অসম লাইভ২৪ঃ লোকসভা নিৰ্বাচনত বিজেপি নেতৃত্বাধীন এন ডি এ জোঁটে ৪০০খন আসন পাবই। সংসদৰ শেষ লোকসভা অধিবেশনত এই দাবী কৰিছিল প্ৰধানমন্ত্ৰী নৰেন্দ্ৰ মোদীয়ে। লোকসভা নিৰ্বাচনৰ প্ৰথম আৰু দ্বিতীয় পৰ্যায়ৰ ভোটগ্ৰহণ ইতিমধ্যে সম্পন্ন হৈছে। ইভিএমত ভাগ্য় বন্দী হৈছে বহু হাইপ্ৰফাইল নেতাৰ। মোদীয়ে শেষ অধিবেশনত কৰা ভৱিষ্যদ্বাণী, ‘ এনডিএ জোঁটৰ মুঠ ৪০০খন আসন’ এয়া সঁচা হ’বনে?
২০১৯ৰ লোকসভা নিৰ্বাচনত বিজেপিয়ে ৩৭শতাংশ ভোট লাভ কৰি ৩০৩ খন আসন লাভ কৰি ক্ষমতাৰ গাদীত বহিছিল। ২০১৪ চনৰ নিৰ্বাচনত ৫৪৩খন লোকসভা আসনৰ ভিতৰত বিজেপিয়ে লাভ কৰিছিল ২৮২ আসন আৰু ৩১শতাংশ ভোট। এইবাৰো নিজয় বিজয়ৰ ধাৰ অক্ষুণ্ণ ৰাখি ক্ষমতালৈ আহিব পাৰিবনে বিজেপি চৰকাৰে? জ্যোতিষ গণনাই কি কৈছে? ইণ্ডিয়া জোঁটে টক্কৰ দিব পাৰিবনে মোদীৰ সৈতে সকলোবোৰ তথ্য জ্যোতিষ গণনাৰ অন্তত প্ৰকাশ কৰিছে জ্যোতিষীয়ে।
ইণ্ডিয়া জোঁটৰ ভাগ্য গণনা
ছমাহ পূৰ্বে অৰ্থাৎ ১৮ জুলাই ২০২৩ৰ বিয়লী ৪বাজি ২০মিনিটত বাংগালুৰুত সাংবাদিক সন্মিলন সম্বোধন কৰিছিল বিৰোধী জোঁট ইণ্ডিয়াই। ২৭টা বিৰোধী দল মিলি এই জোঁট গঠন হৈছিল। এই জোঁটৰ জন্মছকত চন্দ্ৰ, বুধ আৰু সূৰ্যৰ যুঁটিত গঠিত হৈ আছে ৰাজযোগ আৰু ধনযোগ। কিন্তু ইয়াৰ সৈতে আছে বৃশ্চিক ৰাশিত শুক্ৰৰ বিংশোত্তৰী দশা আৰু শনিৰ অশুভ প্ৰভাৱ। ইয়াৰ ফলত দ্ৰুত ‘ইণ্ডিয়া জোটৰ সদস্যসকলৰ মাজত মতপাৰ্থক্যই দেখা দিব বুলি জ্যোতিষ শাস্ত্ৰ গণনাই বাখ্যা কৰিছিল। জ্যোতিষ গণনা সঁচা প্ৰমাণিত হৈ ইণ্ডিয়া জোঁটক এইবাৰ ধাক্কা দিছে নীতিশ কুমাৰে। নীতিশৰ দলে ইণ্ডিয়া জোঁট এৰি এনডিএত যোগ দিছে। এই জোটৰ ছকত বৰ্তমান আছে বৃহস্পতিৰ বিংশোত্তৰী দশা আৰু শনিৰ তৃতীয় দৃষ্টি। জ্যোতিষ বিদ্যাই দাবী কৰা অনুসৰি ইণ্ডিয়া জোঁটৰ পক্ষে লোকসভা নিৰ্বাচনত জয়ী হোৱা মুঠেও সহজ নহয়। এয়া একপ্ৰকাৰ অসম্ভৱেই। নৱম ঘৰত সূৰ্য আৰু চন্দ্ৰৰ ৰাজযোগৰ প্ৰভাৱত কংগ্ৰেছ, তৃণমূল আৰু ডিএমকেই পূৰ্বৰ তুলনাত বেছি আসন লাভ কৰিবলৈ সক্ষম হ’ব।
কংগ্ৰেছৰ ভাগ্যত কি আছে?
