উত্তৰপ্ৰদেশৰ প্ৰয়াগৰাজত মহাকুম্ভৰ আয়োজন কৰা হ’ব৷ ইতিমধ্যেই আৰম্ভ হৈছে প্ৰস্তুতি৷ আগন্তুক বৰ্ষৰ আৰম্ভণিতে প্ৰয়াগৰাজৰ সংগম নগৰীত হ’ব মহাকুম্ভ৷ ২০২৫ত মহাকুম্ভত হ’বলগীয়া ছাহী স্নান বা ৰাজস্নানক লৈ আৰম্ভ হৈছে বিতৰ্ক৷ বহুতেই ছাহী স্নানৰ নাম সলনি কৰাটো বিচাৰিছে৷ সন্তসকলে কৈছে যে ছাহী স্নান নামটো সনাতন ধৰ্মৰ সৈতে খাপ নাখায়৷ সেয়ে এই নাম সলনি হ’ব লাগে৷ সনাতন ধৰ্মৰ কোনো বিশেষ নামেৰে এই স্নানৰ নামকৰণ কৰিব লাগে৷
ছাহী স্নান কি?
সাধু-সন্তসকলে কৰা এই ছাহী স্নানৰ বিশেষ মাহাত্ম্য আছে৷ হৰ মহাকুম্ভ আৰু অৰ্ধকুম্ভত ছাহী স্নানৰ আয়োজন কৰা হয়৷ ছাহী স্নানৰ পূৰ্বে সন্তসকলে বিশেষ ৰেলী কৰি নৈৰ পাৰলৈ যায়৷ তাৰপাছত বিশেষ নৈত ডুব মাৰি সূৰ্যপ্ৰণাম কৰে৷ সাধু, সন্ত আৰু নাগা বাবাসকলকে ধৰি প্ৰায় ১৩টা কুলৰ বিশেষ সন্তই এই ছাহী স্নান কৰে৷ মাঘ মাহত অনুষ্ঠিত এই মহাকুম্ভত শুভ তিথি মানি ১৩ বিশেষ কুলৰ সন্তই স্নান কৰিব৷ তেওঁলোকৰ বাবে নিৰ্দিষ্ট সময় বান্ধি দিয়া হয়৷
কেতিয়া কেতিয়া হ’ব ছাহী স্নান?
মহাকুম্ভৰ আৰম্ভণি হ’ব ১৩ জানুৱাৰীত আৰু শেষ হ’ব ২৬ জানুৱাৰীত৷ এই সময়ৰ মাজত ৫ টা বিশেষ ছাহী স্নান চলিব৷ ১৪ জানুৱাৰী(মকৰ সংক্ৰান্তি), ২৯ জানুৱাৰী( মৌনী অমাবস্যা), ৩ ফেব্ৰুৱাৰী(বসন্ত পঞ্চমী), ১২ ফেব্ৰুৱাৰী(মাঘী পূৰ্ণিমা) আৰু ২৬ ফেব্ৰুৱাৰী(মহা শিৱৰাত্ৰী)ত এই ছাহী স্নান হ’ব৷
কেতিয়া কেনেকৈ আৰম্ভ হ’ল ছাহী স্নানৰ পৰম্পৰা?
ছাহী স্নানৰ পৰম্পৰাৰ কথা হিন্দু ধৰ্মৰ কোনো গ্ৰন্থতেই উল্লেখ নাই৷ ঐতিহাসিক মান্যতা অনুসৰি এই পৰম্পৰাৰ আৰম্ভণি হৈছিল ১৪-১৬শ শতাব্দীৰ মাজত৷ এই সময়ত মোগলে আমাৰ দেশত ৰাজত্ব চলাই আছিল৷ সাধু আৰ মোগলৰ মাজত সেই সময়ত বিভিন্ন তৰ্ক বিতৰ্কও চলিছিল৷ ইয়াৰ সমাধান হিচাপে সাধু আৰু মোগল সম্ৰাট এখন বিশেষ মিটিঙত বহে৷ তাতেই এজনে আনজনৰ প্ৰতি শ্ৰদ্ধা আৰু সন্মান জনাই ৰীতি নীতিৰ সালসলনি কৰে৷ ইয়াৰ পাছতেই কুম্ভত আৰম্ভ হয় ছাহী স্নানৰ পৰম্পৰা৷
কোনে প্ৰথমে ছাহী স্নান কৰিছিল?
মোগল আৰু সন্তৰ মিটিঙৰ কিছুদিন পাছতেই আছিল মহাকুম্ভ৷ মহাকুম্ভৰ সেই সময়ত সাধু আৰু সন্তই মোগলক দিয়া কথামতেই ছাহী স্নান কৰে৷ তেতিয়াৰে পৰাই এই ছাহী স্নানৰ বিশেষ মাহাত্ম্য আছে৷ প্ৰত্যেকবাৰেই মহাকুম্ভ সময়ত দেখ বিদেশৰ সাধু সন্তই ভিৰ কৰে কেৱল ছাহী স্নানৰ বাবেই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
