অসম লাইভ২৪: তিনি ৰাজ্যৰ নিৰ্বাচনী ফলাফলক লৈ সৰ্বত্ৰতে চৰ্চা। পূৰ্বৰ তুলনাত বিজেপি দলটোৰ সমাদৰ জনমানসত কমা বুলি বহুতেই দাবী কৰাৰ সময়তে এইবাৰৰ নিৰ্বাচনী ফলাফলে তুলি ধৰিছে পৃথক তথ্য।
তিনিৰাজ্যৰ ভিতৰত পোনতেই যদি মেঘালয়লৈ চোৱা যায় তেন্তে মেঘালয়ত বিজেপিৰ বিধায়ক ২০১৮ত আছিল ২ এইবাৰো ২। অন্যহাতে ত্ৰিপুৰাত ২০১৮ত বিজেপিৰ বিধায়ক আছিল ৩৩ আৰু এইবাৰ হ’ল ৩২। অৰ্থাৎ ভাইৰেল খবৰ প্ৰায়ে মিছা বিজেপিৰ সমাদৰ ত্ৰিপুৰাত এতিয়াও কমা নাই।
নাগালেণ্ডতো একেই পৰিসংখ্যা। ২০১৮ ত নাগালেণ্ডত বিজেপিৰ বিধায়ক আছিল ১২টা আৰু এইবাৰো ১২।
অৰ্থাৎ ক’তো বিজেপিৰ বিধায়ক বঢ়া নাই। কমাও নাই। কিন্তু আসন বৃদ্ধি পাইছে National People’s Party আৰু Nationalist Democratic Progressives Party ৰ। কিন্তু এইসকলোবোৰৰ মাজতেই বিজেপিৰ চৰ্চা হোৱাৰ একমাত্ৰ কাৰণেই হৈছে, বিজেপিয়ে সৰু বৰ সকলো নিৰ্বাচনক Seriously লয়।
যিটো বিৰোধী দলবোৰে নকৰে বা কৰিব নাজানে।প্ৰেক্ষাপটৰ ভিত্তিত ৰাজনীতি, বিজেপিয়ে জানে। সেয়ে ক’তো এখনো আসন নবঢ়া সত্বেও এই আটাইকেইখন ৰাজ্যত বিজেপি ক্ষমতাত থাকিব। ইয়াৰে ত্ৰিপুৰাত মূল দল হিচাপে আৰু মেঘালয় আৰু নাগালেণ্ডত সহযোগী হিচাবে বিজেপিয়ে আকৌ এবাৰ নিজৰ ক্ষমতা দেখুৱালে।
‘Politics is a power game and Election is a calculation ʼএই কথা বিজেপিয়ে অন্য বিৰোধী দলবোৰতকৈ অধিক ভাৱে হৃদয়ংগম কৰে আৰু সেইমতে কাম কৰে। সেয়ে ক’তো এখনো আসন নবঢ়া সত্বেও সকলো বিজেপিময় হৈ পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
