কথাতেই কোৱা হয় টকাই টকাক আকৰ্ষণ কৰে৷ অৰ্থাৎ আপোনাৰ অৰ্থই আৰু অৰ্থক আকৰ্ষণ কৰি আপোনাৰ কাষ চপাই আনিব৷ কিন্তু ইয়াৰ বাবে বাস্তুশাস্ত্ৰৰ কেইটিমান নিয়ম মানি চলাও জৰুৰী৷ ঘৰৰ যিকোনো স্থানত টকা পইছা ৰখা মুঠেও সঠিক নহয়৷ ঘৰৰ কোন স্থানত টকা ৰাখিব সেই বিষয়ে বাস্তুশাস্ত্ৰত উল্লেখ আছে৷ সঠিক স্থানত টকা ৰাখিলে প্ৰসন্ন হয় মা লক্ষ্মী আৰু কুবেৰ৷
ঘৰৰ ক’ত ধন ৰাখিব?
আলমাৰিৰ লকাৰ বা ড্ৰায়াৰ য’তেই ধন ৰাখে তাত ভুলতো কৰ্টৰ কাগজ, চিকিৎসকৰ প্ৰেছক্ৰিপছন, শাৰীৰিক পৰীক্ষাৰ ৰিপৰ্ট আদি নাৰাখিব৷ বাস্তুশাস্ত্ৰ বিশেষজ্ঞই জনাইছে যে ঘৰৰ য’ত ধন ৰাখে সেয়া সদায় উত্তৰ দিশত ৰাখক৷ উত্তৰ হৈছে সম্পদৰ দেৱতা কুবেৰৰ দিশ৷ বাস্তু অনুসৰি এই দিশত ধন ৰখা শুভ৷ ইয়াৰ ফলত কুবেৰৰ আশীৰ্বাদত অৰ্থ ভাণ্ডাৰ কেতিয়াও খালী নহয়৷ নতুন চকচকীয়া নোট পালে খৰচ নকৰি জমা ৰখাৰ প্ৰৱণতা আমাৰ বহুতৰ মাজতেই দেখা যায়৷ বাস্তুশাস্ত্ৰই এই অভ্যাসক সমৰ্থন কৰে৷ নতুন নোট উত্তৰ দিশৰ কাবাৰ্ডত ৰাখক৷ তাতেই টকাৰ সৈতে এটি কুবেৰ যন্ত্ৰ ৰাখিব পাৰিলে অতি শুভ৷
টকাৰ ওপৰত লিখাৰ অভ্যাস বহুতৰেই থাকে৷ বাস্তু অনুসৰি এই প্ৰৱণতা মুঠেও ভাল নহয়৷ টকাৰ ওপৰত কাহানিও একো নিলিখিব৷ ইয়াৰোপৰি আঙুলিত থু লগাই টকা গণনা কৰাৰ অভ্যাসো অত্যন্ত অশুভ৷ ইয়াৰ ফলত ৰুষ্ট হয় মা লক্ষ্মী৷ ইয়াৰোপৰি থু লগাই টকা গণিলে নোটত লাগি থকা ধুলি মাকটি আমাৰ মুখত লাগি যায়৷ ইয়াৰ পৰা শৰীৰত ৰোগ হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
