Pan card এতিয়া কেৱল কৰ দাখিলৰ নথি নহয়। বহু ডাঙৰ কামৰ বাবে ই বাধ্যতামূলক হৈ পৰিছে। দেশৰ বিত্তীয় লেনদেন স্বচ্ছ কৰিবলৈ কেন্দ্ৰীয় চৰকাৰ আৰু আয়কৰ বিভাগে নিয়মসমূহ যথেষ্ট কটকটীয়া কৰিছে। আজি পান কাৰ্ড কেৱল সাধাৰণ কাৰ্ড নহয়, ই আপোনাৰ সমগ্ৰ আৰ্থিক পৰিচয়ৰ আটাইতকৈ শক্তিশালী নথি হৈ পৰিছে। যদি আপুনি নতুন গাড়ী কিনাৰ পৰিকল্পনা কৰিছে, সম্পত্তিত বিনিয়োগ কৰিবলৈ, বা বেংকত বৃহৎ পৰিমাণৰ ধন জমা কৰিবলৈ পৰিকল্পনা কৰিছে, তেন্তে এই কাৰ্ডখন অবিহনে আপোনাৰ সকলো কাম স্তব্ধ হৈ পৰিব। আয়কৰ বিভাগে এনে বৃহৎ আৰু সাধাৰণ লেনদেনৰ তালিকা চূড়ান্ত কৰিছে য’ত পেন কাৰ্ড প্ৰদান কৰাটো একেবাৰে বাধ্যতামূলক।
এই কামবোৰৰ বাবে পান কাৰ্ড লাগিব
আয়কৰ বিভাগৰ নতুন গাইডলাইন অনুসৰি নিৰ্দিষ্ট সীমা অতিক্ৰম কৰা লেনদেনৰ বাবে পান কাৰ্ডৰ তথ্য প্ৰদান কৰাটো বাধ্যতামূলক। দুচকীয়া বাহনৰ বাহিৰে যিকোনো গাড়ী বা বাণিজ্যিক বাহন ক্ৰয় বা বিক্ৰী কৰিলে প্ৰথমে এই কাৰ্ডখনৰ প্ৰয়োজন হ’ব। একেদৰে মৌলিক সঞ্চয় একাউণ্টৰ বাহিৰে নতুন বেংক একাউণ্ট খোলা, বা ষ্টক মাৰ্কেটত বিনিয়োগৰ বাবে ডিমেট একাউণ্ট খোলাটোও পান অবিহনে সম্ভৱ নহয়।
কেৱল বিনিয়োগ বা সম্পত্তিৰ কথা নহয়। যদি আপুনি কোনো বিলাসী হোটেল বা ৰেষ্টুৰেণ্টত নগদ ধনেৰে ৫০,০০০ টকাতকৈ অধিক বিল পৰিশোধ কৰে, তেন্তে আপুনি আপোনাৰ পেনৰ সবিশেষ দিব লাগিব। বিদেশ ভ্ৰমণৰ বাবে ৫০,০০০ টকাতকৈ অধিক মূল্যৰ বিদেশী মুদ্ৰা ক্ৰয় কৰিলেও একেই কথা।
ইয়াৰ উপৰিও মিউচুৱেল ফাণ্ড, কোম্পানী ডিবেঞ্চাৰ, বা আৰ বি আই বণ্ডত ৫০,০০০ টকাতকৈ অধিক বিনিয়োগৰ বাবে পেন বাধ্যতামূলক। এদিনতে বেংকত ৫০,০০০ টকাতকৈ অধিক নগদ ধন জমা কৰিবলৈ, একে মূল্যৰ ডিমাণ্ড ড্ৰাফট (ডি ডি) জাৰি কৰিবলৈ, ৫০,০০০ টকাতকৈ অধিক বাৰ্ষিক জীৱন বীমা প্ৰিমিয়াম দিবলৈ, বা বছৰি ৫০,০০০ টকাতকৈ অধিক ডিজিটেল ৱালেটত খৰচ কৰিবলৈও পেন নম্বৰ প্ৰদান কৰাটো প্ৰয়োজনীয়। একেদৰে যদি আপুনি ১০ লাখত টকাতকৈ অধিক মূল্যৰ মাটি বা ঘৰ কিনে বা বিক্ৰী কৰে, বা এক লাখত টকাকৈ অধিক মূল্যৰ তালিকাভুক্ত নোহোৱা শ্বেয়াৰ ক্ৰয় কৰে তেন্তে পান কাৰ্ড থকাটো এটা পূৰ্বচৰ্ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
