ত্ৰেতা যুগৰ অৱসানৰ পাছত শ্ৰীৰামসহ সকলো দেৱতাই তেওঁলোকৰ মানৱ ৰূপ ত্যাগ কৰি স্বৰ্গলৈ উভতি যায়৷ বৈকুণ্ঠলৈ উভতি যোৱাৰ পূৰ্বে বিষ্ণুৰ অৱতাৰ শ্ৰীৰামে তেওঁৰ পৰম ভক্ত হনুমানক কলিযুগত ধৰ্ম ৰক্ষাৰ দায়িত্ব দি যায়৷ ৰামে দিয়া বৰতেই অমৰত্ব লাভ কৰে বজৰংবলীয়ে৷ তেওঁ হৈছে কলিযুগৰ জীৱন্ত দেৱতা৷ যুগ যুগ ধৰি তেওঁ পৃথিৱীক ৰক্ষা কৰি আহিছে৷ ৰামায়ণ আৰু বিষ্ণু পুৰাণত কলিযুগত হনুমানৰ উপস্থিতিক লৈ একাধিক তথ্যৰ উল্লেখ পোৱা যায়৷
কলিযুগত স্বমহিমাৰে আহিব বজৰংবলী
শ্ৰীমদ ভাগৱত পুৰাণ অনুসৰি কলিযুগত গন্ধমাদন পৰ্বতত অৱস্থান কৰি আছে বজৰংবলীয়ে৷ অত্যন্ত দুৰ্গম এই পৰ্বতত উপস্থিত হোৱাটো অত্যন্ত কঠিন৷ হনুমানৰ দৰ্শন পাবলৈ একান্ত আগ্ৰহীসকলেহে তেওঁৰ গন্ধমাদন পৰ্বতত উপস্থিত হ’ব পাৰে৷ পৌৰাণিক কাহিনী অনুসৰি কৈলাশ পৰ্বতৰ উত্তৰে আছে এই গন্ধমাদন পৰ্বত৷ ঘন জংঘলেৰে ঢকা এই পৰ্বত বৰ্তমান তিব্বতত অৱস্থিত৷
কল্কি অৱতাৰক সহায় কৰিব হনুমানে
কলিযুগৰ শেষত ধৰাধামত আবিৰ্ভূত হ’ব শ্ৰীবিষ্ণুৰ দশম অৱতাৰ কল্কি৷ কলিযুগৰ অৱসান ঘটাৰ পাছত সত্যযুগৰ সূচনা কৰিব তেওঁ৷ বিষ্ণু পুৰাণ, ভৱিষ্য পুৰাণ আৰু কল্কি পুৰাণত কোৱা হৈছে যে কলিযুগৰ শেষত কল্কি অৱতাৰক সহায় কৰিবলৈ স্বমহিমাৰে ধৰা দিব বজৰংবলীয়ে৷ হনুমানৰ অবিহনে আৰু যি ৬চিৰঞ্জীৱিৰ উল্লেখ পোৱা যায়, তেওঁলোকে সকলোৱে পুনৰ ধৰ্ম প্ৰতিষ্ঠা কৰিবলৈ সহায় কৰিব কল্কি অৱতাৰক৷
ধৰ্মৰক্ষা কৰিব হনুমানে
কল্কিৰ জন্মৰ সময়তেই তেওঁ বধ কৰিবলৈ উদ্যোগী হৈ উঠিব অসাধু কিছু লোকে৷ সেই সময়তেই কল্কিৰ চাৰিওফালে সুৰক্ষা বলয় তৈয়াৰ কৰিব বজৰংবলীয়ে৷ ইয়াৰোপৰি সেই ঘোৰ দুঃসময়তো যিসকল ধৰ্মৰ পথত চলিব তেওঁলোকক ৰক্ষা কৰিব বজৰংবলীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
