অসম লাইভ ২৪ঃ মাজুলীৰ শোকাৱহ নাও দুৰ্ঘটনাৰ আজি তৃতীয় দিন৷ বৰ্তমানেও সন্ধান পোৱা নাই দুৰ্ঘটনাত নিখোজ হোৱা ডাঃ বিক্ৰমজিৎ বৰুৱা আৰু ইন্দ্ৰেশ্বৰ বৰাৰ৷ SDRF আৰু NDRF বাহিনীয়ে তৎপৰতাৰে অব্যাহত ৰাখিছে উদ্ধাৰ অভিযান৷ দুয়োটা পৰিয়াল এতিয়া ভীষণ চিন্তিত, দুয়োখন ঘৰতেই শোকাকুল পৰিবেশ৷ ইফালে, আজি পৰিস্থিতি পৰিদৰ্শন কৰিবলৈ মাজুলীত উপস্থিত হ’ব প্ৰাক্তন মুখ্যমন্ত্ৰী তথা বিধায়ক সৰ্বানন্দ সোণোৱাল৷ দিল্লীৰ পৰা ডিব্ৰুগড়ত উপস্থিত হৈ পোনে পোনেই ৰাওনা হ’ব মাজুলীলৈ৷ উল্লেখ্য, বুধবাৰে ব্ৰহ্মপুত্ৰৰ বুকুত সংঘটিত হোৱা ভয়াৱহ নাও দুৰ্ঘটনাত ডুব গৈছিল এখন নাও৷ তেতিয়াৰ পৰাই সন্ধানহীন হৈ আছে দুয়োগৰাকী ব্যক্তি৷ উদ্ধাৰকাৰী দলে অব্যাহত ৰাখিছে উদ্ধাৰ অভিযান৷ এই শোকাৱহ দুৰ্ঘটনাতেই অকালতে প্ৰাণ হেৰুৱাইছিল মাজুলীৰ ৰঙাচাহী মহাবিদ্যালয়ৰ অধ্যাপিকা পৰিমিতা দাসে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
