অসম, উত্তৰ-পূব জ্ব/লি/ছে বুলি কোৱা মমতা বেনাৰ্জীৰ মন্তব্যক লৈ ক্ষুব্ধ অসম আৰু মণিপুৰৰ মুখ্যমন্ত্ৰীদ্বয়
কলকাতাৰ চিকিৎসক ধৰ্ষণ আৰু হত্যাৰ গোচৰত বেয়াকৈ ঘেৰি ধৰিছে টিএমচিৰ নেতৃ তথা পশ্চিম বংগৰ মুখ্যমন্ত্ৰী মমতা বেনাৰ্জীক। ইফালে উত্তৰ-পূব সন্দৰ্ভত মমতা বেনাৰ্জীয়ে এনে এক বিবৃতি দিছে যাৰ ওপৰত অসমৰ মুখ্যমন্ত্ৰী হিমন্ত বিশ্ব শৰ্মা আৰু মণিপুৰৰ মুখ্যমন্ত্ৰী এন. বীৰেণ সিং ক্ষোভিত হৈ পৰিছে।
উত্তৰ পূৱৰ দুয়োগৰাকী মুখ্যমন্ত্ৰীয়ে মুমমতা বেনাৰ্জীক পোনপটীয়াকৈ সোধে যে- দিদীয়ে উত্তৰ-পূবক ভাবুকি দিবলৈ কেনেকৈ সাহস কৰিলে? লগতে এনে দায়িত্বহীন মন্তব্যক তীব্ৰ গৰিহণা।
হিমন্ত বিশ্ব শৰ্মা আৰু এন. বীৰেণ সিঙে এই সন্দৰ্ভত ছ’চিয়েল মিডিয়া প্লেটফৰ্ম ‘এক্স’ত পোষ্ট শ্বেয়াৰ কৰিছে। য’ত তেওঁ কয় যে মমতা দিদিয়ে উত্তৰ-পূব আৰু দেশৰ বাকী অংশৰ ওচৰত ৰাজহুৱাভাৱে ক্ষমা খুজিব লাগে। ইয়াৰ সমান্তৰালকৈ মুখ্যমন্ত্ৰী মমতা বেনাৰ্জীয়ে বিভাজনকাৰী ৰাজনীতিৰ জৰিয়তে হিংসা আৰু ঘৃণাৰ উচটনি দিয়াটো অনতিপলমে বন্ধ কৰিব লাগে।
উল্লেখ্য যে, পশ্চিমবংগৰ মুখ্যমন্ত্ৰী মমতা বেনাৰ্জীয়ে প্ৰধানমন্ত্ৰীক উদ্দেশ্য কৰি কৈছিল যে, “প্ৰধানমন্ত্ৰী মোডী, আপুনি আপোনাৰ মানুহৰ জৰিয়তে বংগত অশান্তিৰ সৃষ্টি কৰিবলৈ চেষ্টা কৰিছে। কিন্তু মনত ৰাখিব, ‘বাংলা জ্বলিলে অসম, উত্তৰ-পূব, উত্তৰ প্ৰদেশ, বিহাৰ, ঝাৰখণ্ড, ওড়িশা আৰু দিল্লীতো জ্বলিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
