বিৰোধীৰ মুখ্য নেত্ৰী হ’বলৈ গৈ আকৌ এবাৰ উজুটি খালে পশ্চিমবংগৰ মুখ্যমন্ত্ৰী মমতা বেনাৰ্জীয়ে৷ নিজৰ ৰাজনৈতিক শক্তি দেখুৱাবলৈ মমতাই ৰাষ্ট্ৰপতি পদৰ প্ৰাৰ্থীৰ বাবে প্ৰথমে কাষ চাপিছিল ncpৰ শাৰদ পাৱাৰৰ৷
কিন্তু পাৱাৰে বিনম্ৰতাৰে প্ৰত্যাখ্যান কৰিছিল মমতাৰ অনুৰোধ৷ ইয়াৰ পাছত কাষ চাপিল নেচনেল কনফাৰেন্সৰ ফাৰুক আব্দুল্লাৰ।
আব্দুল্লাও নহ’ল ৰাজি৷ কাষ চাপিল মহাত্মা গান্ধীৰ নাতি গোপাল কৃষ্ণ গান্ধীৰ৷ মমতাৰ কথাত মান্তি নহ’ল গান্ধীৰ নাতি উপায়হীন মমতাই শেষ মুহূৰ্তত ৰাষ্ট্ৰপতি পদৰ বাবে প্ৰক্ষেপ কৰিলে নিজ দলৰে যশোৱন্ত সিনহাক৷
পিছে মমতা বেনাৰ্জীৰ এই অংক ভাৰতীয় জনতা পাৰ্টীয়ে এনেদৰে উলট-পালট কৰি দিলে মমতাৰ সকলো সপোন ভাঙি চূৰমাৰ হোৱাৰ উপক্ৰম ঘটিছে৷
৫০ শতাংশৰ অধিক ভোট পালেই জয়ী হ’ব ৰাষ্ট্ৰপতি পদৰ প্ৰাৰ্থী৷ ভাৰতীয় জনতা পাৰ্টী আৰু মিত্ৰ দলসমূহৰ মুঠ ভোট আছে ৪৮ শতাংশ
ndaৰ ২ শতাংশ ভোট কম হৈ থকাৰ বাবেই মমতাই ভাবিছিল তেওঁ খেল খেলিব৷ কিন্তু খেলা হ’বে বুলি ভবা মমতাক এনে খেলেৰে নৰেন্দ্ৰ মোদীয়ে বান্ধিলে য’ত ওলাবলৈ বাট নাইকীয়া হৈছে পশ্চিমবংগৰ মুখ্যমন্ত্ৰীৰ৷
nda ৰাষ্ট্ৰপতি পদৰ বাবে প্ৰক্ষেপ কৰিলে দ্ৰৌপদী মূৰ্মুক। এয়া যেন এক গুলীত দুই চিকাৰ৷ এফালে দ্ৰৌপদী মূৰ্মু হ’ল আদিবাসী মহিলা৷
আনফালে জনজাতীয় লোক৷ উল্লেখ্য যে অসমৰ বাহিৰে আদিবাসী লোকসকল জনজাতি হিচাপে স্বীকৃত৷ এই দুটা উত্তৰাধিকাৰী হোৱাৰ বাবে দ্ৰৌপদী মূৰ্মুক লৈ মহাবিপদত বিৰোধী।
মায়াৱতীয়ে ইতিমধ্যে স্পষ্ট কৰি দিছে, জনজাতি আৰু আদিবাসী হোৱাৰ বাবে তেওঁলোকে ভোট প্ৰদান কৰিব দ্ৰৌপদী মূৰ্মুক৷
নিজা ৰাজ্য হিচাপে ওড়িশাৰ বিজু জনতা দলৰ নবীন পাটনায়কে স্পষ্ট কৰি দিছে তেওঁৰ দলৰ ভোট মূৰ্মুৰ পক্ষত৷ ysr প্ৰধান জগমহন ৰেড্ডীৰ ভোট আহিব ndaৰ সপক্ষত৷
বিহাৰৰ জিৎৰাম মাঝি আৰু ঝাৰখণ্ড মুক্তি মৰ্চাৰ ভোটো দ্ৰৌপদী মূৰ্মুৰ পক্ষতে অহাটো খাটাং৷ কিয়নো দ্ৰৌপদী মূৰ্মুক সমৰ্থন নকৰিলে জনজাতি আৰু আদিবাসী বিৰোধীৰূপে স্বীকৃত হোৱাৰ ভয়ৰ ভূতে খেদিছে বিৰোধী শিবিৰক৷
এই ভূতৰ পৰা ৰক্ষা পোৱা নাই অৰবিন্দ কেজৰিৱালৰ আম আদমি পাৰ্টীও৷ কিয়নো বিহাৰ, ঝাৰখণ্ডৰ দৰে আদিবাসী ভোটসমূহত নিজৰ ফালে আনিবলৈ অহৰহ যত্ন কৰি আহিছে আম আদমি পাৰ্টীয়ে৷
এনে সময়ত যশোৱন্ত সিনহাক ভোট প্ৰদান কৰি ট্ৰাইবেল আৰু আদিবাসীৰ ৰোষত পৰিবলৈ বিচৰা নাই কেজৰি বাহিনী৷ ndaৰ এনে কৌশলত ধৰাশায়ী হৈছে বিৰোধী শিবিৰ৷
ৰাষ্ট্ৰপতি নিৰ্বাচনত প্ৰাৰ্থী থিয় কৰাই এনেদৰে এতিয়া অথাই সাগৰত পৰিছে মমতা বেনাৰ্জী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
