২০২২ চনৰ জুলাই মাহত হঠাৎ সকলোকে অবাক কৰি দিয়ে সুস্মিতা সেনৰ কেইখনমান ছবিয়ে৷ উদ্যোগপতি আৰু প্ৰাক্তন আইপিএলৰ চেয়াৰমেন ললিত মোদীৰ সৈতে সুস্মিতাৰ ঘনিষ্ঠ কেইখনমান ফটো মোবাইলে মোবাইলে ভাইৰেল হৈ পৰিল৷ বহুতেই এই ফটো দেখি সুস্মিতাক ললিত মোদীৰ জীৱনসংগী বুলিও আখ্যা দিলে৷ সেই সময়তে সুস্মিতাই ফটোকেইখনক লৈ কয় যে তেওঁ নিজকে ডায়মণ্ড ডিগাৰ বুলিয়েই ভাৱে৷ অৱশ্যে পাছলৈ তেওঁ নিজকে চিংগল বুলিও ঘোষণা কৰে৷ প্ৰাক্তন বিশ্বসুন্দৰী সুস্মিতাৰ সৈতে সম্পৰ্কক লৈ বিগত ৪বছৰে মুখ বন্ধ ৰাখিলেও এইবাৰ মুখ খুলিছে ললিত মোদীয়ে৷ তেওঁ প্ৰথমেই কয় যে সুস্মিতাৰ স্থান তেওঁৰ জীৱনত সদায়ে বিশেষ৷
এক সাক্ষাৎকাৰত কথাৰ মাজতে প্ৰাক্তন আই পি এলৰ চেয়াৰমেনে কয় যে তেওঁৰ ধাৰণা আজিও সুস্মিতাৰ বাবে ভালপোৱা আৰু সন্মান তেওঁৰ আছে৷ ললিত মোদীয়ে কয়, ‘সুস্মিতা খুবেই বিশেষ আছিল মোৰ বাবে৷ মই তেওঁৰ পৰা বহু কথা শিকিছো৷ আজি মোক যেনেকৈ দেখিছে এইজন মানুহক গঢ় দিয়াত সুস্মিতাৰ ডাঙৰ ভূমিকা আছে৷ সেই সময়ত সুস্মিতাই মোৰ জীৱনৰ অংশ আছিল৷ কেৱল আমাৰ মাজত কিছু কাৰণবশত দূৰত্ব আহি গৈছিল৷ মোৰ আৰু সুস্মিতাৰ সম্পৰ্ক খুবেই বিশেষ আছিল মোৰ মনত৷ সুস্মিতা আৰু মোৰ বহু ভাল স্মৃতি আছে৷ এতিয়াও আমি ভাল বন্ধু৷’
চিংগল মাদাৰ হিচাপে ললিত মোদীয়ে সুস্মিতাৰ ভূয়সী প্ৰশংসা কৰে৷ তেওঁ জনায় যে অভিনেত্ৰীয়ে তেওঁৰ নিজৰ জীৱন নিজেই সামৰি ৰাখিছে৷ চিংগল মাদাৰ হিচাপে সুস্মিতা অসাধাৰণ৷ উদ্যোগপতি ললিত মোদীয়ে লগতে কয়, ‘মই অবাক হৈ কেৱল তেওঁৰ উন্নতি চাই থাকো৷ মই ভালপাওঁ তেওঁৰ এই উন্নতি৷ মই কেৱল বিচাৰো তেওঁ ভালে থাকক৷’ উল্লেখ্য যে ২০২২ চনত ললিত আৰু সুস্মিতাৰ সম্পৰ্ক অফিচিয়েল হৈছিল৷ তেতিয়াই বহুতে সুস্মিতাক গোল্ড ডিগাৰ বুলি ট্ৰল্ডো কৰিছিল৷ সেই সময়ত কিন্তু সম্পূৰ্ণ নিৰৱ ভূমিকা পালন কৰিছিল ললিত মোদীয়ে৷
সুস্মিতাই কেৱল ট্ৰলাৰক উদ্দেশ্যি সেই সময়ত কৈছিল, ‘মোৰ ভাল লাগিছে গোল্ড ডিগাৰ শব্দৰ যথাৰ্থ ব্যৱহাৰ কৰা হৈছে৷ মোৰ ওপৰত এই শব্দ ব্যৱহাৰ কৰা দেখি বেয়া লগা নাই৷’ কিন্তু সুস্মিতাক আজিও লুভীয়া বা অন্য কোনো উপনাম দিব নোখোজে ললিত মোদীয়ে৷ ললিত মোদীয়ে স্পষ্ট কৰি জনাই দিছে যে সুস্মিতাক তেওঁ যেতিয়া লগ পাইছিল তাৰ পূৰ্বৰে পৰাই সুস্মিতা আৰ্থিকভাৱে সৱল৷ তেওঁ এনে এগৰাকী মানুহ যিয়ে কেতিয়াও কাৰো পৰা একো আশা নকৰে৷ ইয়াৰোপৰি তেওঁ জনাই দিছে যে তেওঁলোকৰ সম্পৰ্ক ভাঙিছে কেইবাবছৰ পূৰ্বেই৷ দ্বিতীয় বিবাহো কৰাইছে ললিত, সুস্মিতা অৱশ্যে এতিয়াও চিংগল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
