দিল্লীৰ বিশেষ NIA আদালতে বুধবাৰে সন্ত্ৰাসবাদীক পুঁজি যোগানৰ গোচৰত কাশ্মীৰৰ বিচ্ছিন্নতাবাদী নেতা ইয়াছিন মালিকক যাৱজ্জীৱন কাৰাদণ্ডৰ শাস্তি প্ৰদান কৰে। ইয়াছিন মালিকৰ বিৰুদ্ধে ৰাষ্ট্ৰীয় তদন্তকাৰী সংস্থাই (NIA) মৃত্যুদণ্ড বিচাৰিছিল যদিও আদালতে ইয়াছিন মালিকক দুটাকৈ যাৱজ্জীৱন কাৰাদণ্ড প্ৰদান কৰে।
বিশেষ ন্যায়াধীশ প্ৰবীণ সিঙে ৯টা গোচৰত ইয়াছিন মালিকক বিভিন্ন ধৰণৰ কাৰাদণ্ড প্ৰদান কৰে। কঠোৰ অবৈধ কাৰ্যকলাপ প্ৰতিৰোধ আইন (UAPA) আৰু ভাৰতীয় দণ্ডবিধি (IPC)ৰ অধীনত তেওঁৰ বিৰুদ্ধে বিভিন্ন অপৰাধৰ অভিযোগ উত্থাপন কৰা হৈছিল।
মালিকক ধাৰা ১২১ (ভাৰত চৰকাৰৰ বিৰুদ্ধে যুদ্ধ চলোৱা, বা যুদ্ধ চলোৱাৰ চেষ্টা কৰা, বা যুদ্ধ চলোৱাত সহায় কৰা), ধাৰা ১২১-এ (ধাৰা ১২১ৰ দ্বাৰা শাস্তিযোগ্য অপৰাধ সংঘটিত কৰাৰ ষড়যন্ত্ৰ), ধাৰা ১২১-খ ভাৰতীয় দণ্ডবিধিৰ, আৰু UAPAৰ ধাৰা ১২, ১৩, ১৫, ১৭, ১৮, ২০, ৩৮ আৰু ৩৯ৰ অধীনত যাৱজ্জীৱন কাৰাদণ্ডৰ শাস্তি প্ৰদান কৰা হৈছে। ইয়াৰ লগতে ইয়াছিন মালিকক ১১ লাখ টকা জৰিমনা বিহিছে ন্যায়ালয়ে।
লগতে পঢ়ক খঙত টিঙিৰি-তুলা চীন! চাৰিও পিনৰ পৰা চীনক চেপি ধৰিছে চাৰি ৰাষ্ট্ৰৰ QUADএ!
ইয়াছিন মালিকৰ শাস্তিৰ পৰিপ্ৰেক্ষিতত বুধবাৰে দিল্লীৰ পাটিয়ালা হাউচ ক’ৰ্টত ব্যাপক আৰক্ষী নিয়োগ কৰা হৈছিল।
চলিত মাহৰ আৰম্ভণিতে সন্ত্ৰাসবাদীলৈ পুঁজি যোগান গোচৰটোত ৫৬ বছৰীয়া য়াছিন মালিকে UAPAৰ অধীনত থকা সকলো অভিযোগতে দোষ স্বীকাৰ কৰিছিল।
১৯ মে’ত বিশেষ ন্যায়াধীশ প্ৰবীণ সিঙে তেওঁক দোষী সাব্যস্ত কৰি NIAৰ কৰ্তৃপক্ষক তেওঁৰ আৰ্থিক অৱস্থাৰ মূল্যায়ন কৰি জৰিমনা বিহাৰ পৰিমাণ নিৰ্ণয় কৰিবলৈ নিৰ্দেশ দিয়ে।
লগতে পঢ়ক কাঁনৰ ৰেড কাৰ্পেটত ভৰি দিয়া প্ৰথম অসমীয়া অভিনেত্ৰী কোন? সঁচাই আইমী বৰুৱা নে?
সূত্ৰ অনুসৰি, শুনানিৰ পৰৱৰ্তী তাৰিখৰ ভিতৰত ইয়াছিন মালিকক তেওঁৰ বিত্তীয় সম্পত্তিৰ ওপৰত শপতনামা দাখিল কৰিবলৈ কোৱা হৈছিল।
মালিকৰ বিৰুদ্ধে UAPAৰ ১৮ নং ধাৰা (সন্ত্রাসবাদী কাৰ্য্য সংঘটিত কৰাৰ ষড়যন্ত্ৰ), আৰু ২০ (সন্ত্রাসবাদী গেং বা সংগঠনৰ সদস্য হোৱা) আৰু ভাৰতীয় দণ্ডবিধিৰ ১২০-বি (অপৰাধমূলক ষড়যন্ত্ৰ) আৰু ১২৪-এ (ৰাজদ্ৰোহ) ধাৰাৰ অভিযোগো উত্থাপন কৰা হৈছিল৷
উল্লেখ্য যে এই গোচৰটো ২০১৭ চনত কাশ্মীৰ উপত্যকাত সংঘটিত হোৱা সন্ত্ৰাসবাদ আৰু বিচ্ছিন্নতাবাদী কাৰ্যকলাপৰ অভিযোগৰ সৈতে জড়িত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