স্বাধীনতাৰ পাছৰে পৰা ভাৰতৰ ৰাজনীতিত পাঁচ দশক ধৰি কংগ্ৰেছৰ নিয়ন্ত্ৰণ আছিল। ২০১৪ ৰ লোকসভা নিৰ্বাচনত তেওঁলোকে আসন পাইছিল মাত্ৰ ৪৪খন। ২০১৯ত এই আসন বাঢ়ি হয়গৈ ৫২খন। ২০২৪ত কংগ্ৰেছ দলৰ বৰ বিশেষ উন্নতি নহ’ব বুলি জনাইছে জ্যোতিষবিদে। বৰ্তমান কংগ্ৰেঠৰ ছকত বৃহস্পতি আৰু ৰাহুৰ বিংশোত্তৰী দশা চলি আছে। ইয়াৰ সৈতে ৰাহুৰ অন্তৰ্দশা আৰু চন্দ্ৰ পঞ্চমেশ যোগৰ শুভ প্রভাৱো পূৰ্বৰে পৰাই আছে। সেয়ে কংগ্ৰেছ দলে ’১৪ আৰু ’১৯ৰ তুলনাত কেইখনমান আসন বেছিকৈ লাভ কৰিব।
তৃতীয়বাৰৰ বাবে প্ৰধানমন্ত্ৰীৰ আসনত মোদী বহিবনে?
১৯৫০ চনৰ ১৭ ছেপ্টেম্বৰত গুজৰাটৰ ভাডনগৰত জন্ম হৈছিল নৰেন্দ্ৰ মোদীৰ। জন্মছক অনুসৰি তেওঁ বৃশ্চিক ৰাশিৰ জাতক, ইয়াৰ সৈতে মোদীৰ জন্মচক অনুসৰি চন্দ্ৰ আৰু মঙ্গলৰ ৰাজযোগো আছে। এই ৰাজযোগৰ প্ৰভাৱতেই ৰাজনীতিত বিপুল সাফল্য লাভ কৰিছে মোদীয়ে। কেন্দ্ৰত বৃহস্পতি আৰু গজকেশৰী যোগৰ প্ৰভাৱত ভৱিষ্যতে আৰু সাফল্য লাভ কৰাৰ সম্ভাৱনা আছে মোদীৰ। বৰ্তমান শনি আৰু মঙ্গলৰ বিংশোত্তৰী দশাত অশুভ প্ৰভাৱ তৈয়াৰ হৈছে। ইয়াৰ ফলত আগন্তুক লোকসভা নিৰ্বাচনত তেওঁ দলৰ আসন কিছু পূৰ্বতকৈ কমিব। ইয়াৰ ফলত চৰকাৰ গঠনৰ বাবে তেওঁ ওড়িশাৰ নবীন পট্টনায়কৰ সহায় ল’ব পাৰে।
১৯৮০ চনৰ ৬এপ্ৰিলত দিল্লীত বিজেপি দলৰ প্ৰতিষ্ঠা হৈছিল। এই দলৰ ছকত ১৭ফেব্ৰুৱাৰী ২০২৪ চনৰ ১৮ জুলাইৰ পৰা ২০২৫ চন পৰ্যন্ত চলিব চন্দ্ৰ আৰু বুধৰ বিংশোত্তৰী দশা। চন্দ্ৰৰ নীচভংগ যোগ আৰু শনি মঙ্গল যোগৰ প্ৰভাৱত এপ্ৰিল মে মাহত কিছু বিতৰ্কত সোমাই পৰিব পাৰে বিজেপিয়ে। ইয়াৰ ফলত লোকসভা নিৰ্বাচনত তেওঁলোক জয়ী হ’লেও আসনৰ সংখ্যা কমিব পাৰে। মোদীয়ে দাবী কৰিলেও ৪০০ আসনৰ লক্ষ্য পূৰণ নহয় বুলি জ্যোতিষ গণনাত পোৱা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
