৰাত্ৰীতেই এক বস্তা চাউল শিৱমন্দিৰলৈ আগবঢ়াওক। সেই চাউলেৰে মহাদেৱক ভোগ আগবঢ়াওক। এই চাউল আপুনি দৰিদ্ৰজনৰ মাজত বিতৰণো কৰি দিব পাৰে। ইয়াৰ ফলত আপোনাৰ সকলো সমস্যা দূৰ হ’ব।
শনিৰ অশুভ দশা কাটিবলৈ কি কৰিব?
মহাদেৱৰ পূজা কৰিলে শনিৰ অশুভ দশা কাটি যাব। শনিৰ কাৰণে যদি আপোনাৰ কেৰিয়াৰত সমস্যা আহে তেন্তে আজিৰ দিনটো উপবাসে থাকক। এটুকুৰা কাগজত চন্দন লৈ ওম লিখি তাৰ মাজত কিছু কলা তিল দি শিৱলিংগত নিবেদন কৰক। ইয়াৰ পাছতেই শিৱলিংগত অভিষেক কৰক। ইয়াৰ ফলত শনি শান্ত হয় আৰু শনিৰ দোষ কাটি যাব।
শত্ৰুক পৰাজিত কৰাৰ উপায়
যদি কোনো শত্ৰুৱে দীৰ্ঘদিন ধৰি আপোনাৰ জীৱনত নানান ধৰণে সমস্যাৰ সৃষ্টি কৰি থাকে তেন্তে শিৱৰাত্ৰিতেই শিৱ মন্দিৰত ঘী আৰু প্ৰদীপ জ্বলাই ১০৮ বাৰ জপ কৰক ‘ওম ছাম ছাব শিবায় ছাম ছাম কুৰু কুৰু ওম’। ইয়াৰ ফলত আপোনাৰ বিৰোধীসকল পিছুৱাই আহিব।
ৰাহুৰ অশুভ দশা কটোৱাৰ উপায়
আজি শিৱৰাত্ৰীৰ দিনটোত পানীৰ সৈতে দুবৰী বন কুশ মিহলাই শিৱলিংগৰ অভিষেক কৰক। ইয়াৰ ফলত কোষ্ঠীত ৰাহুৰ দশা থাকিলে কাটি যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
