প্ৰথমে নিজৰ পত্নীৰ নগ্ন ভিডিঅ’ ইন্টাৰনেটত প্ৰচাৰ কৰি তাৰপিছত অন্য পুৰুষেৰে সৈতে পত্নীৰ পৰ্ণ ভিডিঅ’ নিৰ্মাণেৰে ব্যৱসায় কৰি অহাৰ দৰে অতি এক অকল্পনীয় ঘটনা পোহৰলৈ আহিছে৷
ঘটনাটো হৈছে কৰ্ণাটকৰ বাংগালুৰু চহৰৰ ছিঙ্গাচান্দ্ৰা এলেকাৰ৷ আৰক্ষীয়ে প্ৰকাশ কৰা ঘটনা অনুসৰি এহাল স্বামী স্ত্ৰীয়ে এই কাৰ্য কৰি আহিছিল৷
প্ৰথমে স্বামীয়ে পত্নীৰ নগ্ন ভিডিঅ’ ৰেকৰ্ডিং কৰি টুইটাৰৰ এটা ফেক একাউণ্টত সেই ভিডিঅ’ প্ৰচাৰ কৰি গ্ৰাহক বিচাৰি টেলিগ্ৰামত যোগাযোগ কৰিবলৈ আহ্বান জআই আহিছিল৷
‘‘আমি স্বামী-স্ত্ৰী৷ আমি বাংগালুৰুত থাকো৷ যদি কোনোৱে মোৰ পত্নীৰ প্ৰতি আগ্ৰহী হয়, তেনে টেলিগ্ৰামত যোগাযোগ কৰক৷’’ পত্নীৰ নগ্ন ভিডিঅ’ এটা শ্বেয়াৰ কৰি টুইটাৰ একাউণ্টটোত এইদৰে লিখা হয়৷
কোনো গ্ৰাহকে টেলিগ্ৰামৰ দ্বাৰা সেই দম্পতীৰ সৈতে যোগাযোগ কৰাৰ লগে লগে তেওঁক তেওঁলোকৰ ঘৰলৈ নিমন্ত্ৰণ কৰা হয়৷ ইয়াৰ পিছতে পত্নীৰে সৈতে গ্ৰাহকজনে যৌন সম্পৰ্ক স্থানপ কৰা সকলো দৃশ্য স্বামীয়ে ভিডিঅ’ ৰেকৰ্ডিং কৰে৷
ইয়াৰ পিছতে উক্ত ভিডিঅ’সমূহ ইন্টাৰনেটৰ বিভিন্ন চাইটসমূহত মুকলি কৰি দিয়ে উক্ত দম্পতীহালে৷ এগৰাকী গ্ৰাহকে টুইটাৰত এনে এটা বিজ্ঞাপনত বাংগালুৰু আৰক্ষী আয়ুক্তক টেগ কৰাৰ পিছতে এই ঘটনাটো পোহৰলৈ আহে৷
ইয়াৰ লগে লগে আৰক্ষীয়ে অতি গোপনে ঘটনাটোৰ তদন্ত আৰম্ভ কৰে৷ আৰক্ষীয়ে তদন্ত আৰম্ভ কৰি দম্পতীহালৰ ঘৰত তালাচী চলাই বহু বিস্ফোৰক তথ্যও লাভ কৰিছে৷
বিনয় নামৰ উক্ত লোকগৰাকীৰ এখন মুৰ্গী ফাৰ্ম আছে আৰু তেওঁৰ পত্নী এটা বেচৰকাৰী প্ৰতিষ্ঠানত কৰ্মৰত৷ বিনয় নামৰ স্বামীগৰাকীয়ে আৰক্ষীৰ আগত প্ৰকাশ কৰিছে যে প্ৰথমে জীৱনক অন্য ধৰণে উপভোগ কৰাৰ লালসাৰে তেওঁ পত্নীৰ সন্মতিত এই কাম আৰম্ভ কৰিছিল৷
কিন্তু টুইটাৰৰ বিজ্ঞাপন পাই গ্ৰাহক বাঢ়ি অহাত তেওঁ পত্নীৰ সন্মতিতে পৰ পুৰুষৰ সৈতে তেওঁৰ পত্নীৰ যৌন সংগমৰ দৃশ্য ৰেকৰ্ডিং কৰিবলৈ আৰম্ভ কৰি ইণ্টাৰনেটৰ বিভিন্ন চাইটত দিবলৈ আৰম্ভ কৰে৷ অৱশ্যে তেনে কৰোতে তেওঁলোকে মুখত ৰঙীন মাস্ক পৰিধান কৰে বুলিও আৰক্ষীয়ে প্ৰকাশ কৰিছে৷
আৰক্ষীয়ে লগতে প্ৰকাশ কৰিছে যে দম্পতীহালে পৰ্ণ ভিডিঅ’ চাই এইদৰে তেওঁলোকেও নিৰ্মাণ কৰিবলৈ আৰম্ভ কৰে৷
বৰ্তমান পত্নীসহ বিনয় নামৰ লোকজনক আৰক্ষীয়ে গ্ৰেপ্তাৰ কৰি তদন্ত প্ৰক্ৰিয়া অব্যাহত ৰাখিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
