অসম লাইভ২৪ঃ ভালপোৱাৰ উৎসৱ হিচাপে ভেলেণ্টাইন ডে’ পালন কৰা হয় যদিও শিৱ পূজাৰ দিনটো দম্পতিসকলৰ বাবে এটা বিশেষ দিন। বহুতেই প্ৰেমৰ সংজ্ঞাক ভিন্নৰূপত উপস্থাপন কৰে। প্ৰতিটো সম্পৰ্কৰ ক্ষেত্ৰতেই প্ৰেমৰ গুৰুত্ব পৃথক বুলি বহুতৰে মনত ধাৰণা। সেয়ে এবাৰ ভালপোৱাৰ সংজ্ঞা পাৰ্বতীয়ে স্বামী মহাদেৱক সুধিছিল। মহাদেৱে এই প্ৰশ্নৰ উত্তৰত কি কৈছিল পাৰ্বতীক?
পাৰ্বতীক এই প্ৰশ্নৰ উত্তৰত মহাদেৱে কোৱা কথাখিনি বৰ্তমান সময়তো অতি প্ৰাসংগিক। আজিৰ দম্পত্তিয়েও এই বিষয়টোক গুৰুত্ব প্ৰদান কৰিলে এটা প্ৰেমময় দাম্পত্য জীৱন কটোৱাত সহয় হয়।
মহাদেৱে পাৰ্বতীক প্ৰেমৰ অৰ্থ বিশ্লেষণ কৰি কি কৈছিল?
শিৱ-পাৰ্বতীৰ বিবাহিত জীৱন প্ৰকৃত প্ৰেমৰ প্ৰতীক। তেওঁলোকৰ সম্পৰ্কৰ মাজত ভালপোৱা, শ্ৰদ্ধা আৰু উৎসৰ্গা মনোভাৱ দেখা যায়। সুখী দাম্পত্য জীৱনৰ বাবে এয়া অত্যন্ত গুৰুত্বপূৰ্ণ। এবাৰ প্ৰেমৰ প্ৰসংগত পাৰ্বতীয়ে স্বামীক সুধিছিল ভালপোৱা প্ৰকৃততে কি? ভালপোৱাৰ ৰহস্য কি? মহাদেৱেই তেওঁৰ ভৱিষ্যত নেকি? তেতিয়াই মহাদেৱে হাঁহিমুখে পাৰ্বতীক কৈছিল, ‘তোমাৰ প্ৰশ্নৰ মাজতেই উত্তৰো লুকাই আছে।’
তাৰপাছতেই শিৱই কৈছিল, ‘তুমি হয়তো প্ৰেমৰ বহু কেইটা ৰূপেই দেখিছা। তুমি যেতিয়া সতী ৰূপেৰে মোৰ সন্মানৰ বাবেই তোমাৰ জীৱন বিসৰ্জন দিছিলা তেতিয়াই মোৰ বাবে জগত, জীৱন, কৰ্তব্য সকলো ভিত্তিহীন হৈ পৰিছিল। তোমাক বাদ দি মোৰ পৃথিৱী একেবাৰেই অসম্পূৰ্ণ হৈ পৰে। তুমি সেয়ে প্ৰতিটো জন্মতেই মোৰ পাৰ্বতী হৈয়েই জন্ম হৈ মোক জীয়াই তুলিবা। হয়তো মোৰ এই তোমাৰ প্ৰতি থকা আনুগত্য, তোমাৰ অবিহনে অৰ্থহীন জীৱনৰ কথাবোৰেই প্ৰতিটো জন্মতেই প্ৰেমৰ কথাকেই ক’ব।’
পবিত্ৰ প্ৰেম বৰ্তাই ৰাখিবলৈ কি কি কৰিব লাগে?
প্ৰেমৰ ওপৰত মহাদেৱৰ এই পাঠেই মৰ্ত্যবাসীক দিছে বিশেষ শিক্ষা। এয়াই সুখী জীৱনৰ অন্য এক ভিত্তি। ইয়াৰোপৰি কেইবাটাও উপদেশো শিৱই প্ৰকৃত প্ৰেমক জীয়াই ৰাখিবলৈকে দিছে।
এজনে আনজনক বুজি পোৱাটো প্ৰয়োজন
ভগৱান শিৱ আৰু পাৰ্বতী বহু জন্মৰেই সংগী আছিল। তেওঁলোকে এজনে আনজনক প্ৰতিসময়তে জানিবৰ বাবে অবিৰাম চেষ্টাও চলাইছিল। শিৱ-পাৰ্বতীৰ এই দিশটোক প্ৰতিটো দম্পতিয়েই অনুসৰণ কৰিব পাৰে। প্ৰত্যেক দম্পতিৰ মাজতেই কাজিয়া বিবাদ আদি থাকেই। এই বিবাদবোৰক গুৰুত্ব প্ৰদান নকৰি সমাধানৰ চেষ্টা কৰিব লাগে। এটা সৰু প্ৰশংসাই সম্পৰ্কৰ তিক্ততা দূৰ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
