নাৰ্জী ফুল কেৱল সুন্দৰতাই নহয়, ইয়াৰ উচ্চ ঔষধি গুণো আছে। ই ছালৰ খজুৱতি, কটা-ছিঙা (পাতৰ ৰস) আৰু অৰ্শ ৰোগৰ উপশম ঘটায়। ইয়াৰ এণ্টি-অক্সিডেণ্ট গুণ চকুৰ স্বাস্থ্যৰ বাবে উপকাৰী, পাচনতন্ত্ৰ উন্নত কৰে, প্ৰদাহ কমায় আৰু ছালৰ পৰিচৰ্যাত (খৰ-খজুৱতি) অত্যন্ত কাৰ্যকৰী। অসমৰ জলবায়ুত কৰিব পৰা ফুলৰ ভিতৰত নাৰ্জী ফুল অন্যতম। এই ফুলৰ উপকাৰী গুণৰ বিষয়ে জানো আহক…
শৰীৰৰ বিভিন্ন স্থানত হোৱা খজুৱতিত নাৰ্জী ফুলৰ পাত থেতেলিয়াই সেই স্থানত লেপ লগাই ক্ষন্তেক সময়ৰ পাছত পৰিষ্কাৰ কাপোৰেৰে মোহাৰি দিব লাগে। এনে ধৰণে লেপ লগালে আৰাম পোৱা যায়। স্বাস্থ্য বিশেষজ্ঞসকলৰ মতে নাৰ্জী ফুল অৰ্শ ৰোগ নিৰাময়ত উপকাৰী। দৈনিক নাৰ্জী ফুলৰ ৰস সেৱন কৰিলে অৰ্শৰ ফলত হোৱা ৰক্তক্ষৰণৰ পৰা সোনকালে সকাহ পোৱা যায়।
কেৱল সেয়াই নহয়, ঋতুস্ৰাৱৰ সময়ত মহিলাৰ বাবে নাৰ্জী ফুল উপকাৰী। দৈনিক নাৰ্জী ফুলৰ ৰস সেৱন কৰিলে ঋতুস্ৰাৱৰ সমস্যাৰ পৰা সকাহ পোৱা যায়। ইয়াৰ বাবে ঘিউৰ লগত মিহলাই নাৰ্জী ফুল খাব পাৰে।
নাৰ্জী ফুলৰ চাহ খালে শৰীৰৰ পৰা বিষাক্ত পদাৰ্থ ওলাই যোৱাত সহায় কৰে। বনৌষধি চাহ হিচাপে ব্যৱহাৰ কৰিব পাৰে। মনত ৰাখিব, এই তথ্য আৰু পৰামৰ্শসমূহ কেৱল সাধাৰণ জ্ঞানৰ উদ্দেশ্যেহে। চিকিৎসাৰ পৰামৰ্শ নোলোৱাকৈ এইবোৰ ব্যৱহাৰ নকৰিব। যদি আপুনি ৰোগ বা সংক্ৰমণৰ লক্ষণ দেখা দিয়ে তেন্তে চিকিৎসকৰ পৰামৰ্শ লওক।
(অস্বীকাৰ: পৰামৰ্শকে ধৰি এই বিষয়বস্তুৱে কেৱল সাধাৰণ তথ্যহে প্ৰদান কৰে। ই কোনো কাৰণতে চিকিৎসকৰ মতামতৰ বিকল্প নহয়। অধিক তথ্যৰ বাবে সদায় বিশেষজ্ঞ বা আপোনাৰ চিকিৎসকৰ পৰামৰ্শ লওক। এই তথ্যৰ বাবে Asom Live 24 ৰে দায়িত্ব স্বীকাৰ নকৰে।)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
